اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 650
عيادة د. عدنان صباحي
عدد الضغطات : 4,624
عيادة الدكتور سالم الصواط
عدد الضغطات : 4,469
رشاقة للخدمات العلاجية
عدد الضغطات : 4,355

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,105عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,545هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,120توتر
عدد الضغطات : 2,252
عدد الضغطات : 0

تكممت في مستشفى العمادي( د.محمد العمادي)

قصص وتجارب المتكممين

Like Tree12Likes
إضافة رد

 
LinkBack أدوات الموضوع انواع عرض الموضوع
قديم 02-08-2015, 12:34 PM   #1
عضو فعال
 
الصورة الرمزية مهاوو












 

 

آخـر مواضيعي

افتراضي تكممت في مستشفى العمادي( د.محمد العمادي)



السلام عليكم ورحمة الله وبركاته

تلبيه لطلب اخوي الغالي ابو صالح ورغبة مني لافادة من يبحث عن معلومات بخصوص

عملية التكميم في مستشفى العمادي بقطر

العملية تكلف تقريبا خمسين الف ريال قطري لكن بما اني قطرية فالتأمين ولله الحمد

شملني وسويت العملية على حساب التأمين

بعد الاستخارة توكلت على الله واخذت موعد عند الدكتور محمد العمادي طبعا التأمين يغطي فقط

من كان كتلة جسمة 40 وفوق الا وحطووو اربع خطوط تحت الا من كان عنده مشاكل صحيه تلزم

باجراء العملية يستثنى المهم اخذت الرقم لعيادة الدكتور الساعة ثنتين الظهر لان السستم

مايفتح الا بعد مايخلص الدكتور من العمليات اللي هي تكون في الفترة الصباحية وكان قدامي

تقريبا خمسين مراجع انصعقت متى جووو هالخمسين والدكتور يبدا العيادة الساعة خمس

المغرب طلعت ورجعت المغرب طبعا ماخفيكم كانت العيادة مليانه ناس ومن الاوزان الثقيله كنت

عندهم رشيقة كثيررر وقلت اكيد انه بيطردني مع الباب لان كتلت جسمي كانت 37 والناس اللي

اشوفهم هم اولى مني بهالعملية كنت بطلع وبكنسل الموضوع بس قلت اقعدي وقابلي الدكتور

وشوفي وش بيقول تعبت من الانتظار اصلا اكره الانتظار واخيراااا جاء دوي ودخلت حوالي الساعة

عشر ونص والدكتور اصلا تعبان حده من المراجعين وكثرة ترديد نفس الكلام لكل مريض وشرح

موضوع العملية ولااني كنت متطلعة على خطوات العملية من خلال هذا المنتدى الرائع واللي

اعتبرة منتداي ماسالته عن اي شي عن العملية هو بنفسه يخطط ويشخبط على ورقتي ويكتب

اللي اقول له عليه طبعا انا انهديت عليه كاني اتوسله يسويها لي استغفر الله يارب مايعاقبني

قمت اخربط واجيب له صواريخ لعل وعسى يوافق يسويها لي قلت له ركبي توجعني وانا مليت

من الرجيم وظهري يعورني مكان ابر الظهر ظرايب الحمل وفيي سكر حمل واشاخر وانا نايمة

ترضى يطلقني زوجي ترضى ؟ تكفى سوها لي وضحك قال كتلتك مايشملها التأمين بس بذكر

كل اللي قلتي لي عليه ويمكن يستثنونك لانه فيه استثناءات قلت له رووووووح الله يوفقك انت

بس خط لي التوقيع وربك يسهلها عطاني اوراق الفحوصات وقال سويها اول عقب بنشوف وش

نسوي عطاني تحليل دم وشعة ومقابله مع دكتورة البنج والتغذية وسويتها كلها في اسبوع

ورجعت اقابله ورجعنا للزحمة مره ثانية والانتظار وبعد المقابله قال خلاص اللحين بنرفقها مع

التقرير وانتظري واذا وصلك مسج من التأمين بالموافقة حيااك نكمل الاجراءات انتظرت تقريبا عشر

ايام وجاتني الموافقة ولله الحمد والمنة وطرت من الوناسة وسجدت شكر لله على نعمتة رحت

المستشفى ورريت الاستقبال المسج وقامو باجراء اللازم وتواصلت مع السستر وفتحت لي دفتر

بداية الرشاقة وقالت يالله اول يوم برمضان بيكون عمليتك قلت لها كلا ولن ولا اي خلاص ضمنت

الموافقة وقمت اتشرط قلت لها ابيها بعد العيد خليني اتمتع واستمتع بخيرات رمضان وحلويات

العيد قالت لي ابشري وتم خخخخخخخ طبعا هالكلاام من راسي ولا شي منه صار لان السستر

فلبينيه الصحيح انها قالت ااذا ماتبين بداية رمضان بكيفك اختاري اليوم اللي تبين واخترت تاريخ

