اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 675
عيادة د. عدنان صباحي
عدد الضغطات : 6,528
عيادة الدكتور سالم الصواط
عدد الضغطات : 6,381
رشاقة للخدمات العلاجية
عدد الضغطات : 6,863

العودة   منتديات رشاقة > منتدى العمليات الجراحية > قسم تكميم المعده ( السليف )
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,874عرض بالصور للأدوية والفيتامينات والبروتين بعد عمليات السمنة_2015
عدد الضغطات : 6,271هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,881توتر
عدد الضغطات : 4,017
عدد الضغطات : 0

نصيحة مهمة جدا للحياة ما بعد التكميم

قسم تكميم المعده ( السليف )

Like Tree3Likes
إضافة رد

 
LinkBack أدوات الموضوع انواع عرض الموضوع
قديم 02-15-2017, 02:09 PM   #1
عضو جديد












 

 

آخـر مواضيعي

افتراضي نصيحة مهمة جدا للحياة ما بعد التكميم



السلام عليكم ورحمة الله وبركاته,
نبذة عن نفسي
سويت العملية قبل 9 شهور تقريبا ولله الحمد وخسرت كوزن خلالها 50 كيلو فقط وانا متعمد موقف نزولي من 3 شهور تقريبا لاني ودي اعبي الجلد الي بدى يترهل بعضل وجالس انزل صافي دهون فقط خلال الفترة الي فاتت ولله الحمد الان نسبة الدهون كانت 60% والحين ولله الحمد 26% العضل جدا تطور ولله الحمد باحاول احط صورة اذا قدرت ان شاءالله
اولا كلامي الي ابي اقوله بيفيد الي مسوين تكميم والردي اكثر شي والي ليحين ماسواها بيستفيد حق المرحلة القادمة باذن الله
يا اخوان احنه ماخذين فكره غلط غلط غلط عن التكميم كثير منا يظن بيسوي تكميم وبتتغير حياته وبيضعف ومعيش نفسه في عالم وردي جدا, التكميم والله ماهو الا اداة وصغيرة جدا والباقي بيعتمد على مدى التزامك ومدى قابليتك لتغيير نمط الحياة لا تفهموني غلط ياجماعة انا ما اقصد انك تغير نمط حياتك معناته تصير معقد وتاكل ملعقة رز وجبة غداء وحبة عنب عشاء ومن هالكلام الفاضي لا قصدي بنظام متوازن متكامل من ناحية كمية البروتين والكربوهيدرات والدهون والسعرات وفي البداية بتحتاج تحسب الامور هاذي كلها لانك سنيييييين وانت مخبص وضرب في النعمة لا ذمة ولاضمير فما يصير في يوم وليلة راح تصير كيوت وتاكل بهدوء واكل صحي يبيلك وقت تعود نفسك (محدثكم كان اذا ما ياكل من كنتاكي بيق فيلر و2 تويستر ما يجيه نوم) واليوم وحليله يتعشى صدر دجاج في الفرن 100 قرام ويقول الحمدالله سبحان مغير الاحوال, المهم اول شي لازم تخلي ببالك انك أول سنة بس همك تعلم نفسك شلون تمشي على نظام اكل زين ومعقول بنسب بروتين وكربوهيدرات ودهون وسعرات معقولة وبعدين اذا الله كتب لك وتعودت تبتدي شوي شوي تترك احتساب