اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 639
عيادة د. عدنان صباحي
عدد الضغطات : 4,506
عيادة الدكتور سالم الصواط
عدد الضغطات : 4,367
رشاقة للخدمات العلاجية
عدد الضغطات : 4,129

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,003عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,461هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,041توتر
عدد الضغطات : 2,167
عدد الضغطات : 0

إليكم القصه بعد اسبوع من التكميم

قصص وتجارب المتكممين

Like Tree9Likes
إضافة رد

 
LinkBack أدوات الموضوع انواع عرض الموضوع
قديم 09-30-2016, 02:22 PM   #1
عضو جديد












 

 

آخـر مواضيعي

افتراضي إليكم القصه بعد اسبوع من التكميم



السلام عليكم ..

الحمدلله على الصحه و العافيه الحمدلله حتى يبلغ الحمد منتهاه .. اللهم اشفي مرضانا و مرضى المسلمين اجمعين يا كريم ..

مجرد ما الواحد يتعب و يمر بأي ألم اول شي يجي بباله مرضى السرطان و المرضى اللي صار لهم سنين بالمستشفى
و تحس قد ايش كنت تافه لما تتذمر على امور او ظروف تمر عليك Cant See Images

"طولت عليكم بالحكي ندخل بالقصه "

مثل ما الاغلب عارفين انا عندي حزام من قبل اربع سنين ما استفدت منه اي شي غير الألم
و لا نقص وزني .. طبعا انا طول عمري ما اتعدا 87 كيلو اقصى سمنه بس بالفتره اللي قررت اسوي فيها الباند مرت علي ظروف صعبه جدااا خلتني من مطعم لمطعم و من كوفي لكوفي عشان بس ما افكر وقتها وصل وزني 91-92 بالنسبه لي وزن مرعب بحياتي ما توقعت اوصله هنا قلت خلاص و سويت الباند و كان خياري للدكتور سيئ جدا
نزلت لما 82 كيلو بفتره طويله و كان هذا اقل وزن حملت و رجع وزني يرتفع و لما ولدت بدا وزني ينزل شوي شوي رجعت زي ما انا اول وزني ما بين 85-87 مافيه شي تغيّر مجرد غصات مزعجه و احراجات و اصوات المعده اللي تفشل طبعاً تأقلمت على وضعي و تعايشت معاه شفت حواليني كثير سوو تكميم و تغيروا تغير جذري وقتها قلت مالي الا التكميم زوجي و امي عارضوا اذكر اصريت لي عليهم حوالي السنه و اصريت على امي اكثر لان بالنهايه هي اللي بتدفع لي المبلغ بالنسبه لزوجي كنت افهمه انو هذا قرار شخصي و دام اني ما ضريت احد بقراري فهالشي راجع لي وانا راح اتحمل العواقب و الحمدلله تفهم هالشي .. سبحان الله لما وافقت امي و قالت خلاص ماعلي منك سوي اللي تبين جاني خوف مو طبيعي و استخرت استخرت و اذكر اني حجزت عند كذا دكتور و تراجعت بالأخير بعد الزحمه اللي سويتها ههههه ..


" سنه بعد ما شلت من بالي موضوع التكميم "

مرت سنه على الوقت اللي تراجعت فيه عن العمليه و عادي عايشه حياتي مابين اني احضر زواجات و اشوف اشكال البنات اللي بعمري كيف و اشوف نفسي و الفرق جدا كبير اذكر بعد كل مناسبه ارجع متضااايقه و اقرر اتغيّر و اسوي رجيم اسبوع اسبوعين و ترجع حليمه لعادتها القديمه .. غير اني كنت كل ما اسافر على قد ما الف على المولات ما اطلع بشي ادخل غرفة القياس البس اشوف شكلي باللبس ما يعجبني مع اني ماخذته عاجبني بس على جسم غير جسمي Cant See Images هذا غير لما كنت ادخل بعض المحلات و تقولي اللي تشتغل ترى عندنا مقاسات كبيره و زوجي يصير جنبي انحررررج اقعد كل اليوم متنكده اقعد افكر اذا انا ملياانه بس ابدا مو سمنه عاليه واتعرض لمواقف كثير تفشل كيف اللي يصير سمين مره كان الله بالعون الناس كلامها يجرح ؛(


