اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 662
عيادة د. عدنان صباحي
عدد الضغطات : 5,760
عيادة الدكتور سالم الصواط
عدد الضغطات : 5,578
رشاقة للخدمات العلاجية
عدد الضغطات : 5,768

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,261عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,695هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,294توتر
عدد الضغطات : 3,450
عدد الضغطات : 0

قصة عمليتي من طقطق لسلام عليكم (د عبدالسلام الطائي)

قصص وتجارب المتكممين

إضافة رد

 
LinkBack أدوات الموضوع انواع عرض الموضوع
قديم 06-13-2010, 10:21 PM   #1
عضو مشارك












 

 

آخـر مواضيعي

24 قصة عمليتي من طقطق لسلام عليكم (د عبدالسلام الطائي)



بسم الله الرحمن الرحيم

إليكم قصة عمليتي من طقطق لسلام عليكم

في البداية اشكركم جميعا لسؤالكم واهتمامكم.

يوم العملية كان الخميس 10 / 6 / 2010 يعني من 3 ايام ، كان موعدي الصبح الساعه 11 المفروض اكون موجودة واتصلت بالدكتور عبد السلام الطائي عشان اعرف موعد العملية بالضبط فقال دام طلبوا منك الحضور الساعه 11 فالعملية بتكون على الكثير 12 ونص ان شاء الله ، قلت زين الحمدلله لان الانتظار وايد صعب .
قمت الصبح واخذت دش دااافي واتجهزت ، لقيت امي لابسه وجاهزة واختي تطبع الاسايمنت مالها لازم تسلمه نفس اليوم قبل تخرجها ، عاد انا استانست لان بيني وبينكم مابي حد يروح معاي احس انهم بيزيدون توتري فقلت لامي تعالي انتي واختي مع السايق وانا بروح بروحي بخلص الفحوصوات والاجراءات والدفع الين توصلون قالت تم .
وما اخبي عليكم كنت خايفه ومتوترة شوية وطول الطريق ادعي والمسجات تهل علي من زميلاتي في العمل يدعون لي ويتمنون لي السلامة فديتهم ، الى ان قريت مسج من احدى الزميلات وانفجرت من البكاء لفرحي الشديد بحبهم لي واهتمامهم فيني ( الله لا يحرمني منهم ولا منكم ) Cant See ImagesCant See Images
وصلت المستشفى وسلمت السيارة لهم ورحت الدور الثاني ، دخلت مكتب المحاسبة طلبوا مني دفع 5000 درهم تحت الحساب ووقعت على ورقة واختاروا لي غرفة وطلعت مع الموظف ووصلني لغرفتي وكل هذا ما استغرق اكثر من 10 دقايق ،، تساهييل ولله الحمد.
دخلت الغرفة وجاتني الممرضة رحبت فيني بابتسامة عريضة وعطتني لبس العمليات وجابت لي 3 اوراق اوقع عليها طبعا قريتها بشكل سريع ووقعت ، وطلعت وخلتني ، قلبي ساعتها قام يرقع بسسسرعة ، اتصلت باختي الاكبر مني وهي اختي واعز صديقاتي بنفس الوقت فديت روحها والله ، لما اتصلت سمعت صوت عداد السيارة وكانت مسرعه فقلت لها لاااا تسرعييييين بدري على العملية ، فقالت خلاص بمر البيت احضر شنطتي واجيكي ( على اساس هي بتبات عندي بالمستشفى ) طبعا امي وخواتي يتهاوشون كل وحدة تبي هي تبات معاي بس انا اخترت اختي الكبيرة Cant See Images
وبعد شوي زاد خوفي وانا بروحي اتصلت عليها مرة ثانية وهي من الخرعه هدت شنطتها وجاتني بدون ما تخلص تحضير .
وصلوا امي وخواتي والانتظار طوييييل ، مرت الساعه وقاسوا ضغطي وحرارتي ، والساعه 2 راحت اختي تسأل متى موعد العملية ؟ قالوا لها الدكتور اليوم عنده 5 حالات واختك الحالة رقم 4 . وهو الحين في الحالة 3 يعني هاااانت