يصادف بعد العيد والناس مسافره ولاهيه عني ومرت الايام وليلة العملية رحت حضرت عرس

وفليتها وجات الساعة عشر المفروض اصوم خلاص بس لا ابيت وزودتها نص ساعه من عندي

وهاك ياااكل رجعت البيت وجهزت شنطتي هذا واللي معاي في البيت محد حس بشي ولا احد

يدري عن عمليتي من باب ودارو اموركم بالسر والكتمان محد كان يعرف بتاريخ العملية ووقتها الا

امي وزوجي فقط الناس والاهل يسمعوني ويدرون اني ابي اسويها بس متى الوقت كان مجهول

بالنسبة لهم جاء يوم العملية ورحت لهم من الصبح بدري ودخلوني غرفتي اللي بقيم فيها

وعطوني اللبس وركبو لي الابرة وقاسو لي السكر وانصعقت انا صح قلت لهم فيني سكر حمل

بس ماكنت ادري انه استمر معاي لااني بعد الولاادة بشهر فحصت وقالو لي خلاص النسبة

طبيعيه بس انتي قابله للسكر مع زيادة الوزن وفعلا كان وزني زايد بس نسيت موضوع السكر

كلش المهم نسبة السكر فوق ال 300 قالو يمكن من الخوف وكذا وعطوني ابره انسولين وانتظرت

لين الساعة تسع وعطوني دواء بالفم ونزلوني يزفوني للدكتور محمد وانا اوصي امي وامي تقول

يارب يكفيني شرك يالله روحي ولاتتاخرين علي خخخخخ هو بكيفي يالغاليه ؟ قعدت تقريبا

حوالي الساعة على السرير في غرفة انتظار ومعي اثانين مرضى من غيري وكانت الغرفة

هدووووووووووووء الا من اصوات الذكر والاستغفار اللي اسمعها من ورى الستارة من المرضى

اللي ينتظرون ادوارهم مثلي المكان كلة ستاير ومافيه اي وسيله لمعرفه الوقت والانتظار ذبحني

الحمدالله ماكان فيه خوف كنت عادية جدااا وكل شوي داخلين علي دكاترة بنج ودكاترة تعقيم

ومادري من الا الدكتور محمد ماشفتة الا وهو بالممر ويدخل غرفة العمليات للمريض اللي قبلي

جاء دوري وزفوني لغرفة العمليات وشالوني من سرير لسرير وقوامو يهندسون فيني اللي يقرى

اسمي ويسالني واللي يمسح على شعري واللي يمسك يدي ويثبت عليها قياس الضغط

واللي ماسك اليد الثانية ويركب لي محلول البنج وباقي الادويل واللي يحط تخطيط القلب واللي

يحط علي اللبس الاخضر دوووشة وكلت يشتغل وانا ماغير اتلفت تقولون رقبتي صايرة مروحه

فجاءة فقدت الاحساس بالعالم اللي حولي وماوعيت الا وانا اصرخ وقاعده على حيلي وثنتين

ماسكيني يبوني انسدح وانا ماغير اصرخ وتوجد هههههه كان الم اول مره بحياتي احس فيه شي

متعب وقوي يبي يخرج بس مادري وين والا وشهو شي اتعب وانا اوصفة ولا اوفيه حقة طبعا لاني

بحياتي ماسويت عمليات ولله الحمد كانته هالعملية اول تجربة لي صرخت عليهم قلت ابي

الحمام ابي ارجع جابو لي شي عشان ارجع فيه بس ماطلع معاي الا هواء لاني صايمة وبطني

فاضية والحمدالله بعدها ارتحت اثر هالحوسة كلها من الهواء اللي انفخو بطني فيه نص ساعه

وطلعوني لغرفتي ولامي الغاليه فديتها بعد ماراتحت ونمت قاسو لي السكر وبعد كان مرتفع

وارجعو عطوني الانسولين مرتين وكانو يعطوني الماي بالمغطاه ويقولون لي اشربي رشفات

وامشي ماكنت احس بالم كثير في بطني الا اذا انسدحت على جنبي الايسر بس كنت اكابر

وانام عليه لان الدكتور قال لي عادي اذا مافيه الم ثاني يوم سووو لي اشعة الصبغة للكشف عن

التسريب والحمدالله مافيه تسريب قعدت في المستشفى يومين والمستشفى نظيف والعناية

فائقة والنيرسات متعاونين ومن تدق الجرس جاو يركضون عطوني موعد بعد اسبوعين ورحت لهم

بس ماقدرت اقايل الدكتور محمد لكثرة المراجعين والمرضى قابلت الدكتور حسان وعطاني

مكملات وادوية عقب سحبت على المراجعات لان هالمنتدى الطيب كفاني من المراجعات

والاسئلة الله يجزي كل من قام عليه بخير ويكتب اجرهم وبس سلامتكم ادري اني بثرتكم بكثر

القرقة بس حبيت اذكر لكم تجربتي بالتفصيل الممممممممللل

 

