اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 639
عيادة د. عدنان صباحي
عدد الضغطات : 4,506
عيادة الدكتور سالم الصواط
عدد الضغطات : 4,367
رشاقة للخدمات العلاجية
عدد الضغطات : 4,129

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,003عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,461هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,041توتر
عدد الضغطات : 2,167
عدد الضغطات : 0

تجربتي بالتكميم في الاحساء د حامد الودعاني ( تجربة ناجحة )

قصص وتجارب المتكممين

إضافة رد

 
LinkBack أدوات الموضوع انواع عرض الموضوع
قديم 03-09-2017, 03:35 AM   #1
عضو جديد












 

 

آخـر مواضيعي

افتراضي تجربتي بالتكميم في الاحساء د حامد الودعاني ( تجربة ناجحة )



يسعد مساكم
تجربتي ناجحة ولله الحمد وحبيت اعرضها لكم بكل جوانبها الزينة والشينة
قبل ثلاث سنين من هذا الوقت اذكر ماخليت منتدى ولا موقع ولا حساب بتويتر وانستقرام مابحثت فيه عن تجارب تكميم وكانت التجارب قلة خصوصا لدكاترة الشرقية
ولي ثلاث سنين كل يوم اقول بكره بصيغ موضوعي وانزله
عشان افيد مثل ماستفدت لكن دايم نيتي الموضوع يكون مصاغ بشكل جيد بس لو بقعد انتظرني اروق ماكتبته😬
لذلك بكتب لكم تجربتي باختصار واسلوب اي كلام

..

