اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 597
عيادة د. عدنان صباحي
عدد الضغطات : 3,849
عيادة الدكتور سالم الصواط
عدد الضغطات : 3,520
رشاقة للخدمات العلاجية
عدد الضغطات : 2,650

العودة   منتديات رشاقة > منتدى العمليات الجراحية > قسم جراحات التجميل > قسم التثدي
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 3,426عرض بالصور للأدوية والفيتامينات والبروتين بعد عمليات السمنة_2015
عدد الضغطات : 3,932هدية رشاقة- جدول نزول الوزن المتوقع بعد العملية بشكل شهري
عدد الضغطات : 3,532توتر
عدد الضغطات : 1,727
عدد الضغطات : 0

تجربتي للتخلص من التثدي 13/7/2018

قسم التثدي

إضافة رد

 
LinkBack أدوات الموضوع انواع عرض الموضوع
قديم 07-21-2018, 07:25 PM   #1
عضو جديد












 

 

آخـر مواضيعي
 
0 تجربتي للتخلص من التثدي 13/7/2018

Newest تجربتي للتخلص من التثدي 13/7/2018



السلام عليكم ورحمه الله وبركاته

اسعد الله اوقاتكم بالخير والمسرات والصحه والعافيه

بفضل من الله وكرمه سويت عمليه التثدي بعد مماطله مني
قرابه السنتين ( تأجيل ماله داعي) لان وقتها كان وزني 96
فكل من قلت بسوي العملية قال الدكاترة نصابين بياخذون فلوس
خش نادي او سويلك رياضة وبيضبط الموضوع فطعتهم للمرة الاولى

ورحت اسوي رياضه وشريت سير من يومارك ودامبلز
والعده كامله متوقع اني بصير فاندام جلست تقريبآ سنه
رياضه مشي يومي عضلات يومي اللي استفدت اني نحفت خلال
السنه تقريبا شيء لاباس به لحين وصولي 80 ونزلت لين 76

وبدت تجيني الكآبه كل شيء تغير ونحف الا الديد صار الوضع
مزري وانت سمين يمشي الموضوع بين الناس دب ومديد عادي

بس المشكلة نحيف ومديد عندك مشكله 😩
فجلست فتره تقريبا 5-6 شهور مكتئب ومنفس وقليل
الطلعات والجمعات وادبل الغداء والعشاء وخلافه قلت ابرجع اسمن
عشان اخفي التثدي لين اسويها

فلم يزبط الموضوع نهائي وماكبر الا الكرشه وزاد التثدي
فاستخرت الله وقررت بشكل فاصل اسوي العمليه

راجعت كذا دكتور وبعضهم سعره خرافي ونتايجه بعضها ماشوفه متقن
او واضح والبعض سعره رخيص ويمدحونه الناس لكن اتابع عملياته وتجارب
الناس ولابد تلقى كم واحد عنده مشكلة مع الدكتور والعيادات الخارجيه سعرهم مغري
لكن مارحت خصوصا لبعض اللي راح يبي يتعافى رجع يبي علاج فقلت
اسويها ببلدي اقلها لو فيه خطأ اقدر اخذ حقي

فاخترت الدكتور رواد سطلي بمركز بنان راسلته والرجل محترم معي ولبق
رغم ان بعض الناس قالوا فيه وفيه لكن ماشفت شيء
واخبرني ان الدرجه عندي درجه ثانيه والتكلفه 9500 شامله المشد

وترك لي حرية تحديد موعد العمليه وقدمت اجازه من العمل لشهر
واخذت مستحقاتها وزودت شوي عليها عشان ما اصرف راتبي

وتم تقريرها قبل اسبوع ولله الحمد وعملتها يوم الجمعه

والعملية كانت سهله جدآ بس انا وغيري باول الوقت يستصعبها
وياخر ويفكر ويوسوس ويضيع وقت واحيان يكون العائق المالي
لدى البعض وانا كنت منهم قبل كم سنه كانت حياتي شوي ديون
وضغوطات لكن ربك يفرج لعبده وييسر امره