" قرار العمليه المفاجئ"

قررنا نسافر لكن هالسفره ام زوجي بتجي معنا و طبعا ما تعرف اني مسويه باند فطلب مني زوجي اني اروح اوسّع الباند حتى ما يحصل لي غصات و احراج قدامها بالنسبه لي انا كنت عاديه اعرف أدبر نفسي و صارلي سنين لكن هو اصر علي " اتوقع انه متحسف اللحين انه قالي روحي للمستشفى 😂 "
المهم سبحاااان الله اتصلت على منسقة عايض على اساس موعد و الدكتور معروف مواعيده بالشهور بس اني قلت بتصل كذا احتياط الصدمه انها قالت موعدك بعد يومين و جا الموعد و رحت " لما اللحين انا رايحه على اساس اوسع الباند فقط " دخلت على الدكتور قعدت اتكلم معاه قلت انو انا ودي اشيل الباند لاني طفشت منه و من الالتهابات و الغصات ولا فيه نتيجه قالي افضل خيار لك انو نشيل الباند و نعمل تكميم طبعاً انا انصدمت التكميم مو في بالي ابدا خلاص قلت له طيب قريبتي جت لعندك قريبه من وزني و قلت لها لا ليه انا ايه قال احنا نستثني من هالفئه الناس اللي عندهم ربط لان اول شي احنا داخلين عمليه داخلين ثاني شي مشكلة السمنه ما زالت موجوده مع ارتفاع بالكلسترول عندك فالوضع مختلف "الا" بحال انتي قلتي خلاص يا دكتور شيل الباند و انا راضيه مع وضعي اني اقعد سمينه هنا عاد القرار راجع لك انتي .. قلت له طيب دكتور الحل هذا افضل اكيد ؟! قالي طبيّا ايه و اذا تبين اقدر اسويها لك بعد اسبوع و نص انا هنا وجهي انصصصصفق يا الله فجأه و بهالسرعه !!!! قلت له لا لا انا بسافر اذا رجعت سويتها قال تمام نسقي مع المنسقه طلعت من عنده و قبله كنت مقابله دكتور جراح يدخل مع الدكتور عايض القحطاني فالعمليات و قالي هو اللي راح يوسع لي الباند قالي تفضلي على السرير كشف بطني و قعد يلمس مكان الخزان طلب من الممرضات معقم و عقم بطني مربع كبير غسل يده للكوع و كأنو بيعمل عمليه عقم يده للكوع و لبس القلفز و اخذ الأبره فجأه دخل الدكتور عايض ما تتخيلون كيف الدكتور و الممرضتين انخرشوا جتني الضحكخ الدكتور له هيبه مره المهم جا عندي قالي خايفه صح ؟ وقتها صدق كنت خاايفه ضرب لي الدكتور المساعد مخدر و بعدين جاب الابره طووويله هنا الدكتور عايض يراقب و يعطي تعليمات طبعا ما افهم كل الكلام لان فيه مصطلحات طبيه فهمت بس انو كان يقول عقمتوا ؟ شيّكتوا على تاريخ الصلاحيه ؟ بعدين قعد يقول للدكتور الجراح تحس بمكان الخزان ؟ يقوله ايه دخل الابره و صار يحركها شوي .. الدكتور عايض على طول أشر للممرضات انو يعطونه قلوفز لبسها و سحب الابره و دخلها بالمكان على طول و سحب السائل و كان الألم موووو طبيعي قالي تحسين بألم مره قلت ايه قالي مابي اخوفك لكن عشره بالميه اللي يحسون بهالألم الا اذا كان الحزام داخل جوا المعده الله يستر او ممكن عشانه ضاغط من زمان فلما توسّع سحب المعده شوي معاه ..



