اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 655
عيادة د. عدنان صباحي
عدد الضغطات : 4,788
عيادة الدكتور سالم الصواط
عدد الضغطات : 4,616
رشاقة للخدمات العلاجية
عدد الضغطات : 4,599

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,209عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,634هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,201توتر
عدد الضغطات : 2,349
عدد الضغطات : 0

التكميم يناديني

قصص وتجارب المتكممين

Like Tree9Likes
إضافة رد

 
LinkBack أدوات الموضوع انواع عرض الموضوع
قديم 09-07-2015, 03:29 AM   #1
عضو جديد
 
الصورة الرمزية الهنوف35












 

 

آخـر مواضيعي
 
0 التكميم يناديني

افتراضي التكميم يناديني



السلام عليكم ورحمة الله وبركاته

من كم شهر افكر في عملية التكميم وخذت موعد عن اشهرالدكاتره الي يسونها عندنا ولما قرب الموعد كنسلته

وقررت اعاود الرجيم من جديد الذي مرت السنين وجربت فيه معظم الرجيمات الي بقواقل لا اخفي انني كنت احق انجازات كبيره في النزول ولكن كالعادة يحصل رجوع من نقطة البداية صرت خبره في اي رجيم وكم ينزل زن واعطي كثير لانهم يحبون الرجيمات المجربه رغم ان لكل جسم نزول يختلف بس الخوف يسيطر عليهم من التجربه والفشل ،

معظم تخبيصاتي كانت نفسية اي مشكلة اروح اخبص وخرب الرجيم او اي ضغط

اكثر وزن وصلت له 83.8 قبل ثلاث سنين واافضل وزن وصلت له 61 ولكن ليسى هو المثالي لي

من سنتين وانا قراء عن عمليات السمنه ولقيت اقلهن خطورة الحلقة

اتصلت بدكتور كان وزني وقتها 72 رفض يسويها قالي تعالي في حلول مناسبة مثل البالون

بالون لو ببلاش ماسويتها فاشله بكل معنى الكلام مو الكلمة .

رجعت اقرء اكثر عن الحلقة لقيتها احتلت رتبت فشل درجة ثانية وقلت الحمدلله ماسويتها .

ومن شهر وانا موقفه رجيمات وزاد وزني وصار 80 لاني قررت اسوي التكميم .

حجزت موعد انا وزوجي هو بعد يبا يسوي وعنده مرض مايقدر يسوي عمليته لين وزنه ينزل

وهو مو قادر ساعدته ونزل من 106 الى 94 بس صار ياكل من وراي خارج البيت وزاد وزنه

ووقفنا على كذا .

حاولت ازيد وزني الى 85 خلال اسبوعين فشلت فشل دريع رغم كنت اكل وحلويات

هو كيلو يزيد وانام القيه طار سببلي الزهيمر

وين ايام مانبا ينقص الوزن وهو ماشي عكس الحين نبا يزيد مايبا بكل صعوبه استقر على 81 قبل مااطلع للموعد


اتفقنا ان كل واحد يدخل لوحدة عشان مايوافق على واحد ويرفض الثاني .
الوهم لما يعشعش مشكله تكمله وقت ثاني في عيادت الدكتور والتوتر عندي صار ميلون على ميه



 

الهنوف35 غير متواجد حالياً   رد مع اقتباس
a
قديم 09-07-2015, 05:15 AM   #2
V.I.P
 
الصورة الرمزية omneyah











آخـر مواضيعي

افتراضي رد: التكميم يناديني

الله يسهل أمرك ..

علمينا وش رد الدكتور عليكم .

