الصديق وقت الضيق@قصتي$$$

[متعب]

الصديق وقت الضيق@قصتي$$$

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
نعم احبائي نعم اعزتي نعم أعدائي نعم ياللي ما تدري عني
الصديق نعمه الصديق حسنه الصديق سعاده
ليس كل صديق حسن لاكن انت واختيارك من تصاحب
سوف اسرد لكم قصتي
في يوم من ايم الصيف اعلنت الموسسة العاملة للتدريب التقني والمهني التسجيل
في الدورة المكثفه للغة الانجليزيه
وهي دوره مهمه جدا لنها شرط اساسي لتسجيل في برنامج خادم الحرمين الشرفين لاعداد
المدربين التقنين
المهم لا اطيل
سجلت وطلع اسمي من المقبولين الحمد الله وتم وضعي في الرياض
طبعا بديت اجهز الامور
وكان اولها السياره والحمد الله خلال شهر تدبر الامر واللهم لك الحمد
اتت المشكله الثانيه وهي السكن المهم قلت بروح الرياض قبل بدء الربنامج بي اسبوع
وادور سكن وتتيسر ان شاء الله صحيح لحالي صعبه لاكن مافيه مشكله نتعود
المهم جا العيد اللي هو عيد الفطر وصار جمعه للعائله المهم عديل احوي وايضا ماخذ بنت عمي
وايضا خالي ماخذ اخته عدد علاقات بعد ما انته المناسبه جا مسكني لحالي وقال تعال اسكن مع خوي
طبعا نقول وهو ايه وحلف ممكن قعدنا نصف ساعه الا افنعني المهم طال اعماركم جا بدء البرنامج وتوكلت على الله ومشيت الرياض ووصلت
دقيت على الرجال ووصفلي بيتهم واستقبلني اخوووه طبعا شقة عزاب وانا بسكن عند اخووووه
المهم بعد مشكلة السفر نمة وجا اليوم الثاني مسكة اخو الرجال اللي اسمه مفرح
قلت حبيبي انا جاي معكم وابغى تعلمني كم اجار الشقه عشان نشيل الاجار سوا
طبعا الشقه هي 3 غرف وحلوه قل والله ماتدفع ريال لني دفعت حقة 6 شهور خلاص
وهي بتخلص بعد شهرين بعدها جدد معنا
المهم ما قتنعت قعدنا فتره ممكن اسبوع ورجعت ثاني وقلته ايضا عيا على هذا الحال شهر
الا عيا الاخ مفرح مقتنع تمام ان ما ادفع المهم قلت بيض الله وجهك
المهم ماع الوقت الرجال مع الوقت بدا يتغير جا يلمح في الاجار ويقول ترا يلطع عليك المبلغ الفلاني
بصراحه استغربت وفعلا جيته بالمبلغ وجيت اعطيه قال والله امزح والله والله والله
وبرضه عيا
وسكنا وفله وكان عددنا 6 صح كلهم حق غزل الا وانا واحد لاكن مافيه مشكله خطاهم لهم
مر الوقت وجا وجت احازه العيد الاضحى رحة الديره ورجعت ويوم رجعت دق علي الرجال
(نسيت اقلكم انا والرجال في غرفه)
المهم وانا في الخط قالي الرجال اول ماتخش الرياض عطني خبر قلت طيب مافيه مشكله
طبعا قبل ما اوصل دقيت مارد ارسلت له رساله ووصلت الشقه المهم جيت ابغى افتح باب الغرفه
والله ماش مانفع طلع مغير وسمعت اصوات غريبه سكت والله وحصلت اللابتوب قمة اطقطق فجئه فتح باب الغرفه وقمت ابي اخش ادخل اغارضي واقوم اتروش
وشوي ارى مراءة حافيه عاريه Cant See Images ابو محمد ابوه وش ذا
طلعت وبعد ربع ساعه رجعت جيت ابغى اكلم خووي الا الرجال فووول
ابومحمد ابوه وش السالفه والله الحال ماطاب لي
بصراحه مابغيت اطلع واخلي الرجال بهذ الحال المهم السالفه بين اذان العشا
جيت ابغى اكلمه لاكن الرجال فل وقفل باب الغرفه في وجهي ورفع الاغاني
المهم عذرته وقلت باكر يسير خير ونمت مع مصري في الغرفه الثانيه
صحيت بردي الصباح الا الرجال فووول اخس من اول وجا يسولف معي وانا ما ابغى اقعد معه
دراءة للمفاسد
فجئه طلع الله يصلحه 3 علب خارجي سكت شيلتها بدا يقاوم عطيته مخمس طبعا الرجال سكران طاح طلعت والرجال يلحقني يقولي زعلتCant See ImagesCant See Images انا ررنيت بخمس مفروظ انت اللي تزعل
المهم كسرنا القوراير ورجعت رحت نمت وبعدها طلعت رحت استاجر غرفه حقدت كم يوم
وانقل في اي شقه احصلها
طبعا بعد كم يوم دق علي ومن هذا الكلام وانا مطنش
المهم طال اعماركم رحت الكلية ((طبعا برنامج اللغة مقره الكلية التقنية بالرياض ))
وانا طالع من الدوااام فجئة حصلت الرجال واقف عند السياره
صعبه يسير بينا شي قدام الناااس المهم عزمني في المطعم
((عن اذنكم بطلع اصلي وارجع اكمل))