__________________
سبحان الله وبحمده سبحان الله العظيم
اللهم صل على محمد وعلى ال محمد
استغفر الله العظيم من كل ذنب عظيم واتوب اليه

اوسمتي

مهاوو غير متواجد حالياً   رد مع اقتباس
a
قديم 02-08-2015, 12:37 PM   #2
كبيـــر المتكمـمين
 
الصورة الرمزية *ابو صالح*












 

 

آخـر مواضيعي

افتراضي رد: تكممت في مستشفى العمادي

الف شكر اختي العزيزة / مهاوو
على نقل وكتابة تجربتك لفائدة اخوانك ...
واسال الله لك الاجر و المثوبة

 

prince hind likes this.
*ابو صالح* غير متواجد حالياً   رد مع اقتباس
a
قديم 02-08-2015, 12:53 PM   #3
مشرفة رابطة تكميم المعده ( السليف )
 
الصورة الرمزية prince hind












 

 

آخـر مواضيعي

افتراضي رد: تكممت في مستشفى العمادي

مهاااووو


يا حبي لاسلوبك ههههههههههههههههههههههههههه


الله يتمم عليك يارب ... و توصلين للي تبينه و انتي بصحه و عافية


من جد المنتدى له فضل علينا كبيييير بعد الله

الله يجزاهم خير يارب


و ان شاء الله يستفيدون من تجربتك
Cant See ImagesCant See ImagesCant See Images

 

__________________
Don't wait for the Perfect Moment, Take the Moment and make it Perfect

اوسمتي

prince hind غير متواجد حالياً   رد مع اقتباس
a
قديم 02-08-2015, 01:41 PM   #4
المشــــرف العــــام
 
الصورة الرمزية Dr.KeeF












 

 

آخـر مواضيعي

افتراضي رد: تكممت في مستشفى العمادي

الله يتمم عليك بالخير وتوصلين للمثالي قريب

 

ROLEX likes this.
__________________



من يَحمل همَّ الرسالة ... يُبدع في الفكرة والوسيلة
Dr.KeeF غير متواجد حالياً   رد مع اقتباس
a
قديم 02-08-2015, 02:59 PM   #5
مراقبة عامة
 
الصورة الرمزية شوق النجوم











آخـر مواضيعي

افتراضي رد: تكممت في مستشفى العمادي

ماشاء الله مهاوو

الف مبروك

والف شكر لك على نقل تجربتك

 

ROLEX likes this.
__________________



اوسمتي

شوق النجوم غير متواجد حالياً   رد مع اقتباس
a
قديم 02-08-2015, 04:46 PM   #6
V.I.P
 
الصورة الرمزية راشــــد












 

 

آخـر مواضيعي

افتراضي رد: تكممت في مستشفى العمادي

ماشاء الله عليك اخت مهاوو احسبك متكمم من زمان

مبروك التكميم والله يسهل لك النزول بالصحه والعافية وعقبال المثالي

وبالتوفيق

 

ROLEX likes this.
__________________
****
مركز تحميل رشاقة للصور
ربي إني لما انزلت إلي من خير فقير


اوسمتي

راشــــد غير متواجد حالياً   رد مع اقتباس
a
قديم 02-16-2015, 11:48 AM   #7
عضو جديد












 

 

آخـر مواضيعي

افتراضي رد: تكممت في مستشفى العمادي

مشكوره على نقل تجربتك في التكميم مع الدكتور محمد العمادي وانا ان شاء الله بديت اسوي اجراءات التكميم عنده وان شاء الله يكتب اللي فيه الخير

 

السعدي2006 غير متواجد حالياً   رد مع اقتباس
a
قديم 07-21-2015, 02:48 AM   #8
عضو جديد












 

 

آخـر مواضيعي

افتراضي رد: تكممت في مستشفى العمادي

الله يستر انا عمليتي قربت عنده الله يتمم على خير

 

لولو2020 غير متواجد حالياً   رد مع اقتباس
a
قديم 07-21-2015, 07:04 PM   #9
عضو مشارك












 

 

آخـر مواضيعي

افتراضي رد: تكممت في مستشفى العمادي

الحمد لله على سلامتك
والله يتمم لك بالصحه والعافيه يارب..

 

فوفو2015 غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ادعوا لي عمليتي يوم السبت صباحا في مستشفى العمادي . السعدي2006 قسم تكميم المعده ( السليف ) 8 03-04-2015 10:31 AM
تجارب المتكممين عند مستشفى العمادي ؟ السعدي2006 قسم تكميم المعده ( السليف ) 3 02-08-2015 03:11 PM
اللي مسويه التكميم عن د.محمد العمادي ؟؟يفيدني غلا قطر قسم العمليات الجراحية المختلفه للسمنه 12 07-12-2013 04:55 PM
مستشفى العمادي في الدوحة Leana قسم تدكيك المعدة 8 09-15-2011 11:12 PM
د. محمد العمادي .. حديث حول التحوير والربط Tobaaz استراحة الأعضاء 4 12-20-2010 02:28 AM


الساعة الآن 05:52 AM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52