اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 640
عيادة د. عدنان صباحي
عدد الضغطات : 4,519
عيادة الدكتور سالم الصواط
عدد الضغطات : 4,380
رشاقة للخدمات العلاجية
عدد الضغطات : 4,161

العودة   منتديات رشاقة > منتدى العمليات الجراحية > قسم العمليات الجراحية المختلفه للسمنه > قسم حزام المعده
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,015عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,473هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,047توتر
عدد الضغطات : 2,179
عدد الضغطات : 0

تجربتي بالتفصيل بين ايديكم (د/محمد خريس)

قسم حزام المعده

Like Tree7Likes
إضافة رد

 
LinkBack أدوات الموضوع انواع عرض الموضوع
قديم 02-25-2015, 09:46 PM   #1
عضو جديد












 

 

آخـر مواضيعي

5abr تجربتي بالتفصيل بين ايديكم (د/محمد خريس)



الحمدلله ، ثم الحمدلله ، ثم الحمدلله
حتى يبلغ الحمد منتهاه

،،،

بتكلم لكم عن تجربتي السعيده بالعاميه البسيطه ..

[color="rgb(255, 140, 0)"]في يوم الاحد التاريخ 22 فبراير[/color] توجهت للاردن وصلت الصباح وتوجهت لعيادة الدكتور محمد خريس اخذو وزني وطولي وهالشغلات كلها بعدها دخلت على الدكتور وسألني عن العمليه قلت ابي تكميم لكن تفاجأت برده رفض التكميم قال وزنك مايحتاج قص معده انتي محتاجه تنزلي 30 كيلو تقريباً وراح اعمل لك ربط معده طبعاً رفضت وزعلت قالي بالحرف الواحد ( انتي زي بنتي وانا دكتور وعارف حالتك واعرف اللي بيناسبك ولو انا دكتور ثاني كان بوافق عالتكميم وماراح تهمني صحة مريضي بيصير همي مصاري وبس ( يعني الفلوس وبس) لكن انا اشوف ان بطنك وجسمك من فوق صغير انتي سمنتك بالافخاذ والدهون كله بالمنطقه السفلى علشان كذا راح اعملك ربط معده واضمن لك بإذن الله بعد 4 او 5 شهور راح توصلين لوزنك المثالي اللي هو 55 الى 60 لكن بشرط تتبعي النظام الغذائي وتمشين كل يوم اقل شي ساعه المشي راح ينزل وزنك بسرعه
بعد كلامه تطمنت وارتحت وقلت له انت ابخص وسو اللي تشوفه مع اني ماجا في بالي ربط معده ابداً سبحان الله لي سنه وانا اقرا واشوف تجارب المتكممين وحاطه في بالي تكميم وبس..
قال تصومين الليله من 11 بالليل عن الاكل ومن 12 عن السوائل وبكرا الصباح الساعه 8 تكونين بالمستشفى وطبعاً وصيته على نفسي وترجيته ينتبه لي واني اول مره بحياتي اسوي عمليه وضحك علي وقال اصلاً بكرا كل العمليات تكميم انتي الوحيده اللي عندي ربط ..
الدكتور قمه قمه بالاخلاق ويكفي ابتسامته ترد الروح وتريح الواحد الله يجزاه كل خير ويوفقه يارب بجد بجد حبيييته وماتوقعته كذا ابداً ..

طبعاً كنت رايحه الاردن وانا خايفه و دموع وبكى وحالتي حاله و اودع امي وابكي وهي تبكي ورحت انا واخوي بدون احد يدري..
انا عندي قناعه وماشيه فيها بكل امور حياتي اللي هي توصية سيد البشرية عليه الصلاه والسلام ( اقضو حوائجكم بالكتمان)