تجربتي خلال اول اسبوع بعد العمليه
اول يوم من العمليه راح علي كله نوم رقدت عندهم لين الظهر
ثم طلعت للبيت لكن وقفت عند محطه بشتري لي مويه وعصير
ونمت بالسياره مايقارب نص ساعه لكني واعي ولله الحمد

والسبب اني اكره المستشفيات بشكل كبير خصوصا العمليات
والمشد كان وقتها ضاغط وكاتم انفاسي ( لاني ماتعودت البس شيء ضيق حتى فنيله)

ثاني يوم للعمليه رحت لهم الصباح وفكو الشاش وارخو شوي المشد
والامور طيبه بس ماشفت الصدر ورفضت يرسلي صور لين اتاقلم

ثالث يوم للعمليه قالي اقدر اتروش عادي واحط المرهم على الجروح
والبس المشد طبعا كما ذكرت اني اكره العمليات لما فكيت الدنيا
بتروش وشفت المنظر اغمي علي نص ساعه تقريبآ Cant See Images
بس الحمد لله كانت ام العيال خير عون لي وقتها
وصحصحت وكملت مشروع الترويش ولبست المشد

رابع يوم المشد كان يضايقني لانهم كانو يحطونه على الصف الثاني
من المشد فرحت طلبت مشد هيلب اخذت مقاس xl حسب وزني
لكن ماحسيته مناسب بالشد لكنه مريح وطلبت مقاس اصغر كان مريح
ويشد لكن ليس مثل مشد العياده واضطريت اني ارجع مشدهم
والبس تحته فنيله علاق قطنيه وخليته يمسك على الصف الاول

وادى النتيجه المطلوبة الشد + الراحه والحمد لله اليوم اكمل اليوم
الثامن ومرتاح نفسيآ

زبده التجربه للي بيقدم عليها هي اولها بس تعب قليل اول ثلاث ايام
بتكون مابعد تعودت وحذر بتصرفاتك عشان ماتضر نفسك ويجب تريح
نفسك لاقصى درجه ثم بعدها الايام راح تمشي وتحس الالم يخف تدريجي

انا الان الحمد لله الالام شبه منقرضه الا وقت القياده للسيارة وصار عندي قدره انام على جنبي لاني ماعرف
غير هالوضعيه فكنت متنرفز بالايام الاولى وقل النوم

والان لما اريح شوي بدون مشد احس اني مابعد تاقلمت على الوضع
الجديد تحس فيه شيء ناقص بصدرك ( اشتقت للديد هههه)

وعند السواقه مطبات وحفر الشوارع تنرفزك شوي فانصح تقلل الطلعات
او تركب مع واحد سيارته مريحه زي الفورد او كابرس صابونه

وباقي الامور يالله لك الحمد ونسبه رضاي على الوضع الان 90٪
والتورمات شبه منقرضه والكدمات اختفت ولله الحمد وباقي الايام ان شاء الله نحكم بالنتيجه النهائية عند اكمال الشهر


فاللي عنده القدرة يسويها فلاتتردد ابدآ وبتشوف النفسيه حقتك
صارت احسن وتحس بانتعاش مو طبيعي انك معد راح تلبس وسيع
حيل او مشداات بالعزايم

والله يسهل لنا ولكم ويمدنا واياكم بالصحه والعافيه
واشكر كل من سواها قبلنا وشاركنا تجربته عشان يحمسنا
اننا نحذو حذوه واشكر ايضا سكري الرياض خصوصا بقصه المشد
واحب ابلغه محل فهد مسكر مبدي هههههه مالكم الا سوق كوم نفس
الشركة معطيه شركة سعودية وكاله توزيع بالرياض ويجونك خلال ساعتين

والله ييسر امور كل من بيقدم على العمليه ويسهل له يارب
ويحفظنا ويحفظ المسلمين من كل شر

 

