قبل العملية و بعد العملية بـ شهر ...

[بقايا إنسان]

قبل العملية و بعد العملية بـ شهر ...

بسم الله الرحمن الرحيم

في البداية كانت عملتي في 5 - 9 - 1431 هـ في مستشفى الملك فيصل التخصصي بعد سنة من الفحوصات و المواعيد تم تحدي الموعد قبل الموعد بأسبوعين اتصلو على المستشفى و بلغوني انهم وقفوا عمليات السمنة في المستشفى و حولوها على مستشفى الملك خالد الجامعي و الحل قالو لابد انك توح و تفتح ملف عندهم رحت و فتحت ملف و قابلت الدكتور فهد بامحرز في العيادة طبعا قلت للدكتور ان عندي ملف في التخصصي و عملت تحاليل هناك و فضل اني اعيد التحاليل مرة ثانية بالمستشفى الجامعي المواعيد الحكومية طويلة شوي و قالي الدكتور بعد ما شاف وزني اذا ما نزلت20 كيلو من وزنك قبل العملية ما راح اعملها لك !!!
هنا حسيت ان الموضوع مطول و راح يطول اكثر و انا ابي اعمل العملية باسرع وقت ممكن ..
على فكرة انا العام الماضي كنت في النطقة الشرقية تقريبا شهر 7 سنة 1430 هـ رحت للدكتور سلطان التمياط في عيادته في مستشفى سعد التخصصي قبل ما ينتقل لـ مستشفى الرعاية بالخبر و قلت للدكتور ابي اعمل العملية حدد لي عملية السكوبينارو و شرح لي طبعا انا ما كنت ارغب بالسكوبينارو كنت ارغب بالتحوير قال ما عندي مانع اعمل لك العملية بس لابد انك تنزل من وزنك 30 كيلو !! يا دكتور لو عملت رجيم و نزلت 30 كيلو ما عملت العملية قال لا لابد ..
حسيت ان باب العملية تقفل في وجهي قلت لابد اشوف حل قابلت واحد بالدوام بلغني عن مستشفى الحرس بالاحساء يعمل عمليات السمنة مجانا و ان اخته عملتها هناك و فعلا رحت للاحساء للمستشفى الحرس الوطني و فتحت ملف مجانا و قابلت الدكتور احمد السلمان و شرح لي وضع العملية طبعا عملية التحوير كانت و قال لي نفس الكلام لابد انك تنزل وزنك شوي على الاقل 10 كيلو قلت احاول عطاني موعد جديد و تحاليل اعملها بعد عيد الفطر كان الموعد أتفاجأ انهم و قفوا العمليات بشكل مؤقت ليه مدري !!!

كلمت اهلي و بلغتهم بالموضوع الوالد ما قصر دور واسطة بعد شق الانفس و جبت امر علاجي من ولي العهد الامير سلطان الله يطول لنا بعمره لـ مستشفى الملك فيصل التخصصي .

للاسف ما كتب الله لي اعملها في مستشفى الملك فيصل كلمت اخوي مسلم سعودي ما قصر كلم اخونا المثابر ابو خالد جزاهم الله خير و نسق مع الدكتور عبدالرحمن سالم .

رحت للدكتور عبدالرحمن في عيادته في مركز التخصصي و عملت التحاليل الازمه و قلت للدكتور ابي اقرب موعد اعمل فيه العملية حدد لي يوم السبت 10 من شهر رمضان قلت موافق الدكتور عرفني على شخص عمل العملية من 7 شهور تقريبا و كان قريب من وزني الاخ سعود الله يجزاه خير ما قصر معي و هو معنا بالمنتدى س ما اعرف النك اللي مسجل فيه المهم جاء يوم السبت الصباح رحت انا و الوالد للمستشفى يوم وصلت للغرفة بديت اوسوس قلت ليش اعمل العملية اسوي رجيم يمكن ينجح معي كنت متردد و خايف توكلت على الله جت الممرضة و عطتني لبس العملية ضيق و ما ينصك قلت ضيق قالو هذا اكبر مقاس قلت لاحول ولا قوة الا بالله رحت لغرفة العمليات الساعة 10 الصباح صحيت الساعة 5 العصر اتوقع هشام صح صح هشام و انا فيني النوم الساعة 7 مدري 8 المساء جاء اخوي و دوني للغرفة كنت دايخ اول يوم متعب بصراحة و ثاني يوم ثالث يوم بعد و كانت العلبة اللي موصلة بجسمي اللي تسحب السوائل كانت هم كبير بالنسبة لي اليوم الرابع كان اليوم الاخير لي بالمستشفى و كان موعد سحب العلبة السوائل اللي موصله بجسمي يا ان الدكتور عبدالرحمن تعذب معي صارت افلام مو فلم بس عدت على خير الحمد لله ..