راح اكمل لكم اخر جزء اليوم بالليل لأني تعبت من الكتابه

 

عهود1 غير متواجد حالياً   رد مع اقتباس
a
قديم 09-30-2016, 04:00 PM   #2
مؤسس المنتدى












 

 

آخـر مواضيعي

افتراضي رد: إليكم القصه بعد اسبوع من التكميم

الحمد لله على سلامتك

وتجربتك تعتبر مهمة جداً

متابع

 

__________________
سبحان الله والحمد لله ولا اله الا الله والله اكبر
قصتي مع نزول 57 كيلوا
المثابر غير متواجد حالياً   رد مع اقتباس
a
قديم 09-30-2016, 04:24 PM   #3
V.I.P
 
الصورة الرمزية للولوة












 

 

آخـر مواضيعي

افتراضي رد: إليكم القصه بعد اسبوع من التكميم

الحمد لله على سلامتك
ويتمملك نزولك بصحه وعافيه
منتظرين باقي التفاصيل

قدامك العافيه يارب

بعد اذنك ينقل لقسم قصص وتجارب المتكممين

 


اوسمتي

للولوة غير متواجد حالياً   رد مع اقتباس
a
قديم 10-01-2016, 01:01 AM   #4
مراقبة عامة
 
الصورة الرمزية شوق النجوم











آخـر مواضيعي

افتراضي رد: إليكم القصه بعد اسبوع من التكميم

الحمد الله على سلامتك اختي عهود
متابعه لك وفي انتظارك
الله يتمم عليك بالصحه والعافيه

 

__________________



اوسمتي

شوق النجوم غير متواجد حالياً   رد مع اقتباس
a
قديم 10-01-2016, 05:41 AM   #5
مراقب عام
 
الصورة الرمزية عنيد شمر












 

 

آخـر مواضيعي

افتراضي رد: إليكم القصه بعد اسبوع من التكميم

متابعين لك ولقصتك والله يتمم لك ع خير

 

__________________

اوسمتي

عنيد شمر غير متواجد حالياً   رد مع اقتباس
a
قديم 10-01-2016, 07:23 AM   #6
عضو ذهبي
 
الصورة الرمزية (صمود)












 

 

آخـر مواضيعي

افتراضي رد: إليكم القصه بعد اسبوع من التكميم

الله ييسرلك امرك يا عهود متابعين لكي و ربي يمن عليكي بالصحه و العافيه

 


اوسمتي

(صمود) غير متواجد حالياً   رد مع اقتباس
a
قديم 10-01-2016, 08:30 PM   #7
عضو جديد












 

 

آخـر مواضيعي

افتراضي رد: إليكم القصه بعد اسبوع من التكميم

عودنا ،، اعذروني ع التأخير


طبعاً خلصت من موعدي و عطتني المنسقه رقمها على اساس نتواصل و نحدد اليوم و طلبوا مني تحاليل و اشعة صبغه عشان يعرفون وضع الحزام و كل شي سافرت قبل اسوي اي شي لأن ما كان عندي وقت ابد و طووول الوقت و انا بسس افكر بالعمليه ما استمتعت بأي شيي حتى النوم كان عندي ارق من التفكير واغلب وقتي اقرا فالمنتدى قسم التكميم و طبعا استخير استخرت كمم مرره و كنت لما اروح مول اغلب الاشياء اذا مو كلها تناسب ناس نحيفه يعني ستايل الملابس يعجبني و كل شي لكن اعرف انه ما يناسبني و هذا كان شي مُحفز اكثر للعمليه كنت اقول ما يحتاج اشتري شي وانا بسوي العمليه لا سويتها جهّزت من جديد "حشا عرووس هههههه"
اذكر بهالسفره جيت بكم بجامه بس Cant See Images المهم بيوم رجعتي للسعوديه تواصلت معاي المنسقه بالواتساب قالت لي عمليتك باليوم الفلاني طبعا يوافق بعد رجعتي بيومين او ثلاثه .. طبعاً انا بس شفت اسمها بالواتساب قلت ان شاءالله كنسلوني يارب جد جد كنت اتمنى يقولوا لا كنت اقول اذا كنسلوا معناته خيره و ما خاب من استخار كنت ابي اسويها و انحف و اعيش حياتي و بنفس الوقت خايفه اموت كان فيني رعب و قلق مو طبيعي و كان اللي حواليني سلبييين حسسوني اني راح اموت من هنااا يا جماعه اقوولكم 1) علمّوا فقط الناس الايجابيه عشان تشجعك فقططط 2) توكل على الله و استخير ..
كنت اكرر " و أفوض امري الى الله إن الله بصيرٌ بالعباد "