الامور هاذي وخلاص يصير من ضمن حياتك الطبيعية وقبل لا انسى ساعة رياضة في اليوم تعلم تدخلها في حياتك كدوامك او دراستك المهم انها تكون جزء لا يتجزء من حياتك وتترك عنك الفكر هاذي اني باسوي العملية وباكل الي ابيه وباضعف صح بتضعف لكن بتضعف على شكل بايخ وترهلات وشعرك يطيح وممكن حتى اسنانك تطيح وصحة تعبانه وعلى طول خمول و و و و اما الطريقة الصحيحة راح يكون وجهك نظر قوتك ومنظرك كل يوم يصير افضل ونشيط وصحة تمام تمام راح تنزل 15 سنة
هاذي الفكرة ما قبل التكميم , انيي حق ما بعد التكميم
عزيزي القارئ اعلم انك بعد التكميم ان ما افدت نفسك وتثقفت وقريت وتبحث في امور الرياضة والتغذية وتحوس وتفحط في هالامور اعلم انه محد راح يفيدك والله ثم والله ولا اكبر اخصائي تغذية راح يفيدك نفس ما انت تفيد نفسك تره في النهاية اخصائي التغذية عنده معلومات اساسية معتمد عليها يطبقها على كل الناس في البداية ويجوف شنو النتيجة الي تصير معاك ويزيد وينقص في السعرات والنسب الين ما يصيد نظام جسمك انت كيف ماشي هاذا وانا اتكلم عن اخصائيين تغذية صجيين مو حقين انستقرام والتواصل الاجتماعي انا اتكلم عن ناس عندها شهايد ومكاتب استشارية فيا عزيزي القارئ قولي بالله عليك من افهم من قرائة جسمك منك؟ الرجل (اخصائي التغذية) كل الي بيسويه انه بياخذ طولك ووزنك وهالامور وبيحدد لك سعرات وان ما نقص وزنك نقص لك في التغذية وان نقصت بزيادة رفع لك كم مية سعرة وسلم الله وبارك .
تره ما اقصد اقلل من مهنة اخصائيين التغذية بالعكس استشيرهم في كثير من الاحيان لكن الشخص العادي ممكن من الانترنت والكتب يتعلم ويفيد نفسه بالقدر الي يحتاجه الشخص لهدف انه يكون بصحة جيدة وقوية بدون ما يحتاج اخصائي تغذية في حياته يعني الامر سهل جدا جدا ضغطة زر في النت تعطيك أي معلومة تبيها
وانت بتطلع من عنده ولا انت فاهم شي ولا عارف ليش نقص وليش زاد, انيي من باب ثاني قبل لا اقفل على هالنقطة اسال نفسك اخي المتكمم هل طول عمرك بتخلي اخصائي تغذية يكون معاك عشان تعرف وش تاكل؟
زبدة النقطه هاذي انك اذا تبي صحتك اتعب على نفسك شوي مسالة السعرات والنسب الغذائية مسالة سهلة جدا جدا وتخليك تاكل أي شي براحتك المهم انك تكون داخل النسب حقتك بترتاح وبتتعلم وبتعرف جسمك بالظبط كيف شغال وبتصير انت المتحكم وقت ما تبي تنزل وزنك تنزله ووقت ما تبي ترفعه ترفعه.
الي بعدو
سمحولي الاسلوب دفش وعنيف بس مصخن ومزكم انا اسف انا اصلا احبكم
المهم النقطه الي بعدها الرياضة