بعد توفيق الله الامور كلها تمام و لله الحمد انا الان في الاسبوع الخامس .

الدكتور الرائع باخلاقه و طيبته و محبته لمرضاه الدكتور عبدالرحمن سالم اشكرك جزيل الشكر على ماقدمته معي ..
و اشكر
اخوي مسلم سعودي أبو سيرين
و اخوي المثابر ابو خالد
و اخوي سعود
على اتصالهم و متابعتهم معي

و اختي رانيا ما قصرت

واشكركم من كل اعماق قلبى وخاصتنا المشرفين على المنتدى و جميع اعضاء المنتدى ..

ساعد في نشر والارتقاء بنا عبر مشاركة رأيك في الفيس بوك

المصدر: منتديات رشاقة

 

الله يوفقك ابو الهش ونشوفك رقمين قول امين

واللي ذكرتهم ابو خالد

وحبيب قلبي ابو سيرين سباقين لفعل الخير

اما الدكتور عبدالرحمن سالم يعجز لساني عن ذكر محاسنه

الله يجزاهم خير

 

[tota]

ـ الحمدلله على السلامه اخوي و فالك الرشاقه بالصحه و العافيه

 

[مرتاح]

مشاااء الله تبارك الله

الحمد لله اخوووي على السلامه


ابغاء اسال سؤال ليش المستشفيات الحكوميه وقفت عمليااات السمنه ؟؟ هل له اضرار..؟؟؟

الي يعرف يجاوبني ياخواني

 

[BigBo55]

الله يتمم عليك بالصحة و الرشاقة اخوي هشام ..

شوفتك بعد ما صحيت من البنج اعطتني حافز قوي على الشفاء بعد فضل الله ..

ما اقول الا الله يرزقك على قد نيتك و يسهل عليك امورك ..


و لك من اخوك محمد اجمل تحية ...~


ربي يحفظك ..

 

[شروق الأمل]

الحمدلله على السلامه



و التوفيق بيد الله اولا و اخيرا





(( تم تعديل الرد .. )) الموت لايعرف لامستشفيات حكوميه ولا خاص الموت بيد الله سبحانه والمكتوب لنا ..

 

[شوكلاته دايت]

الحمدلله ع سلامتك
والحمدلله انك سويتها وماتدري الحمدلله يمكن تكون خيره لك ..

عليك بالمشي اخوي وشرب الماااااااااء طول الوقت ..

والدكتور عبدالرحمن
يعجز الواحد عن شكره الله يوفقه ويجزاه خير ..


Cant See Images

 

[شوكلاته دايت]

المشاركة الأصلية كتبت بواسطة مرتاح Cant See Links

مشاااء الله تبارك الله

الحمد لله اخوووي على السلامه


ابغاء اسال سؤال ليش المستشفيات الحكوميه وقفت عمليااات السمنه ؟؟ هل له اضرار..؟؟؟

الي يعرف يجاوبني ياخواني

انا لما سألت الدكتور عبدالرحمن وفهد ..
ان عمليات السمنه صارت كثيره وصارت تكلف بشكل كبير المستشفيات الحكوميه ..
و يبغون يرتبون لها وماتصير كثيره كأنها اي عمليه ..
عشان كذا يصعبون ع المريض ويقولون له انحف وكذا ..

 

[مسلم سعودى]

اسال الله ان يحفظك اخوي هشام من كل شر
ويعطيك الصحه والعافيه يارب وباذن الله كل التعب هذا يصبح من الذكريات وفالك الرشاقه والصحه يارب

 

[كيكهـ حلوهـ]

.


الله يتمم عليك بـ الصحة والعافية ..

ونزول الوزن وانتا بخير وسلامة ..





.