قلت للمنسقه خلاص بس اوصل بسوي الاشعه و التحاليل قالت لا ما تقدرين اجازة عيد الاضحى بدت اليوم معناته ما تقدري تسوي العمليه اللحين و أجلتها لي اسبوع وقتها مدري ليه ارتحت و قلت خيره طبعاً عملت التحاليل و الاشعه و كل شي ..


" ما قبل العمليه بيوم "

طلبت مني المنسقه انو اجي قبل بيوم اسلم اوراق تحاليلي و الاشياء و ادفع المبلغ كامل و بعدها اطلع من المركز اروح للمستشفى اللي فيه عمليتي و اقابل دكتور التخدير هناك ..

كتبت للمنسقه انو ابي اشوف الدكتور عايض بس عشان اتطمن ابي اسأل كم سؤال قالت اكييد اصلاً انا ابيك تشوفيه

"ملاحظه"
كلللل اللي تبع الدكتور ممتازيييين و حريصين فريق اكثثر من رائع المنسقه لطيفه بشكل مو طبيعي على قد ما ازعجتها واتساب و اسأله و كل شي ترد على بنفس حلووه و بسرعه حتى اخر مره قلت لها اتوقع بتحذفين الواتساب بسببي هههههه قعدت تضحك قالت لا بالعكس اهلاً وسهلا ياقلبي "

المهم وصلت المركز عطيت المنسقه الفلوس كاامله طبعاً انا كنت كل اليوم اتمقل فيها متحسفه عليها "قلب مكسور" هههههه بس ما يخالف معوضين ان شاءالله Cant See Images

دخلت على الدكتور عايض و كنت كاتبه اسألتي بالنوت بجوالي لاني دايم انسى سألته عن كل شي ابيه و كان يعطيني الجواب الكافي اذكر سألته انو كثير يقولوا لما تسوين ازالة ربط مع تكميم العمليه ما راح تنجح لان المعده تصير اكبر من المتكمم العادي لان الدكتور يبعد عن مكان الحزام ؟؟ قال لا موش صحيح لكن بعض الدكاتره الله يهديهم يتركوا الالتصاقات ما ينظفوا مكانها و هذا هو السبب لكن انا انظف كل شي ..
برضوا سألته دكتور التخدير تبعك او تبع المستشفى ؟ قال ما تخافي هو بالمستشفى لكن ثنين هم اللي تبعي و انا مختارهم شاطرين مستحيل يجي احد بدالهم ..

يا جماعه ركزوا على دكتور التخدير ترى اهمية من اهمية الجراح ولكن بعض الدكاتره يختارون اي احد و خلاص و هذا غلطط دايم دايم اسألو عن حق التخدير ..

اخذ الدكتور سي دي الاشعه الصبغه و اشعة الصدر قالي كل شي تمام سألته سؤالين كانوا بالنسبه لي مهم و فضول بعد قلت دكتور المعده اللي فوق الحزام حجمها كبر ؟ و المريئ فيه توسع ؟ قال لا المريئ تمام و المعده اللي فوق صغيره ..