الساعه 3 الا ربع جا الممرض ومعاه الكرسي ، جلست ووداني غرفة الانعاش شفتهم يطلعون اللي قبلي واللي بالانعاش وحده توها مخلصة بس مدري شو مشكلتها شكلها تعبانة ربي يشفيها ويعافيها .جاني واحد ممرض شاب اردني قال لي شو اسمك ؟ وكان مكشر Cant See Images بس ما همني ، بعدها جاني الدكتور عبد السلام ومعاه فنجان قهوة ( مدري اشلون له نفس يشرب بعد اللي يسويه Cant See Images قام يسولف معاي ويمزح ويربت على كتفي ، وانا اقول استغفر الله اليوم ما تم رجال ما مسكني . دقيقتين ودخلوني غرفة العمليات ، سرير مريح صغير وفوقه جهاز الاضاءة جاني واحد شامي يبي يبطل لي ربطة اللبس من ورا قمت مسكت ايده وانا معصبة ورمقته بنظرة غضب قلت له انا ببطل لو سمحت ما اشوف الا 3 رجال هجموا علي اللي يبطل واللي يساعدني انام على السرير ، وانا اتشهد واستغفر ثواني بس وحطوا لي المخدر في ابرة المغذي اللي بيدي حسيت شي يمشي بجسمي الى ان وصل لراسي وغطيت في النوم .
استغرقت العملية ساعتين الا ربع من اول ما دخلت غرفة الانعاش الين ردوني غرفتي عند اهلي .
اول شي سمعته وحده تقول لي نفس هبيبتي نفس وتقوله بصوت عاااالي ، وانا احااااول اتنفس بس بصعوبة واقول لهم ارفعوا راسي ابي اتنفس وودوني الغرفة وحطوني على سريري والمخدر يلعب فيني افتح عيوني شوي واغمضها شوي اول وحده سمعت صوتها بعد ما طلعوني من العمليات كانت اختي الصغيرة الخريجة والعبرة خانقتها فديتها تقول لي حمد لله على السلامة انتي بخير انتي بخير .
شوي الا وتوصل اعز صديقاتي وجلسوا يسولفون ويزعجوني ، دخلت الممرضة وقالت لهم خلوها تنام عشان ما ترجع من البنج ، لكن لا حياة لمن تنادي كنت اصحى من النوم واقول لهم اششششش وارد انام ، كان ودي اقوم اذبحهم ، لان كل خوفي من الترجيع .
وفي الليل قمت مشيت شوي بالغرفة ورحت بيت الراحه طبعا بمساعدة اختي الله يحفظها ، وبعدها جاني اخوي وحرمته وولدهم وباقات الورد والكاكاو مالي الغرفة واشم ريحة فواكه ، قلت لهم اشم ريحة فراولة ، قالت لي امي لا تتوهمين ، اثاري ربيعتي المجرمة جايبة باقة فواكه ، ما ادري اذا اعرف انزل لكم الصور ولا لا بحاول ان شاء الله ،
بعدها وصلت خالتي من الشارقة ، وانتهى اليوم الاول ولله الحمدل ، طبعا ما قدرت انام صابني ارق مو طبيعي وكنت لما اغفل شوي اقوم والقي اني مطلعه من فمي ( سوري بقرفكم ) زبد مثل الميت ، واختي كل شوي تطل علي وتشوف الزبد يطلع من فمي تصحيني وهي خايفة تتحسب اني ميته Cant See Images
نسيت اقول لكم ان اول جملة نطقتها كانت لاختي الكبيرة اللي كانت معترضة وبشدة على هالعملية ، قلت لها اول ما فتحت عيني انا ما مت حية للحين شفتي؟ واسمعهم يضحكون ، اما اختي اللي اصغر مني واكبر من الخريجة راحت شرت ملابس وعلقت فستان قصير تحت التلفزيون في غرفة المستشفى عشان اول ما اصحى من البنج اشوفه ، وانا ولله الحمد اول ما شفته قلت شو هذا ؟ قاموا يضحكون ، وقلت مالت على هالذوووق هاتي شي كاشخ المرة الجايه Cant See Images
اليوم الثاني الصبح جاني اخوي الكبير من دبي الله يحفظه وكان خايف علي وااايد وما يدري بسالفة العملية ابد .
اليوم الثالث جوني ربيعاتي من الدوام وطلعت يوم السبت الساعه 5 ونص العصر.
اول ما وصلت غرفتي لقيت تغييرات مو طبيعية صارت غرفتي مو غرفتي والهدايا بالغرفة دلع دلع ، وللحين الدلع جاري والهدايا ما زالت ترف علي . واهم من الهدايا دعواااتكم وسؤالكم عني . جزاكم الله الف خير Cant See Images