احنه المتكممين وحليلنا ما عندنه خيارات وايد في الرياضة لان طبعا محد يبي يترهل والوزن ماشاء الله نازل نازل مو قادر حتى توقفه فمالك الا لعبة كمال الاجسام طلع عضل طلع عضل قد ما تقدر لا تخاف ما راح تصير من هاذلين الي يمشي جنه واحد ثاني يمشي معاه وما شاء من العروج تقول جي بي اس مو جسم
احنا ياالله نلحق انه ما نترهل فضروري جدا جدا الحديد للبنات والشباب ويا بنات رجاءا خلاص صرنا 2017 فكرة ما ابي اعضل اخاف اصير كاني رجال خلاص والله ما راح تصيرين معضلة نفس الرجل لو تشيلين حديد 20 سنة, طول ما انج ما تستخدمين منشطات امورج طيبة والحديد يا اختي المتكممة افضل لعبة حق نحت الخصر وتكبير الارداف والصدر وهالسوالف انتو ابخص عاد في طموحاتكم .
المهم شغل مشي مشي مشي ولا اذا تطورت جري جري ابشرك يايك الترهل جري سريييييييييع جدا
التغذية
اخواني المتكممين تره الناس العادية الي ماهي متكممة اغلبها عمليات الايض عندها متضررة فما بالك انت كمتكمم تنزل 30 كيلو تقريبا اول 3 شهور شبيصير في عملية الايض
اهااا في ناس ما تعرف مضار هالسالفة اصلا اخي المتكممم عملية الايض اذا كانت تعبانه لا هرموناتك شغالة عدل وتحس دائما بخمول وتاكل قليل جدا ووزنك ثابت وبتزيد شوية في اكلك تسمن على طول ومساوء ما انزل الله بها من سلطان
فنقطة مهمة جدا جدا التركيز على تعديل عملية الايض والامر سهل جدا جدا جدا
اولا الالتزام برياضة معتدلة الشدة ورفع التغذية شوية والتركيز في التغذية على الدهون الصحية يعني التزامك يوميا ب40 قرام من المكسرات النية ممتاااااز جدا طبعا مع محاولة اخذ مكملات الاوميقا 3 والفيتامين د
انا خذت معاي شهرين وتعدلت ولله الحمد ونقزت من تغذية 1700 سعرة واسمن الى 3600 سعرة ودهوني تنزل ولله الحمد وقول ماشاء الله ما فيني حيل ارجع سمين الله يرحم والديكم
المهم سولفت وايد وايد انا اسف لكن والله قلبي عليكم وودي افيد الناس لكن ما راح اقدر من موضوع واحد اغطي جميع الجوانب حاولت اني اذكر اهم الاشياء والباقي عليك انت كشخص شناوي تسوي هل ناوي تسوي التكميم وتاكل ماهب ودب وتقول اموري بتمشي واهي بتمشي فعلا بنفسية وصحة تعبانة اول ما تعدي اول سنة بتبتدي ترجع
اما اذا انك حاط ببالك تصلح حياتك وترتقي من الشخص المهمل الي بدون ضمير وظالم لنفسه وصحته وتتعلم وتقره وتطبق وتستمر وتصير اصح ماهو لك بس لزوجتك لعيالك لامك لابوك لاهلك لربعك في ناس وايد تحبك وتبي تجوفك باحسن حال حرام تدخل العملية بفكر سلبي حاول تكون العملية في حياتك نقطة تحول خلاص تحط في بالك هالمره باغير حياتي هاذي مو رجيم بامشي عليه او دايت ويفشل هاذي عملية صرفت عليها فلوس وخاطرت بحياتك عشان تسويها وهلك يدعون ليل نهار الله يقومك بالسلامة خايفين عليك فحرام والله تدخلها وتطلع ويابوزيد كانك ماغزيت