تصدقون فرحت لأني عرفت اني انسانه ما اضغط على نفسي بالأكل و هالشي بيساعدني بالتكميم و معدتي ما راح تتمدد مع الوقت

سألته اخر سؤال "ياكثر اسألتي ههه"
دكتور صدق يفرق نسبة القص ؟ قالي ايه نعم احنا ندخل حديده و عليها نقص فاللي حجم معدته كبير 80% نزيله
قلت انا كم تتوقع ؟ قال انتي 70 الى 75% و الارجح راح تكون 75% و فعلاً كلامه صحيح هذي كانت نسبتي Cant See Images

طلعت رحت للمستشفى قابلت دكتور التخدير " مو اللي تبع الدكتور " هذا فقط ياخذ معلومات سألني اسأله قاس وزني و طولي و ضغطي و دقات قلبي كانت مرتفعه شوي " طبعاً مرتاعه" و خلصناا


"يوووم العمليه "

جيت الساعه 7 الصباح دخلت من الطوارئ لأن المستشفى مقفل اعطيتهم الورقه قالولي انتظر شوي بعدها ودوني لغرفتي و كانوا مجهزين لبس العمليه و القبعه و شبشب .. طلبوا مني البسها طبعاً انا كنت جايه وانا متحممه لبست و قعدت شوي و بعدها دخلوا بنات اختي ثنين هاااه كيف النفسيه ؟ يلاا ان اليوم تبدا رحلة الرشاقه ان شاءالله و اللي تمسك يديني و اللي تسوي مساج لرجولي هههههه وحده اكبر مني و وحده اصغر مني بشوي .. شوي كذا تدخل اختي قلت شفيكم يا جماعه ترى مو عزيمه هي ..


[IMG]Cant See Links[/IMG]

هذي صورة غرفتي يارب تكون الصوره طالعه !

المهم جت الممرضه بتحط لي الابره قلت لحظه رحت توضيت و جيت و حطت لي الابره الغبيه فوق ما ان يدها ثقيله فيه شي مفروض تسكره ما سكرته و صار الدم يطلع بقوه و يعووور سكرته و نظفت المكان و طلعت قمت صليت الضحى و دعيت طبعاً بنفس اليوم الفجر
استخرت للمره الأخيره .. قعدوا اللي عندي يسولفون فتحت جوالي قريت سورة الملك مدري ليه هالسوره تجيب لي راحه نفسيه
قريت اذكاري و لما جت الساعه تسع و نص دخلوا الممرضات يلاااااا أملياااات = يعني عمليات
انسدحت على السرير و تغطيت و سحبوني و البنات يمشون معاي الشعور غررريب خوووف على صدمه مدري كيف وصلنا الغرفه سمعت اهلي يقولون عادي ندخل قالوا ايه و دخلوا معاي و بالغرفه فيه غرفه ثانيه اللي هي العمليات وقفوني على جنب و اهلي معاي وقتها بس كنت اتشهد و ادعي و استغفر و اسبح و استودع الله نفسي و اهلي و زوجي و بنتي شوي قالوا يلا هنا عاد قالو لأهلي خلاص برا روحوا للغرفه ..

دخلت جوا الغرفه نطيت على السرير الثاني انسدحت و ربطوا رجولي و يديني طبعاً الغرفه مليااانه دكتور التخدير كان هندي مدري باكستاني طل علي واحد منهم سعودي قالي شفيك خايفه ؟ قلت شوي قال ما عليك سهالات ان شاءالله يلا اللحين بنحقن المخدر قلت لاااا لحظه اول شي بشوف الدكتور عايض قام ضحك قال خايفه نجيب لك واحد بداله ههههههه طبعاً انا استحييت قلت لا بس يعني اتطمن .. والله الواحد من كثر ما يسمع قصص ماش صار يخاف المهم قال من حقك اللحين نناديه ثواني و ينفتح الباب اللي جنبي و يجي عايض هاااه كيفك ايش اخبارك ؟ مستعده ان شاءالله ؟ قلت ايه قال يلا توكلنا على الله قلت يلا خدروني هههههه شفت قناع الأكسجين توه يلمس وجهي و انا خلاااص ما احس بشي ..