 

__________________
و أصلح لي ذريتي❤

اوسمتي

omneyah غير متواجد حالياً   رد مع اقتباس
a
قديم 09-07-2015, 07:21 AM   #3
عضو جديد












 

 

آخـر مواضيعي

افتراضي رد: التكميم يناديني

الله يسهل امورك واعتماد الدكاتره غالبا على كتلة الجسم
وفالكم الرشاقه يارب

 

*ابو صالح* likes this.
D7oo0oom4 غير متواجد حالياً   رد مع اقتباس
a
قديم 09-07-2015, 08:33 AM   #4
كبيـــر المتكمـمين
 
الصورة الرمزية *ابو صالح*












 

 

آخـر مواضيعي

افتراضي رد: التكميم يناديني

كتلة جسمك حاليا 36 وهذا رقم مقبول لعملية التكميم
كملي لنا
واسال الله لك الخير و الرشاقة

 

*ابو صالح* غير متواجد حالياً   رد مع اقتباس
a
قديم 09-07-2015, 03:24 PM   #5
عضو جديد
 
الصورة الرمزية الهنوف35












 

 

آخـر مواضيعي
 
0 التكميم يناديني

افتراضي رد: التكميم يناديني

تسلمون على مروركم ماتقصرون

قبل مانروح الموعد وزنت وكان 81 فارحت لبست لبس ثقيل هههههههه ان كيدهن عظيم

ومن الافكار الي فكرت فيها برق لي زوجي اني اخذ معاي اثقال في جيبي طبعاً من باب المزح


لانه كان يقولي ماراح يوافقون على كتلة جسمك ماتناسب وانا 41 مناسبه من باب الداعابه

بس واقتها مافي دعابات عندي المهم خف التفاؤل من كلامه بس توكلت على الله ورحنا


ونحن في قاعة الانتظار قرر يدخل معاي عند الدكتور بس قلت له لاتبين لدكتور انك مو موافق

لانه يقول وزنج مو كبير فجئة نادوني قلت له ماراح تدخل قال لا

دخلت عند الدكتور سلام عليكم وعقب دخلت في الصمت الرهيب

قال بايش اساعدك اصعب سؤال

كنت بقوله عنوان بيتنا وين ههههههه

قلت بسوي عملية تكميم قال شو ؟ بغيت اقوله بسوي رجيم هههههههه من الارتباك

وجلس يحسب الكتله لاني وزنت عندهم مع اللبس زاد وصار كيلو زيادة اول مره افرح ان وزني زايد

هو يشرح عن العمليه وانا اشرح لين انصدم قالي شو تشتغلين قلت له مااشتغل قال شو درستي

شكله يباني اسوي معه العمليات ههههههههع

قالي نحن خذنا دكتوراه في هذا الكلام انتي كيف عرفتيه

كنت اشرح له ادق التفاصيل ابيه يوفر على نفسه قالي انا اخيط بعد التدبيس

من زمان فقلت له شو يفيد الخيط وهو متباعده الخياطة هههههه حسيت يبي يفرني بالكمبيوتر

هذا كله لما حسيت انه وافق يسوي لي العمليه يقول عشان طولك

اول شي سالني عن الامراض الي في

وبما انه مافي لله الحمد رحت استحضرت اهلي كلهم الي فيه سكر والي ضغط وقلت له

انها وراثه ( تفكير شين مايباله هههههه) وقلت له من ٢٠٠٢ بديت الرجيمات والى يومنا هذا وطلعت اوراق قديمة مراكز دايت ماكان مهتم كثير لاحظة فقلت له يعني هذيل مايحتاج قال لا خليهم ناخذ منهن نسخ عشان نقول انك حاولتي رجيم من زمان

كان ودي اقوله تقول لمن هههههه كلمته عن التسريب والنزيف قال بعد اسبوع مستحيل يحصل

قلت له بس حصل ( احس اني مسختها معه ماانعطى وجه ، قال هذول يكون تسريب من اول يوم يمكن كان وشي مايبان وراح يتلصق

بس يكون المريض عندة كحة هي تخليه يظهر بعد اسبوع التسريب قلت والعلاج

قال ادوية لان الفتحة ماتحتاج فتح وتتقفل بالادوية

قال انه يقص 75%100 قلت له اعرف وحده قصو 75 نزلت قليل

قال مستحيل ماينقص 75 الخمسة الي تخليه80/ حجمها مثل حجم نص الكوب الابلاستيك ماتفيد واذا نقص 80/يزيد الترجيع ومعظم الي قصو 80 تعبانين وترجيع عطول