،،،

جا وقت العمليه يوم الاثنين 23 فبراير الساعه 6 الصباح صحيت تروشت وصليت ودعيت ربي وطلعت للمستشفى الساعه 8 دخلوني غرفه وقالوا بدلي ملابسك واعطوني الروب الخايس المفتوح وجلست بهالغرفه الى الساعه 10 ونص وزهقت وانا انتظر وكل شوي اسمعهم ينادون اسامي الناس اللي جا دورهم وكل ماقالوا اسم يزيد الخوف فيني شوي الا دخلت الممرضه تسحب السرير وتنادي اسمي هنا قلت جاك الموت ياتارك الصلاه حسيت باحساس وشعور غريب خوف على توتر على وناسه مدري شلون طبعاً سحبوني ودخلوني غرفه كبيره اسره بينها ستاير غرفة التحضير للعمليه وغرفة الافاقه هنا ودعت اخوي واستودعني الله وهو اللي ماتحمل جلس يبكي خفت لما شفت دموعه وبغيت اهون Cant See Images
دخلت هالغرفه فيه ناس يصيحون ويتوجعون ويونون من الالم خفت كثييير وانا اسمعهم بعدها غزوني ابره قلت وش ذي قالوا مهدئه هالابره من يغزونها وانا دااااايخه وداخله عالم ثاني ماعاد احس بشي بس بعدها صحيت والمس بطني ماشفت شي توقعت اني خلصت العمليه الا تجي الممرضه واقولها ماسويت العمليه قالت لا لسى شوي وغزتني الابره مره ثانيه ودخلت بعالم ثاني بعدها صحيت ومدري كم الساعه بس كنت اسمع صوت اخوي يتكلم مع الممرضه ويقول فلانه سوت عمليتها ولالا تأخرت قالوا له الحين بندخلها غرفة العمليات بعدها جو سحبوني ودخلت غرفة العمليات الغرفه تخوف وكان فيه دكاتره كثير كثير اتوقع 15 او 20 دكتور كلهم حواليني واخلاقهم جداً عاليه الممرضات يمسحون على راسي ويدعون لي ويهونون علي انسدحت على سرير العمليه ومديت يديني جا دكتور التخدير قلت وين الدكتور محمد ابيه قالوا موجود الحين بيجي سألني عن اسمي وغز ابرة البنج قال كم عمرك بعدها ماجاوبت اذكر هذا اخر سؤال قاله لي بعدها ماحسيت الا وانا بغرفة الافاقه يصفقوني ويصحوني ويقولون صحصحي الحمدلله على سلامتك عمليتك ناجحه كنت دايخه بس اسمعهم واحس حلقي يوجعني وكأنهم يشفطون شي من حلقي اسمع صوت شي ينشفط واحس به يوجع بعدها طلعوا وركبوا لي الاكسجين واخوي ابلشهم وتهاوش معهم يبي يتطمن علي ودخلته الممرضه جاني وشافني وتطمن بس ماقدرت اتكلم معه لاني احس بدوخه وراسي يدور بعدها طلعوه وجلست بالغرفه وقت بعدها طلعت لغرفتي العاديه اذكر وقتها اني مصحصحه واشوف الساعه 3 ونص العصر سألت الممرضه متى سويت عمليتي قالت الساعه 1 الظهر والعمليه ماطولت مدتها 20 دقيقه تقريباً مو زي التكميم ..
طبعاً كان فيه الم بس يعطوني مسكن وشربوني مويه واستفرغتها وصرت استفرغ دم لدرجة اني ماقدرت اتحمل واستفرغت على ملابسي وع السرير وجو الممرضات بدلوا ملابسي وحطوا لي شرشف جديد عالسرير وصرت اشرب رشفات مويه واستفرغ طول اليوم طبعاً قلت لهم ابي اطلع لان الربط مايحتاج تنويم لكن قالوا اذا تبين تنامين عادي نامي رفضت ولبست وطلعت للفندق وارتحت شوي بالفندق بس طول اليوم استفرغ وعدا اليوم على خير ياربي لك الحمد ..


[color="rgb(255, 140, 0)"]يوم الثلاثاء 24 فبراير[/color] صحيت الصباح وشربت حليب واشوى مااستفرغت فرحت بعدها جهزت اغراضي وطلعنا المطار ورجعت لديرتي ولامي حبيبتي اللي مانامت ولا ارتاحت كانت تحاتيني..

،،،،

[color="rgb(255, 140, 0)"]اليوم الاربعاء 25 فبراير[/color] اليوم الثالث لي واموري تمام الحمدلله فيه تعب بس بسيط ومقدور عليه ..

،،،،

التفاصيل :

نوع العمليه : ربط معده
سعر العمليه بعد خصم الدكتور : 2200 دينار اردني يعني 11500 ريال سعودي
اسم الدكتور : محمد خريس جزاه ربي كل خير
تكلفة العلاجات : تقريباً 250 ريال سعودي
العلاجات هي : علبة حبوب فيتامينات وعلبة مسكن الم ومضاد حيوي
السكن : فندق الشيراتون ليلتين ب 1500 ريال سعودي
الطيران : الخطوط الاردنيه كلفتني لشخصين 3800 ريال

،،،،

معاناتي مع السمنه :

بدأت سمنتي نهاية عام 2012 بعد زواجي ب سنه وقتها حللت واكتشفت عندي خمول بالغده وصار الوزن يزيد كثيييير ولو سويت رجيم ماينزل وزني ابد ..
طول عمري و وزني مثالي و رشيقه لكن ان شاءالله يرجع وزني القديم ..

،،،،

هذي تفاصيل تجربتي كتبتها لكم واي سؤال او استفسار انا حاضره ..


واخيراً اقول :

من لايشكر الناس لا يشكر الله ..
وانا اقول الشكر لكل عضو وعضوه بهذا المنتدى الغالي ..
يشهد الله انكم اصحاب و اخوان جزاكم ربي الجنان ..
لولا الله ثم وقفتكم وتشجيعكم لي كان ماسويت شي ..

،،،

الحمد لله على ما مضى، والحمد لله على ما أنا به الآن، والحمد لله على ما سيأتي، و الحمد لله على كل حال .

،،،

 

متفائله بالله غير متواجد حالياً   رد مع اقتباس
a
قديم 02-25-2015, 10:48 PM   #2
كبيـــر المتكمـمين
 
الصورة الرمزية *ابو صالح*












 

 

آخـر مواضيعي

افتراضي رد: تجربتي بالتفصيل بين ايديكم ..!

