تعالوا ذوقوا وصفاتي Bvlgari caffe internationsl

[Bvlgari]

تعالوا ذوقوا وصفاتي Bvlgari caffe internationsl

مساكم الله بالخير

الموضوع مو للمسابقات انا ابي اطقطق معاكم شوي على الوصفات الي احبها وتخليني ادخل المطبخ غصب واتفنن فيها

وبعد ليش اخبي ياخي شفت بسبوسه ابو صالح وطقتني الغيره قلت خل انزل وصفاتي ههههههههههههه

ماعلينا

سلمكم الله من متى وانا اترجى المدام تسوي كنافة شاميه بالجبن وهي تقول لا القشطه احسن

انا احسبها تفضل القشطه بس طلعت ماتعرف هههههههههههههه

ويجي ثاني رمضان وانا الي اسل سيفي من غمدة واهجم على منتديات الطبخ واحفظ طريقة الكنافة بالجبن وفورا رحت السوبر ماركت وجبت كل العدة

المقادير/
كنافة طازه خلكم من المثلجه ترا طعمها كنه واير كهرب
سمنه ابو كرسي هههههههههههه احد يضحك بدفنه
سكر
جبنه عكاويه
هيل وزعفران
فستق مجروش مو مطحون طحن الله راس العدو وانتبهوا ترا الفستق غالي لاتلعبون بالنعمه

الطريقه
اغسلوا اياديكم قدامي
طالما الدعوه فيها فرك البسوا قفازات وهاتوا الكنافه وصبوا عليها من سمن ابو كرسي ههههههه وافركوا لين تحسون الكنافه صارت حليمه بولند من نعومتها

بعدين خلوها شوي تتشرب وروحوا ع الجبنه صبوا عليها ماي حار واتركوها ربع ساعه وكبوا الماي وحطوا غيره عشان ملحها يروح وتصير طريه زي جنوب ابو سعود

بعدين تعالوا للصينيه الي بتخبزون عليها وادهنوها بصبغه الزعفران مع السمن

وقبل ماترصون الكنافه رشوا شوي سكر عشان تتماسك

وابتدو رصوها بالصينيه بشكل جيد وبعدين فوقها الجبن بشكل متساوي ورشوا معه موزريلا

غطوا الجبن بطبقه ثانيه من الكنافه ورصوها بشكل جيد ودخلوها فرن على درجه 360 لمده نص ساعه

طلعوها واقلبوها بصينيه تقديم وفورا رشي عليها القطر طبعا القطر المعتاد الي هو ماي وسكر وهيل وزعفران وفانيليا

زيني بالفستق واستمتعي

وهذي كنافتي

Cant See Images

المصدر: منتديات رشاقة

 

[أبوعادل]

رووووووووعه
يعطيك العافية
ارجع الرياض واجرب الطريقه

 

[Bvlgari]

وهذي شكلها اول ماجهزتها

Cant See Images

 

[*ام سارا*]

يم يم

بلغاري بجهز قهوتي وارسلي قطعه

تسلم الديات والله شايفه ابداعات من الرقاله

 

[(صمود)]

من جد ما توقعت هذا الشغل المرتب

انشهد انك شيف

و اي تجربة صورها و نزلها

و بالعافيه عليكم

 

[هآتني]

بلغاري وش سمن ابو كرسي صور لنا شكله

ولازم التزيين ؟؟

فستقنا مخلص وبعدين غالي وهو بس زينه

 

[*ابو صالح*]

له...له ...له

وش ذا يا أبو وافي !!!

ما اتفقنا على كذا ،،، يعني تزاحمني في الحلى هههه

لكن بجد ،،، شكلة الييييييم

تسلم الايادي يا باشا

بقرب القهوة ،،، وهات قطعة !!

 

[شوق النجوم]

Cant See Images


ماشاء الله بلغاري

طبق ولا احلا

تسلم الايادي بلغاري

وبالعافيه

 

[راشــــد]

صج انك شيف ياشيف ههههههههههههههههههههههههههههه

ماشاء الله وش ذا ياولد طلعت موب هين .. عاشت الايادي يابوافي .. حنا جيران عاد اجيب فنجالي واجيك بعد المغرب

 

[Bvlgari]

ابو عادل .. ايوه كذا التهديد لايلعبون علينا الحريم ههههههه

ام سلوم .. تامرين امر ههههههههه خذيها قاعده دب مايطلخ مستحييييييل حتى لو انكر ترا كل الدببه طباخين

ام سارا.. اي وشفيهم الرقاله مع راسك اصلا خلاص كم سنه ومعاد لكم داعي هههههههههههه

ابو سعود.. شفت شلون عيل شلون عيل هههههههههههههههههههه

ابو صالح .. محد دق سلف الطبخ في رشاقة الا انا تذكر العام يوم كلكم مسوين ثقال وبس نزلت صوره الفتوش الي نزل سمبوسه والي نزل بسبوسه ههههههههههههه المهم عليهم عليهم وانته معلم واحنا منك نتعلم

هانتي.. سمن ابو كرسي تنكه صغيره ذهبيه لو مالقيتي خذي سمن المراعي او سمنه فارم يلا ننتظر الصور زين تسوين خير بحياتك حق هالمسكينه امك