كنت من 7 سنين اراجع بالحكومي عشان اسوي تكميم وكانو يقولون لي صغيره ووزنك مايسوى وماعرف ايه
لما وصل وزني 125
كنت وقتها متحطمة لان هالوزن اثر على هرموناتي وانا هنا وصلت معي جد وقتها رفعت السماعة وحجزت موعد في مستشفى خاص وقلت بعد اسبوع بجيكم
ورحت قلت لاهلي ترا حجزت بسوي تكميم بخاص
وابوي وامي يسلكون قالو طيب بنروح معك 🙂 ويعطوني على جوي واثقين مليون بالمية اني ماراح اسوي لعدم اقتناعهم فيها
والمهم ماجا الاثنين الا وانا مرتزه عند ابوي يلا شل شلايلك بنروح ايش منا مناك مافي نقاش وديني
والله ورحت ولما دخلت كان اكثر نقاش ابوي والدكتور
وبدا يقنع في ابوي ويشرح له اياها واشياء كنت سبق وقاريتها ومتثقفه عنها باقي اجرب بس
المهم فجأة الا رأي ابوي منقلب تماماً قال خلاص يادكتور احجز لنا موعد اجل
ويارب لك الحمد والشكر تحدد موعدي بعد الاختبارات النهائية وكان اتعس شهر بحياتي 😭 تفكير وصياح ونياح كنت ابغى ومتحمسه وخايفة كيف ماعرف
الين تيسر الوضع وسويتها اذكر وهم يدفوني بالسرير كنت ابكي واشاهق صياح ودراما 😂💔 والله كنت ميتة صياح مو خايفة اني اموت بس كذا كنت خايفة من الشي المبهم اللي قدامي
وقتها وانا ابكي جا يصبرني دكتور حامد الله يسعده دنيا واخره
حط يده على راسي وصار يقرا الفاتحة ويهديني ويقولي اذكري ربك وبتجين تشكريني بعدين صدقيني
المهم انا اسمع من هنا وابكي من هنا وهو يهدي فيني ويسمي علي 🙂😂وضعي ينرحم وربي
بعدها بدو يجهزون امور العملية وحطو كل يد على جمب ويحطون المغذي والبنج قالي قبلها تشهدي وتشهدت ومامدى كمملتها الا وانا بعالم اخر
خلصت عمليتي وقمت على صوت اخواني واهلي حولي بس كنت مسويه نفسي ماقمت مغمضة💤 ماكان لي خلق لهم انتظرتهم لين راحو وفتحت 😂💔 كنت نفسية🤓
وهذا اول يوم عدا بسلام
واللي يقول مافي الم لا معليش فيه خصوصا البنات اجسامهم وبنيتهم ضعيفة مو قوية
وطبعا بنت عن بنت يفرق
لكن عن نفسي تعبت الم بالضهر والاكتاف وشد بالبطن
وصعوبة بالمشي والحركة والنفسية اكس مع العلم اني انا اصلن حساسة وماتحمل وعلى طريف 😂💔
المهم مالكم بالطويلة عدت اول اسبوعين بألتزام شديد الا اني ماكنت اخذ نيكسيوم كنت احسها مالها داعي واستمر الوضع هكذا بين مشي ومشروبات خفيفة وفقط استخدم سنتروم
الى بعد اسبوعين تقريباً فجأة كذا تخيلو ماقدر اشرب شي اي شي اشربه غثيان وارجع
متخيلين حتى المويا ! اشرب بس شربة صغنونه وارجعها شي يفوق الوصف مؤلم جسديا ونفسياً عشت ايام سودا منيلة 😭 وتنومت لمدة اربع ايام كنت متخيلين بس عايشة على مغذيات وقطرات مويا فقط والم وثقل بالمعدة
اذكر اني ابكي وامي تبكي على راسي ومع ذالك اقول لا ماندمت اكابر قدامهم عشان مابين ان اختياري كان خطاء
مالكم بالتفاصيل المملة الا اني بعد اربع ايام قالو لي المستشفى اطلعي البيت لان عجزنا نلقى فيك علة
لا فيك تسريب ولاضيق براس المعدة ولاشششي
وطلعت والوضع نفس الوضع
انسدحت على سريري وانا ابكي واندب حظي 💔اف ايام الله لايعيدها كنت ندمانة ندم شديد مره
وشوي الا امي تجيب لي ماي زمزم تقول اشربي منه
والله واخذ منه ولاشربت صرت امسح فيه بطني وارقي نفسي
وارقي وامسح وانا ابكي واصيححح كان شعور ان لك ايام بس عايشة على قطرات ماي مؤلم نفسياً واحساس اني بضل كذا طول عمري احساس قاتل بالعربي فقدت الامل اني برجع طبيعية
والله واستمر الوضع ساعه اقرا وامسح
لين نمت بدون ماحس
يومها قمت الصباح واتحسس بطني الا مافيه الثقل اللي امس والالم ولا احساس الغثيان قلت بنفسي اي اكيد عشاني ماشربت شي
واشرب ماي اختبر الالم الا ويمر الماي بسلام وانتظر دقايق شعور الغثيان والاحساس بالثقل لكن يالله لك الحمد والشكر الالم والغثيان اختفى نهائي وبعدها الحمدلله والشكر لله بديت اتقبل كل شي وتسهلت اموري يارب لك الحمد والشكر وهذا ان دل على شي يدل على ان كلام الله كله شفاء وعافية
...
ومرت اول سنة بألتزام غذائي حاد
ماقولكم قديش ماكنت اخربط وملتزمة ب اكل صحي مرره
الشي اللي مقصره فيه المويا صراحه لان كنت دايم احس ب امتلاء سريع
وطبعا الفيتامينات من سنتروم وحديد وكالسيوم وبي 12 وفيتامين د والبروتين باودر مستمرة عليهم على طول
مع ذالك طاح شعري اشد طيحة ☹ ابشركم ادور دكتور زين يزرع لي 😅
عشت اول سنه ونص بندم شديد رغم اني يالله لك الحمد احلويت كثير وبانت ملامحي ومع شوية رتوش وفيلر صار وجهي ماشاءالله مرتوني ورويان
مع ذالك كنت ندمانة عشان شعري ☹💔
لما اشوفة انسى فرحة رشاقتي
لكن الحمدلله على كل حال بديت اغير نظرتي وماركز عليه واشوف الجماليات الثانية اللي فيني واطور منها
وهو ربي يعوضني فيه ويطرح البركة بالباقي
...

خلاصة تجربتي
تجربة ناجحة جدا لكن خليت الجانب النفسي كثير يأثر علي
تقدرون تقولون توني استمتع برشاقتي بعد سنتين ونص
لما استقرت نفسيتي
واللي ماكان سببها التكميم بس نظرتي للامور كانت غلط ودايم انظر للامور اللي فقدتها مو كسبتها لما غيرت نظرتي ابد ماندمت على قرار التكميم والحمدلله اجمل قرار بحياتي

برضو اكيد راح تسألون على الترهل الا فيه ترهل
رغم رياضتي والتزامي بالكارديو والمقاومة والحديد والبروتين والنظام الغذائي الصح الا ان صار في ترهل والسبب يعود الى طبيعة الجلد
والان بديت رحلة الشد
وراح اشارككمم تجربتي بالشد باذن الله ادعولي