لانهم قصو من مكان حساس وراني اياها بصورة ، اقتنعت بس رجعت سألته على الي سمنتهم مثلي تقصلهم 75والبقية الي اوزانهم كبار 80/

قال مايخصه ( هو هنا ماقال الحقيقة وخلاها مبهمه نعرف واحد وزنها يمكن 130قص له 80/

اكيد شاف عشان وزني مو كبير قرر 75

الخيط بعد شهر يذوب الدبابيس مالهن اي قيمة بعد شهر بعد مايلتحم

عقب قال طبعاً ماراح يوافقو تسوينها بظمان قلت لها طبعا

قالي العملية بعد اسبوع هني بغيت اقوله انت صدقت كنت امزح معاك جيت مع زوجي بس هههههههه

حدد العمليه وقال جاهزة قلت جاهزة كلمته عن زوجي قال بشوفه

طلعت من الباب على اساس بمثل على زوجي انه رفض

طلعت لقيته مقابلني مسكتني ابتسامة عرف انه وافق وعلى طول جاء دوره ونا رحت اسوي تحليل دم

وماحبيت ادخل معه لاني استحيت يقول وش جابها مره ثانيه

جلست ولقيت بعض الحريم �� جلست وانا في ثقه ؛: تو الناس بعد ماسويت شي وانقلبت

عقب دار حديث بينا وقلت لهم عن عمليتي الا نص الجالسات ماعجبهم الكلام يقولون لا جسمج مايباله سوي رجيم

اقولها سويت لين طلع من خشمي ثنتين شجعوني وثنتين لا

وحده تقول سوت حلقة نزلت عليه بس معذبها والتهابات وجايه تبي تشله طلب منها 15000

يعني دفع قبل وبعد تقول فاشله الحلقة شكله سوتها من زمان ،

طلع زوجي وشكله ماينفهم منه شيء فزيت مثل الريشه على اساس الي راح يكون ان شاء الله

قلت له بشر قال بعدين اقولج ؛: ابيخ رد سمعته لا او نعم مايحتاج لها بعدين

ماقدر يسكت قال قالي نسبة خطر النزيف عندك 30/100ومااقدر اخاطر وسويها لك حياتك في خطر

زوجتك نسبة الخطر الطبيعية نفس اي حد ٢/١٠٠ انت وايد والسبب الحبوب الي تستخدمهن يسوون نزيف

علماً انه مايقدر يتوقف عنهن ،

رحنا وكنا نفتكر بيوافق عليه ويرفض يسويها لي
لاني قريت كثيرررررر يقولوا لازم يكون مع هذي الكتله مرض سكر او ضغط او مفاصل

لهذاالي يفكر يسوي مايخاف انه ينرفض اذا كان على حسابه الخاص الدكاتره عادي يسونها بس يبون تدخل عليه بدون خوف وتقوله الي تبيه

وقتها راح تشوفه يسهلك الامور عشان تسويها اولا عشان يستفيد هو ويحق له عيل ليش درس وصار دكتور

ثاني شي يفيد غيره وتزيد شهرته . المهم طولت بس التفاصيل مهمه في هذي الامور .

مقابلتي مع دكتور تخطيط القلب جبت فيها العيد ومع الدكتوره النفسية سالتها وين الي ينسدحون عليه ههههههه

وقلت لها الي يجون عندك اهل العمليات بس لاني دخلت اتلفت حد يعرفني يقول ياحليلها فقدت عقلها وعقب وزنها هههههه


التكمله قادمة ..