اتمنى لكم كل التوفيق واي واحد محتاج أي شي مستعد اتواصل مع الجميع ورجاءا لحد يستحي والله استانس اشارك أي معلومة عندي
[/font]
Cant See ImagesCant See Images

 

ansari_h غير متواجد حالياً   رد مع اقتباس
a
قديم 02-15-2017, 02:59 PM   #2
عضو فضي
 
الصورة الرمزية ماما البنات












 

 

آخـر مواضيعي

افتراضي رد: نصيحة مهمة جدا للحياة ما بعد التكميم

شكرا اخي لمعلوماتك المفيدة ولمشاركتك اخوانك المتكممين الجدد بتجربتك

 

ansari_h likes this.
ماما البنات غير متواجد حالياً   رد مع اقتباس
a
قديم 02-15-2017, 09:05 PM   #3
موقوف












 

 

آخـر مواضيعي

افتراضي رد: نصيحة مهمة جدا للحياة ما بعد التكميم

يعطيك العافية اخي العزيز
ونود منك طرح التجارب والافكار
احنا عندنا وجميع المتكممين تذبذب الوزن ارتفاع بسيط ثم نزول ثم ارتفاع وهكذا
كيفية تثبيت الوزن وكيفية المحافظة عليه ؟

 

ansari_h likes this.
Gmail غير متواجد حالياً   رد مع اقتباس
a
قديم 02-16-2017, 01:14 AM   #4
عضو جديد












 

 

آخـر مواضيعي

افتراضي رد: نصيحة مهمة جدا للحياة ما بعد التكميم

الله يعطيكم العافية وشكرا لكم على الكلام الجميل

بخصوص الاخ gmail مااقدر احدد لك مشكلتك وحلها الا اذا عرفت عنك كيف ماشي في التغذية واخبار الرياضة معاك ونوعها اذا حاب نقدر نتواصل على الخاص وابشر بالي يسرك

 

ansari_h غير متواجد حالياً   رد مع اقتباس
a
قديم 02-16-2017, 06:07 AM   #5
موقوف












 

 

آخـر مواضيعي

افتراضي رد: نصيحة مهمة جدا للحياة ما بعد التكميم

هلابك اخوي
اعطنا فرضيات الاسئلة وفرضيات الاجوبه
القصد الفائدة للجميع

 

ansari_h likes this.
Gmail غير متواجد حالياً   رد مع اقتباس
a
قديم 02-16-2017, 01:59 PM   #6
عضو جديد












 

 

آخـر مواضيعي

افتراضي رد: نصيحة مهمة جدا للحياة ما بعد التكميم

المشكلة هالمعلومات تقدر تعطيها بشكل عام لانه كل واحد له احتياجه من السعرات وجم قاعد ياكل واغلب الناس ماتعرف اصلا جم قاعد تاكل فباتخذ اكلهم وتقدره وتجوف رياضته وحياته اليومية شنو طبيعتها بعدين تقدر تعطي رقم تقديري للاحتياج من السعرات
وبعد يعتمد جم نازل ولازم تتاكد من عملية الايض انه زينة وهاذي الشي اغلب الناس عندهم متضررة ويبيلها تحسين صحة قبل لا يطالع الوزن
وطبعا الي ما يسوي رياضة بيكون وضعه جدا صعب في تحسين صحته وعملية الايض

ولكن بشكل عام
اذا كان الشخص ملتزم برياضة معينه اي رياضه ويحاول يخلي اكله متشابه في القيمة العذائية والكمية ويجرب شيصير معاه خلال اقل شي اسبوعين وبناءا على النتيجة يعدل اذا كان نقص وزنه مثلا يحاول يزيد شوية في التغذية واذا زاد يحاول يقلل وهكذا

فالخلاصة انه بدون احتساب سعراتك ومعرفة تغذيتك شنو قاعد تاكل راح تكون تايه ماتعرف من وين الخلل

 

ansari_h غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
نصيحة للي مقبل على عملية التكميم استفسار بس قسم تكميم المعده ( السليف ) 3 08-02-2015 02:52 PM
للاخوان والاخوات المقبلين على عملية التكميم ؟ معلومات مهمة ! للتذكير شخابيط قسم تكميم المعده ( السليف ) 7 08-08-2014 05:37 PM
قدم نصيحة حسب خبرتك وتجاربك مع التكميم .. ام محمدـ قسم تكميم المعده ( السليف ) 87 06-17-2014 09:38 PM
ارجو اعطائي نصحية اجراء عملية التكميم قبل السفر اميرة الدرعية قسم تكميم المعده ( السليف ) 7 04-01-2014 12:08 AM
العودة للحياة الطبيعية mido2748 قسم تكميم المعده ( السليف ) 8 07-07-2012 01:37 PM


الساعة الآن 04:07 PM


Powered by vBulletin® Version 3.8.10
Copyright ©2000 - 2020, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52