وقتها الدكتور كان عنده خمس عمليات او اربع وانا من ضمنهم مو متأكده كان رجال واحد و الباقي حريم ،،

صحيت و انا اتألم و أون اتوقع وقتها كنت بالإفاقه سحبوني لين غرفتي و قالوا انسدح على سريري وقتها كنت داايخه افتح و اغمض بس شوي استوعب اذكر قلت وين اهلي قالت طلعوا رجعت غمضت شوي و بعدين فتحت طلبت منها اني اكلم تليفون لأن جوالي مع اهلي اخذت مني الرقم و عطتني السماعه كلمت اختي بس سمعت صوتي قالت يلا جايينك اللحين رجعت غمضت شوي ما اذكر كم يمكن نص ساعه قمت على صوت اهلي و امي داخلين سلمت عليهم و بديت شوي اصحصح فجأه دخلت وحده عرفت عن نفسها اخصائيه تغذيه تبع الدكتور عايض جايه من برا المستشفى طبعا و كان معها بوكس وقتها كانت تبي تشرح لي قلت لها ما اقدر اركز دايخه فقعدت تحكي مع اهلي البوكس كان عباره عن صحن مرق دجاج و صحن مرق لحم و جيلي و عصير تفاح و باكيتات صغيره بابونج و يانسون و موية نوفا و كتاب مكتوب فيه تعليمات و طلعت .. المستشفى جابوا لي مويه اصروا اهلي اني اشرب شوي اوول ما شربت رشفه صغييره صرت استفرغ و ألم مو طبيعي تخيلوا جروح و احس معدتي تنقبض .. بسرعه اخواتي شالوا المويه و جابوا نوفا قالوا هذي احسن لان صاحبتهم مسويه تكميم و قالت عطوها نوفا و فعلا كانت افضل بكثيير وصل زوجي لانه كان برا الرياض و طلعوا
اهلي قعدت هاليوم بألم مو طبيعي و بس استفرغ دم و بلغم تكرمون و عطوني مرتين ابره توقف الاستفراغ ولافيه فايده ومن مسكن لمسكن مع كذا كنت كل شوي اناديهم ابي مسكن تقولي لا لسا عطيناك قبل ساعه لازم ست ساعات اقعد بس اعد كم باقي من ساعه عشان يعطوني ما قدرت انام الا شووي جا من بكره قلت لهم بليز احتاج مسكن قالت بعطيك ابره قويه بس ممكن تسبب لك دوخه و لازم ما تتحركين ساعتين قلت اوكي عطوني و نممممت ساعه بعمق كانت احلى ساعه صراحه بعد ما صحيت قالت لي الممرضه ان اللي مسويه تكميم معاك كانت تبي تجيك بس اني قلت لها زوجها فيه قلت وينها انا بروح لها و عطتني رقم الغرفه جو اخواتي و رحنا لها سلمت عليها كانوا فيه بناتها بعمري كذا ماشاءالله كانت صحتها زينه تبارك الله و قدرت تشرب مويه و كل شي انا كانت حالتي مزريه
تحمدت لها بالسلامه و طلعت بعدها بشوي جتني المنسقه تبع الدكتور عايض سلمت علي و قالت كيف الممرضات معاك اللحين ؟ لان اختك امس كلمتني تشتكي و الدكتور اتصل على المستشفى قلت احسن اللحين ..
" طبعاً اختي اتصلت لأن معاملتهم زفت تخيلوا بعد ما طلعت من العمليه بساعه كذا ناديتها تساعدني ابي اروح للحمام تخيلوا قومتني و تركتني اروح لحالي اذكر اهلي عصبوا ليه ما تمسكني او تمشي جنبي لو حصل و دخت او صارلي شي !!
بس شكلهم اكلوا تهزيئه محترمه و تأدبوا ..

