قربت العملية .. وبديت اوسوس :(

[عابر القارات]

قربت العملية .. وبديت اوسوس :(

السلام عليكم ورحمة الله وبركاته


اخوكم عابر القارات اتعبته السمنه Cant See Images وقرر يسوي عملية تكميم المعدة ان شاء الله قريب ..

رحت للدكتور وبصراحه كان واثق من العمليه واكد لي نجاحها بعد توفيق الله وقالي انهم يسون العمليه

كل يوم وهذا اللي طماني .. تكميم المعده اللي اعرفه هو قص المعدة او تصغيرها .. لكن كنت جازم انا قبل

بس تعرفون الواحد لما يقرب وقت العمليه بدا يخوف وبدا يوسوس .. والكل يقولي الطب عندنا بالرياض مش ولابد

خاصتن المستشفيات الاهلية يركزون على جيب المريض اكثر من مساعدته بتخطيه المشاكل ..


اتمنى من اي واحد جرب العمليه انه يساعدني ويشرح لي واتمنى من مدير الموقع يكلمنا عن تجربته

سمعت انه سواها قبل سنتين تقريبا واتمنى اعرف حياتي بعد العملية كيف راح تكون ...

بصراحه ابي اعرف الماضعفات ونسبت فشل العملية لاسمح الله .. هل تسبب الوفاة ؟


اخوكم في الله قرر انه يسوي العمليه واستخرت ربي وان شاء الله انها زينه .. بس لابد من التفكير والخوف


انتظركم

المصدر: منتديات رشاقة

 

[fahad]

هلابك اخوي
العملية باذن الله انه سهله
لكن اختيار الدكتور المناسب ن اهم الخطوات قبل اجراء الجراحه
بالتوفيق اخوي ...

 

[عابر القارات]

فهــد
ان شاء الله بكون عند الدكتور عبدالرحمن سالم .. بالتخصصي الطبي

 

[fahad]

ماشاء الله الدكتور عبد الرحمن من اكفاء الاطباء بالمملكة واختياااااااار موفق
الله يسهلك اخوي

 

المشاركة الأصلية كتبت بواسطة عابر القارات Cant See Links

فهــد
ان شاء الله بكون عند الدكتور عبدالرحمن سالم .. بالتخصصي الطبي

دكتورك عبدالرحمن وخايف

ياخي توكل على الله دكتورك ممتاز وماشاء الله مسوي لاغلب اللي بالمنتدى ولا احد اشتكى منه

بالعكس كلهم يشكرون اخلاقه وتعامله الراقي

والعمليه اللي يخوف فيها التسريب ونسبته 2 بالميه

 

[عابر القارات]

الدكتور عبدالرحمن ينحط على الجرح يبرى ماشاء الله عليه

وانا بالعكس مبسوط معاه وبتعامله وبتعامل العيادة .. بس تعرفون الواحد يخاف لا جا وقت الصدق Cant See Images

وبصراحه اشوف الشباب يتكلمون ويقولون لي قصص وفيات بسسب هالعمليات مع اني ماجبت طاري


فعشان هيك صرت خايف شوي ... لا ان شاء الله ان اموري تمام دعواتكم بس .. وعلموني كيف اكون شجاع Cant See Images

 

ههههههههههههههه كيف نعلمك الشجاعه وحنا خفنا قبلك

هذا الشعور يمر على الكل وانا اخوك بس توكل على الله

اما الوفيات اقولك اياها انا بالمنتديات من سنتين ولا سمعت ان احد توفى بعمليه سمنه

 

[الدوبيه]

الله يهديك بتسويها عند د.عبدالرحمن وخايف ؟
د.عبدالرحمن من افضل الدكاتره بالرياض من ناحية الجراحه ومن ماحية التعامل ماشاء الله عليه

اهم شيء انت تستخير رب العالمين وتدعي ربي يسهلك امرك

واي شيء يصير لك تأكد ان ربي كاتبه وان فيه خير لك

وهذي قصة مدير الموقع (المثابر)

Cant See Links

 

[فل وكاذي]

قوي قلبك واستخير وتوكل علي الله
وماعليك من كلام الناس خليك مع ربك وانصحك ماتعلم احد الا الناس الي قريبين منك

 

[tota]

هلا بك اخوي و الله ييسر لك امرك