اخيراً اختصاراً لكل كلامي
ايجابيات العملية
*تقليل الكمية لكن طبعا النوعية عائدة لك فكون حريص على اختيارها جيداً
*الصلاة بدون كرسي
*احلى شي لاجا احد يسلم كذا تفزين له فز مو اول ينتظروني كم دقيقة لين اجمع نفسي واقوم 😩هالنقطة كانت من اكبر اسباب اني انحف
*التسوق له طعم مختلللف وممتع قبل كنت اضيع فلوسي بمواعين ومكياج وعطور لاني مالقى ملابس الا في ايفانز وتعرفون كيف ملابس ايفانز كيف تسد النفس😑
*الخفة والحركة السريعة والنفس الطويل موب نفس اول
*اختفاء حرقان او الحموضة عكس قبل التكميم
*وعمرك الاصلي يبان عليك مو قبل كاني ام جايبه عشره عيال😩💔


السلبيات
*تعبي اول شهر اللي ماله مبرر
*تساقط الشعر
*الترهل
*عدم مقدرتي على اخذ كميات كبيره من الماء

وبس ماشوف سلبيات اكثر من كذا

سويتها عند الدكتور الرائع د حامد الودعاني مستشفى الموسى ب 39 الف تقريباً واللي اعرف عنده نظام اقساط ومسوي خصم حالياً اذا ماخاب ضني
الجناح كان جداً نظيف وعنايتهم تفوق الوصف
وصبورين مره والطاقم كله رائع وصبورين علي رغم اني اقلقتهم
وبس دعواتكم لي
واي سؤال مستعده اجاوب عليه

 

_efa غير متواجد حالياً   رد مع اقتباس
a
قديم 03-09-2017, 07:46 AM   #2
عضو فضي
 
الصورة الرمزية ماما البنات












 

 

آخـر مواضيعي

افتراضي رد: تجربتي بالتكميم في الاحساء د حامد الودعاني ( تجربة ناجحة )

مبروك نجاح عمليتك وبالتوفيق في رحلة الشد ابقي احكيلنا

 

ماما البنات غير متواجد حالياً   رد مع اقتباس
a
قديم 03-09-2017, 11:17 AM   #3
مؤسس المنتدى












 

 

آخـر مواضيعي

افتراضي رد: تجربتي بالتكميم في الاحساء د حامد الودعاني ( تجربة ناجحة )

الف مبروك والله يفرحك بالنتايج الحلوه

ومنتظرين تجربتك مع الشد

واشكر لك طرح تجربتك عشان الكل يستفيد منها

 

__________________
سبحان الله والحمد لله ولا اله الا الله والله اكبر
قصتي مع نزول 57 كيلوا
المثابر غير متواجد حالياً   رد مع اقتباس
a
قديم 03-09-2017, 03:01 PM   #4
مراقبة عامة
 
الصورة الرمزية شوق النجوم











آخـر مواضيعي

افتراضي رد: تجربتي بالتكميم في الاحساء د حامد الودعاني ( تجربة ناجحة )

ماشاء الله الف مبروك
والحمد الله على سلامتك
تجربه موفقه
والف شكر لكِ على طرح تجربتك الناجحه

 

__________________



اوسمتي

شوق النجوم غير متواجد حالياً   رد مع اقتباس
a
قديم 03-11-2017, 02:02 PM   #5
مراقب عام
 
الصورة الرمزية عنيد شمر












 

 

آخـر مواضيعي

افتراضي رد: تجربتي بالتكميم في الاحساء د حامد الودعاني ( تجربة ناجحة )

مبروك والله يتمم لك على خير

وباذن الله فالك المثالي دائماً

 

__________________

اوسمتي

عنيد شمر غير متواجد حالياً   رد مع اقتباس
a
قديم 03-14-2017, 04:38 PM   #6
عضو جديد












 

 

آخـر مواضيعي
 
0 كسل الغده الدرقيه والتكميم

افتراضي رد: تجربتي بالتكميم في الاحساء د حامد الودعاني ( تجربة ناجحة )

جالسه اتبسم وانا اقرا
جالسه امر الفتره حقتك فترة الحماس والخوف احساس مرهق ماابي اندم ☹️
يارب يتمم عليك الصحه والعافيه وعقبالي يارب ☹️��

 

دويره غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الحمد لله تكممة عند الدكتور حامد الودعاني maymona قسم تكميم المعده ( السليف ) 4 01-11-2016 03:16 PM
الحمدلله تكممت علي يد (د .حامد الودعاني) osama211 قصص وتجارب المتكممين 10 10-09-2015 06:57 PM
استفسار عن الدكتور/حامد الودعاني *ابو صالح* قسم تكميم المعده ( السليف ) 9 09-09-2015 02:37 AM
تجربتى لعل يستفاد الجميع(د.خالد جودت ) طماطم قصص وتجارب المتحورين 42 05-14-2012 04:45 AM


الساعة الآن 03:22 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52