 


التعديل الأخير تم بواسطة الهنوف35 ; 09-07-2015 الساعة 03:35 PM
الهنوف35 غير متواجد حالياً   رد مع اقتباس
a
قديم 09-08-2015, 03:20 PM   #6
V.I.P
 
الصورة الرمزية *ام سارا*












 

 

آخـر مواضيعي

افتراضي رد: التكميم يناديني

عجبتني سالفة الاثقال

متابعين كملي

 


اوسمتي
وسام مشارك في مسابقة عيد الحج عيدين 1436 المركز الثاني في مسابقة نفحات صائم لرمضان 1436هـ مشرف رمضاني مميز لعام 1436 هـ وسام مشارك لمسابقة المدونات للربع الاول 2015 رئيس  تحرير جريدة رشاقة 2015 وسام مشرف على مسابقة تحدي الوزن 2015 مشارك وسام المشرف المميز لشهر يناير 
مجموع الاوسمة: 8

*ام سارا* غير متواجد حالياً   رد مع اقتباس
a
قديم 09-08-2015, 03:41 PM   #7
مراقبة المنتديات الطبية
 
الصورة الرمزية LAZURDE












 

 

آخـر مواضيعي

افتراضي رد: التكميم يناديني



متابعة ................

 

__________________

Don't compare yourself with any one in this world , if you compare , you are insulting yourself


follow us
تويتر رشاقة : rashaghcom
سناب شات رشاقة : rashagh.t
فيس بوك : تواصل رشاقة
انستجرام : rashagh.t
يوتيوب : تواصل رشاقة


اوسمتي
شيف رشاقة 1434 وسام مشارك في مسابقة عيد الحج عيدين 1436 وسام مشارك في مسابقة اقهر وزنك الرمضانية لعام 1436 مشرف رمضاني مميز لعام 1436 هـ وسام مشارك في مسابقة اطايب رمضان لعام 1436هـ وسام مشارك في مسابقة نفحات صائم لرمضان 1436هـ مشرفة الفيسبوك وسام المشرف المميز _استطلاع رشاقة الاول لعام 2015 وسام الموضوع المميز_استطلاع رشاقة الاول لعام 2015 
مجموع الاوسمة: 12

LAZURDE غير متواجد حالياً   رد مع اقتباس
a
قديم 09-08-2015, 04:14 PM   #8
عضو جديد
 
الصورة الرمزية الهنوف35












 

 

آخـر مواضيعي
 
0 التكميم يناديني

افتراضي رد: التكميم يناديني

اقتباس:
المشاركة الأصلية كتبت بواسطة *ام سارا* Cant See Links
عجبتني سالفة الاثقال

متابعين كملي
هههههههههه

وزنت اليوم بالبيت 80.5 قاعد يسوي جسمي رجيم مع نفسه ههههههه

 

الهنوف35 غير متواجد حالياً   رد مع اقتباس
a
قديم 09-08-2015, 04:52 PM   #9
عضو جديد
 
الصورة الرمزية الهنوف35












 

 

آخـر مواضيعي
 
0 التكميم يناديني

افتراضي رد: التكميم يناديني

مساء جميله كاجمال هذا الصرح


اليوم الصباح رحت سويت اخر موعد وهو موعد اخصائية التغذية

بس نسيت اي ساعة قال لي العمليه اذا مااتصلو علي بكلمهم


بعد مقابلتي مع الدكتور قالي تقدرين الحين تسوين تحليلين وفي اثنين مايفتحون غير الصبح الي هو النفسي والتغذية

عند الدكتور خذو مني عينة دم وللعلم خوفي من الابرة يوازي خوفي من الجني هههههههه

طبعاً رفعت الكم وسويت انه عادي وجلست اجهز العرق اضربه مسويه خبره وكله خرطي

يوم قربت شليت ايدي قالت مايتحرك قلت عيل يغمي عيل افضل المهم كل ساعه اسوي اني اعدل شي فيه

عقب قلت بقوي قلبي عضيت ملابسي وهي ماقربت ؛ مدري شو تسوي الم وتالمنه بس طلع قبل الابره

واخيراً ضربتها بعد ما اتشنجت وطلعت عند اشعة لصدر خلصتها بخمس دقايق

ودخلت تخطيط القلب دخلتني ممرضة ركبت في صدري يمكن ست وايرات بعدها بدقيقة قالت خلاص