بعد ما رجعت من الحرمه قالت لي الممرضه شفتي هذي ماما كيف كويس مو سوا سوا انتي !! قلت قولي ماشاءالله لا يجي الحرمه شي بعد

شوي دخل علي دكتور احمد اللي هو جراح مساعد عايض و معاه اخصائي مناظير .. تحمد لي بالسلامه قالي وصلنا انو ليلتك كانت جداً سيئه قلت ايه مره قال عادي انتي عشان كان فيه حزام و كذا فالمعده مجروحه و انتي اصعب عشان كذا الآمك اكثر قعد يشرح لي انو امشي عشان التجلطات و شال الشاش عن الجروح و حط لزقات صغيره و بخ سبراي على كل بطني الماده هذي تمنع المويه و كل شي و تحمي الجروح قالي ممكن تتحممي من اليوم و عطاني وصفه للفايتمينز و البروتين و كل شي و بس من بكره طلعت ..


" راح ارجع لكم بنقاط ما ذكرتها بالقصه و كم نصيحه "


"النهايه"

 

عهود1 غير متواجد حالياً   رد مع اقتباس
a
قديم 10-02-2016, 06:15 AM   #8
مراقب عام
 
الصورة الرمزية عنيد شمر












 

 

آخـر مواضيعي

افتراضي رد: إليكم القصه بعد اسبوع من التكميم

الحمدلله على سلامتك وقدامك العافية باذن الله
بالفعل مثل ما قلت لك سابقاً ان الحزام والتكميم
بنفس الوقت يكون متعب شوي بعد العملية على
الشخص خصوصاً لما يكون متخوف هو اصلاً منه
والاهم لكل شخص يكون عارف اثار عملية التكميم
بعد الافاقه من استفراغ والم وغيره هذا يخفف شوي
من الحالة النفسية للمريض ...

المهم انك بخير وبصحه جيدة والحمدلله
واحرصي على برنامج الطبيب والادوية
وفالك باذن الله المثالي

تجربة مفيدة وتفاصيل مهمه

 

__________________

اوسمتي

عنيد شمر غير متواجد حالياً   رد مع اقتباس
a
قديم 10-02-2016, 09:17 AM   #9
V.I.P
 
الصورة الرمزية للولوة












 

 

آخـر مواضيعي

افتراضي رد: إليكم القصه بعد اسبوع من التكميم

الحمد لله على سلامتك
طبيعي جدا مامريتي فيه اول يوم بحكم انها عمليتين
وايضا البنج له دور في الغثيان والترجيع

الحمد لله على سلامتك هذا المهم
وقدامك العافيه

 


اوسمتي

للولوة غير متواجد حالياً   رد مع اقتباس
a
قديم 10-02-2016, 10:19 AM   #10
مراقبة عامة
 
الصورة الرمزية شوق النجوم











آخـر مواضيعي

افتراضي رد: إليكم القصه بعد اسبوع من التكميم

الحمد الله على سلامتك اختي
انا عشت معك القصه وانا اقرائها لحظه بلحظه وتوقفت عند شعورك قبل دخول العمليه
وسرحت بفكري كيف بودع ابنائي وخاصه بنتي الصغيره اللي متعلقه فيني
كان الله بالعون الله يثبت قلبي ويلهمني القوه والصبر في هاللحظه
ماقصرتي حبيبتي على طرح تجربتك
وكل الشكر والتقدير لك
ولي عوده لطرح كم سؤال

 

__________________



اوسمتي

شوق النجوم غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اسبوع مع التكميم Sweet-mum قسم تكميم المعده ( السليف ) 6 07-31-2015 10:51 PM
اسبوع بعد التكميم عقيل التركي قسم تكميم المعده ( السليف ) 13 05-26-2015 05:56 AM
أعود إليكم بعد 5 أشهر من العملية .. التكميم والنقرس ناصر العماني قسم تكميم المعده ( السليف ) 11 04-04-2015 09:24 PM
لي اسبوع بعد التكميم Butterfly قسم تكميم المعده ( السليف ) 6 05-16-2013 06:50 PM
تعال واسمع القصه للنهايه راح تموت من الضحك نايف بن ناصر استراحة الأعضاء 6 05-18-2012 06:32 AM


الساعة الآن 04:22 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52