المصدر: منتديات رشاقة

 

[متعب]

المهم جاني الرجال وعزمني تعشينا في ماك وبعدها جا يكلمني ويعتذر لي ومن هذا الكلام وابشر بحقك وتكفى ومن هذا القبيل المهم رجعنا طال اعماركم
ومشت الايمام الى ان جاء قبل اسبوع كنا نتكلم عن فاتوره جت ضربه فتروة كهرب 1800 بصراحه الفاتوره غريبه
لن العداد بتاع الشقه تجاري ماهو سكني المهم جاء التوزيع الا فاتوره
فجاءة قام خويي وقالي يا متعب انت ساكن بلاش شل الفاتوره كاملهCant See Images
بصراحه قووويه شوووي وحزة في خاطري يعني كلمه قووويه شوي
المهم انا ما احب اسكت قلتله ياحبيبي الفاتوره فيها شهر 10 و11 و12
قال حلو قلت انا معكم من شهر 11 ليه تخلني ادفع شي مالي دخل فيه
انا ماعندي مشكله بس انك دق في الكلام وتشيلني شي مالي دخل فيه اسف
اذا ناقصك شي بعطيك
سكت وقلته وليه اشيل فاتوره وفي الشقه 6 يعني هم شغالي بالفانوس طبعا الرجال سكت
انا اخذت الفاتوره ورحت حسبت العلي وزدة 400 ريال طالاقه مني واعطية كبيرهم
طبعا واضح من الاادمي جت في الخاطره
ومرة يوم او يومين وجاء يسولف وحن مجتمعين
((طبعا خلص اجار ال6 شهور))
جا وقال والله انا بدوري شقه لحالي ومابغى مهي احد يزعجني ويشغلني ويطالع في
ضحكت انا وقال والكلام لك يا جاره بصراحه دقة في خاطري
رحت امس دورة شقة جديده واستاجرة ومسكة معي اني ادفع لها حق ال3 شهور
حسبتها طلع المبلغ جامد جدا علي
واستحي اطلب اخوي لنه والله ماهو قصر وكل اسبوع يحول المبلغ الفلاني
بغيت اكلم امي بس الراتب موقف لسبب ما
المهم ضاقت الدنيا ومنو علينا خلق الله وقفلت معي
المهم وانا اطثث بالجوال وقلت مالي الا صديقي بدر
طبعا يا اخوان بدر ماهو صديق والله حسبت اخ لو اوصف ماواصف ما اخلص
المهم اخذت الجوال وكتبت الرساله وهذي الرساله امس
والله يا خاون جا الرد في دقايق ممكن دقيقه
طبعا مصور الصوره لاكن ماهي واضحه مره
طبعا نص الرساله((خلاص ابشر دورلي رقم حساب وبتوصلك وتراك يا ابو محمد اخوي ولا ارضى لك المذله او احد يمن عليك وانا بدق عليك))
طبعا يا خوان الاخ بدر حالتهم الماديه سيئه جدا جدا جدا
لاكن والله اخ درى اني محتاج والله حولها))
انتيهنا
نهاية الكلام

الصديق وقت الضيق
قالها راعي الضيق
ويوم صرت بضيق
جيت ادور للصديق
انت الصديق
الي على ضيقي يضيق
وانت الرفيق
الي يطاولي الطريق
تحمل هموم غير همك
تسقي الناس من دمك
ويوم صرت بضيق
جيت ادور للصديق

 

بالفعل متعب الصديق وقت الضيق

واللي يديم الأخوة والصداقه

والمفروض اللي حالة مايل من الأول تمسك الباب لأنه مهما طال الزمن

بيرجع ويسوي لك مشكله


والله يكون بعونك

تقبل تحياتي

 

[متعب]

صدقت اخوي المثابر
هذي غلطتي
لاكن وش نسوي غلطتنا

 

هلا بك متعب

الحمد لله كل غلطه فيها دروس وليست عيب

اتمنى لك التوفيق

وانت جالس في الرياض لحد متى

 

[متعب]

هلابك المثابر
والله فيها حاجات ما ذكرتها حفظ على كرماتي هههه
اما انا في الرياض الى 1432/4/15

 

[متعب]

نسيت اقلكم اكمل هههه
اليوم ان شاء الله باخذ الفلوس وارميا في وجه
طبعا عشان لاحد يبكبك علينا
وان شاء الله نوافيك با اخر الاخبار

 

الله يوفقك وين ما رحت يا متعب ويخلصك على خير

 

[ميمو]

متعب <<< الحمدلله انك طلعت منهم والفلوس تتدبر يارجال

الله يوفقك

وبشرنا وش اخبار سكنك الجديد؟؟

 

[ROLEX]

بالتوفيق ان شاء الله ورب العزة والجلال اختار لك الخيره بهذا الموقف اللذي من خلاله ستعرف من تلازم وتجالس -- حفظك المولى