سايق الخير غير متواجد حالياً   رد مع اقتباس
a
قديم 07-21-2018, 09:55 PM   #2
عضو جديد












 

 

آخـر مواضيعي

افتراضي رد: تجربتي للتخلص من التثدي 13/7/2018

وعليكم السلام ورحمه الله وبركاته

ما شاء الله تبارك الله أخي، والحمد لله على السلامه وطالع من الشر بإذن الله.
اشكرك على تجربتك الجميلة والمحفزة، وانتم السابقون ونحن اللاحقون ان شاء الله..
أهم شي الكابرس الصابونة من متطلبات العملية هههههه
كل التوفيق اخي وفالك العافية .. وطمنا عنك قريبا.

 

صقر جدة غير متواجد حالياً   رد مع اقتباس
a
قديم 07-21-2018, 10:29 PM   #3
عضو جديد












 

 

آخـر مواضيعي
 
0 تجربتي للتخلص من التثدي 13/7/2018

افتراضي رد: تجربتي للتخلص من التثدي 13/7/2018

اقتباس:
المشاركة الأصلية كتبت بواسطة صقر جدة Cant See Links
وعليكم السلام ورحمه الله وبركاته

ما شاء الله تبارك الله أخي، والحمد لله على السلامه وطالع من الشر بإذن الله.
اشكرك على تجربتك الجميلة والمحفزة، وانتم السابقون ونحن اللاحقون ان شاء الله..
أهم شي الكابرس الصابونة من متطلبات العملية هههههه
كل التوفيق اخي وفالك العافية .. وطمنا عنك قريبا.
الله يسلمك من كل شر ، والشر مايجيك
والعفو تجاربنا تحفز الاخرين ان شاء الله اذا قدروا يسوونها
ولاياخرون الاحراج ويزيلون الهم والسياره المريحه مطلب لاني
عانيت شوي خصوصا ان سيارتي يابانيه صغيره هههههههه
مافيها وسائل راحة وباذن الله بعد مرور اسبوعين
برد على نفس الموضوع باخر التطورات

 

سايق الخير غير متواجد حالياً   رد مع اقتباس
a
قديم 07-22-2018, 03:53 AM   #4
عضو جديد












 

 

آخـر مواضيعي
 

افتراضي رد: تجربتي للتخلص من التثدي 13/7/2018

الحمد لله على السلامه
شجعتنا نبي نسويه داخل السعوديه يا عند د. رواد ولا عند د مدثر الحديدي
ولا كنت مخطط عند احمد بسيومي بمصر بس الدوام ما يساعد ومافي اجازه

 

الغفيلي غير متواجد حالياً   رد مع اقتباس
a
قديم 07-22-2018, 10:29 PM   #5
عضو جديد












 

 

آخـر مواضيعي
 
0 تجربتي للتخلص من التثدي 13/7/2018

افتراضي رد: تجربتي للتخلص من التثدي 13/7/2018

اقتباس:
المشاركة الأصلية كتبت بواسطة الغفيلي Cant See Links
الحمد لله على السلامه
شجعتنا نبي نسويه داخل السعوديه يا عند د. رواد ولا عند د مدثر الحديدي
ولا كنت مخطط عند احمد بسيومي بمصر بس الدوام ما يساعد ومافي اجازه
الله يسلمك من كل شر
الدكتور مدثر كنت حاطه في خياراتي خصوصا ان سعره بفرق 2000
لكن مارتحت له وشفت كذا ملاحظه من ناس سووها عنده
وكنسلت الفكره رغم انه يستخدم الفيزر وبالعاده تكون كدماته اخف

وسويتها عند رواد والحمد لله الامور طيبه والنفسيه عال العال
رغم ان المبلغ يعتبر مرتفع لكن مقارنه بالبقيه هو احسن سعر
وعارف شغله بالملي

واذا بتسويها افضل تسويها بين اهلك وناسك

 

سايق الخير غير متواجد حالياً   رد مع اقتباس
a
قديم 07-22-2018, 11:50 PM   #6
عضو جديد