شو الشغل هذا السريع شكله صورة سلفي مع الوايرات هههههههه

طلعت قال زوجي خلصتي قلت ايوه وقمنا نروح قالت لا تعالي هنا

دخلت غرفة لقيت دكتور جلست الممرضة عطته الصور قال كل شي تمام

قلت له الحمدلله سالني كم سؤال ورديت بخصوص الامواض الوراثية

عقب قال ارتاحي فقمت فتحت باب الغرفة بطلع ،، قالي لا اجلسي عسرير

جاني ضحك قلت في بالي ارتاحي يعني اجلسي عسرير خلاص الناس تعبو من الكلام صار اختصارات

جلس عسرير حط سماعه بظهري مع تنفس عقب قالي ارتاحي ،، قمت نزلت من السرير قلت ،، هالمره قلت عرفت يقصد اجلس على الكرسي ،، لقيته يبتسم ويقول لا انسدحي على السرير ههههههه حسيت اني جبت العيد بدري ��
انا مسكتني ظحكة ضربتين في الراس توجع مااضحك بصوت بس اهتز كأني على الهزاز

المهم جات الممرضة ونسدحت وقفلو الليت هههههههه انا استغربت تطور الطب صار ليت يتقفل

فحص القلب بسماعة وقلت اذا قال ارتاحي هذي المره بغمض وانام هههههههه

خلصت ،، جلس يكتب عقب دخل زوجي جاء بعد ماطلعت النهاية مدري وين يختفي اكيد مصدوم انه ماوافقو على عمليته واعذرته

خذينا النتائج وعدكتور

الحمدلله كل التحاليل سليمة بس باقي تحليل الدم مدري وش صار عليه

وحالياً قاعدة اتصور قبل وبعد ،،، طبعاً نفس الناس والله بشتاق لجسمي في اماكن تستاهل الاشتياق هههههههه

بس مااريد اشوف الباقي

يكفي صورة قديمة تذكرني

يوم الثلاثاء الجاي عمليتي بإذن الله ادعو لي اقوم بسلامه حتى اهلي مابخبرهم لين اسويها عشان مايتوترون ويشغلهم التفكير ويخافون علي رغم اني محتاجة لدعاء الوالده بس اهم شيء ما اخليها تخاف وانا بالعمليه

لهذا اي حد يدخل موضوعي هذا يدعي لي يوم الثلاثاء بتوفيق في العمليه ومااتعذب بعد مااصحة من البنج

وشكراً جزيلاً لكل من مر هنا .

 

راشــــد likes this.

التعديل الأخير تم بواسطة الهنوف35 ; 09-08-2015 الساعة 04:55 PM
الهنوف35 غير متواجد حالياً   رد مع اقتباس
a
قديم 09-08-2015, 04:58 PM   #10
عضو جديد
 
الصورة الرمزية الهنوف35












 

 

آخـر مواضيعي
 
0 التكميم يناديني

افتراضي رد: التكميم يناديني

سؤال للي عملوا التكميم هل يوزنونكم قبل العمليه مباشرة

وسؤال ثاني اللبس حق العملية عبارة عن بنطلون وقميص ولا قطعه وحده وعادي اللبس عليها من ملابسنا

والابره وين تنعطى حق الفيتامينات الي بشهر مره اعتقد بالعرق ولا بالعضل هذي كارثة ابرررره مو سهله

وسلمتوا

 


التعديل الأخير تم بواسطة الهنوف35 ; 09-08-2015 الساعة 05:01 PM
الهنوف35 غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
وزنك قبل التكميم وبعد التكميم ونريد نصاحكم يامكممين بدوم اسم قسم تكميم المعده ( السليف ) 43 03-17-2014 01:15 PM
لو انى قراة هزا الموضوع قبل التكميم لما فعلته ابدا ولو صار وزنى 500 كيلو نصيحه لوجه الله ابعد عن التكميم نعمه قسم تكميم المعده ( السليف ) 75 10-08-2012 01:07 PM


الساعة الآن 07:37 AM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52