ما شاء الله تبارك الله

واسال الله ان يكون في العملية خير لك دنيا واخرة

واشكرك لطرح تجربتك لمساعدة اخوانك ...

 

*ابو صالح* غير متواجد حالياً   رد مع اقتباس
a
قديم 02-25-2015, 11:33 PM   #3
عضو مشارك












 

 

آخـر مواضيعي

افتراضي رد: تجربتي بالتفصيل بين ايديكم ..!

مدري ليه تذكرت وقت عمليتي وكل التفاصيل
وكاني توني مسويتها حتى بغيت ابكي تخيلت
منظر اهلي
الله يبلغك مرادك يارب ويفرح قلبك
بكل شيء تتمنينه
والحمدلله سمعتي كï»»م الدكتور ï»»نه ادرى بحالتك.

 

كربوجهه غير متواجد حالياً   رد مع اقتباس
a
قديم 02-26-2015, 12:42 AM   #4
المشرف العام
 
الصورة الرمزية سكري الرياض











آخـر مواضيعي

افتراضي رد: تجربتي بالتفصيل بين ايديكم ..!

سبحان الله ... كيف الله يختار للشخص اللي فيه خير له رغم قراره واقتناعه .
وعسى ان تكرهوا شيئا وهو خير لكم ...

الف الف مبرووووووووك اختي ... الله يتمم لك بخير وصحه وسلامه وعافيه يارب .. وان شاء الله تبشرينا بوصولك للمثالي وحملك يارب ...

والف شكر على عرض التجربه والتفاصيل المهمه ... وهذا عرفان وجميل منك لاعضاء المنتدى ...
لا عدمناك ...

 

__________________
حيااااكم :







اوسمتي

سكري الرياض غير متواجد حالياً   رد مع اقتباس
a
قديم 02-26-2015, 10:28 AM   #5
عضو جديد












 

 

آخـر مواضيعي

افتراضي رد: تجربتي بالتفصيل بين ايديكم ..!

اخوي ابو صالح
اسعدني تواجدك بصفحتي
الف شكر لك

 

متفائله بالله غير متواجد حالياً   رد مع اقتباس
a
قديم 02-26-2015, 10:29 AM   #6
عضو جديد












 

 

آخـر مواضيعي

افتراضي رد: تجربتي بالتفصيل بين ايديكم ..!

حبيبتي كربوجهه

الله يبلغنا جميعاً مانتمنى
وشكراً على لطفك و ردك

 

متفائله بالله غير متواجد حالياً   رد مع اقتباس
a
قديم 02-26-2015, 10:33 AM   #7
عضو جديد












 

 

آخـر مواضيعي

افتراضي رد: تجربتي بالتفصيل بين ايديكم ..!

اخوي سكري الرياض

الحمدلله على مااختاره لي ربي
والله يبارك فيك ويرزقنا جميعاً مانتمنى
اسعدني تواجدك بصفحتي
وهالمنتدى اعطاني الكثير من الحماس والتفاؤل وعدم الخوف
فـ ابسط شي اقدمه هو عرض تجربتي بالتفاصيل
عسى ان تفيد كل شخص يتمنى العمليه او يفكر فيها

 

متفائله بالله غير متواجد حالياً   رد مع اقتباس
a
قديم 02-26-2015, 08:58 PM   #8
عضو فضي
 
الصورة الرمزية ماما البنات












 

 

آخـر مواضيعي

افتراضي رد: تجربتي بالتفصيل بين ايديكم ..!

الخيرة فيما اختاره الله
وكيف حال الغدة ؟

 

ماما البنات غير متواجد حالياً   رد مع اقتباس
a
قديم 02-27-2015, 07:46 AM   #9
عضو جديد












 

 

آخـر مواضيعي

افتراضي رد: تجربتي بالتفصيل بين ايديكم ..!

الغده قال استمري الحبوب وبإذن الله راح تنقصي الجرعه كل شهر

 

متفائله بالله غير متواجد حالياً   رد مع اقتباس
a
قديم 03-04-2015, 08:56 PM   #10
اطمح لرشاقه
 
الصورة الرمزية حياة












 

 

آخـر مواضيعي

افتراضي رد: تجربتي بالتفصيل بين ايديكم ..!

الحممممدالله ع سلامتك وربط ي اختي كلما التزززمتي جاب نتيجه وذا اهملتي واكلتي فشلت العمليه

 

ROLEX likes this.
__________________
يــــــآآآآرب لاتحرمني من خير ماعندك بشــــر ماعندي
حياة غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تجربتي مع التكميم - محمد خريس - 30 يوم بيونسيه قصص وتجارب المتكممين 12 10-10-2015 04:51 PM
قصتي مع التكميم انا واخي بالتفصيل عند الدكتور محمد خريس (جنون الليل) قصص وتجارب المتكممين 24 02-07-2015 04:27 AM
تجربتي مع د محمد خريس والسفر للآردن بالتفصيل الممل dahome88 قصص وتجارب المتكممين 17 02-05-2015 10:36 AM


الساعة الآن 07:13 AM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52