 

 

آخـر مواضيعي

افتراضي رد: تجربتي للتخلص من التثدي 13/7/2018

سلامات ياغالي والف مبروك التخلص من هذا الكابوس الجاثم على الصدر وعقبال كل شخص يعاني من نفس المشكلة

 

داهم تركي غير متواجد حالياً   رد مع اقتباس
a
قديم 07-24-2018, 12:47 AM   #7
عضو جديد












 

 

آخـر مواضيعي
 
0 تجربتي للتخلص من التثدي 13/7/2018

افتراضي رد: تجربتي للتخلص من التثدي 13/7/2018

اقتباس:
المشاركة الأصلية كتبت بواسطة داهم تركي Cant See Links
سلامات ياغالي والف مبروك التخلص من هذا الكابوس الجاثم على الصدر وعقبال كل شخص يعاني من نفس المشكلة
الله يسلمك من كل شر ، والحمد لله هم وزال
باقي بس نتعود على الوضع الجديد ان شاء الله

والله ييسر امر كل من يعاني ولايقدر ويفرجله

 

سايق الخير غير متواجد حالياً   رد مع اقتباس
a
قديم 07-24-2018, 03:29 AM   #8
عضو جديد












 

 

آخـر مواضيعي
 

افتراضي رد: تجربتي للتخلص من التثدي 13/7/2018

[quote= ا
واحب ابلغه محل فهد مسكر مبدي هههههه مالكم الا سوق كوم نفس
الشركة معطيه شركة سعودية وكاله توزيع بالرياض ويجونك خلال ساعتين

باللة افيدوني برابط أو رقم جوال نتواصل معه لاني احتاج المشد

 

Mo07 غير متواجد حالياً   رد مع اقتباس
a
قديم 07-25-2018, 09:43 AM   #9
عضو جديد












 

 

آخـر مواضيعي

افتراضي رد: تجربتي للتخلص من التثدي 13/7/2018

ما شاء الله مبروك عليك النتيجة الحلوة اللي حصلتها
بغيت أسألك ياغالي هل التخدير موضعي ولاكامل ؟
والغدة كيف شالوها بشق جراحي 2 سم تحت أسفل بخياطة ولا كيف ؟
يا ليت تحكي لنا

 

داهم تركي غير متواجد حالياً   رد مع اقتباس
a
قديم 07-25-2018, 07:02 PM   #10
عضو جديد












 

 

آخـر مواضيعي
 
0 تجربتي للتخلص من التثدي 13/7/2018

افتراضي رد: تجربتي للتخلص من التثدي 13/7/2018

اقتباس:
المشاركة الأصلية كتبت بواسطة داهم تركي Cant See Links
ما شاء الله مبروك عليك النتيجة الحلوة اللي حصلتها
بغيت أسألك ياغالي هل التخدير موضعي ولاكامل ؟
والغدة كيف شالوها بشق جراحي 2 سم تحت أسفل بخياطة ولا كيف ؟
يا ليت تحكي لنا
التخدير موضعي لكن لكرهي للمستشفيات وخصوصا
العمليات اول ماغطوا عيوني رقدت لاشعوريآ ماحسيت
فيهم الا قالوا قم عشان المشد

والغده سوالها فتحه تحت الحلمه وليس بشقها كبير شوي عشان يطلع الغدد
وفيه خياطه للفتحات الكبيرة تبع سحب الخطه تقريبآ 3 غرز

والحمد لله الامور طيبه ولي الا 13 يوم بكره ان شاء الله
اكمل اسبوعين والامور طيبه جدآ يوجد قليل سؤال
ونبدا الاسبوع القادم تدليك المنطقه عشان تتساوى بعد المشد

 


التعديل الأخير تم بواسطة سايق الخير ; 07-25-2018 الساعة 07:03 PM
سايق الخير غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:34 AM


Powered by vBulletin® Version 3.8.10
Copyright ©2000 - 2018, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52