 

حوته بيضاء غير متواجد حالياً   رد مع اقتباس
a
قديم 06-13-2010, 10:23 PM   #2
عضو مشارك
 
الصورة الرمزية وليد












 

 

آخـر مواضيعي

افتراضي رد: قصة عمليتي من طقطق لسلام عليكم

الحمد لله على السلامه والعافيه

 

__________________
وليد غير متواجد حالياً   رد مع اقتباس
a
قديم 06-13-2010, 10:35 PM   #3
عضو برونزي
 
الصورة الرمزية نسكافيه












 

 

آخـر مواضيعي

افتراضي رد: قصة عمليتي من طقطق لسلام عليكم

فدييييييتح حووووووووته.. حمدلله عالسلامه

اجر وعافيه ...

وان شاء الله يمر هالشهر بسرعه وبدون الم.. وتفرحين بنزول الوزن...

 

__________________
نسكافيه غير متواجد حالياً   رد مع اقتباس
a
قديم 06-13-2010, 10:38 PM   #4
عضو برونزي
 
الصورة الرمزية لين












 

 

آخـر مواضيعي

افتراضي رد: قصة عمليتي من طقطق لسلام عليكم

الله لا يعيد يوم العملية اعوذ بالله , يا رب لك الحمدعلى السلامة

والحمد لله على سلامتك


 

__________________
سبحان الله وبحمده , سبحان الله العظيم
لين غير متواجد حالياً   رد مع اقتباس
a
قديم 06-13-2010, 10:39 PM   #5
عضو مشارك












 

 

آخـر مواضيعي

افتراضي رد: قصة عمليتي من طقطق لسلام عليكم

الله يسلمك ويعافيك وليد
،
،
نسكافيه الله يسلمك حبيبتي

 

حوته بيضاء غير متواجد حالياً   رد مع اقتباس
a
قديم 06-13-2010, 10:43 PM   #6
سكووون,,
 
الصورة الرمزية skonwsamt











آخـر مواضيعي

افتراضي رد: قصة عمليتي من طقطق لسلام عليكم

حمد لله على السلامة
وتوصلي للوزن المثالي يا رب

 

__________________

الحمدلله دائما وابدا



اوسمتي

skonwsamt غير متواجد حالياً   رد مع اقتباس
a
قديم 06-13-2010, 10:45 PM   #7
عضو جديد












 

 

آخـر مواضيعي
 
0 هل السليف هو نفس عملية تدبيس المعدة؟

افتراضي رد: قصة عمليتي من طقطق لسلام عليكم

ياهلا اختي حوووته نورتي المنتدى
والحمدلله على سلامتج
والله اني من اصبح وكل شوي احدث في الصفحه
اشوفج دخلتي وكتبتي موضوعج ولا لا
الحمدلله طاف الصعب ومب باقي الا السهل وان شاء الله توصلين للوزن اللى ببالج ان شاء الله
واشكرج على سردج للاحداث اللى صارت وياج لان هذا مرجع لى ان شاء الله متى
ما الله يكتب لى اسويها


اقتباس:
المشاركة الأصلية كتبت بواسطة حوته بيضاء Cant See Links
جاني واحد شامي يبي يبطل لي ربطة اللبس من ورا قمت مسكت ايده وانا معصبة ورمقته بنظرة غضب قلت له انا ببطل لو سمحت ما اشوف الا 3 رجال هجموا علي اللي يبطل واللي يساعدني انام على السرير
ياربي هذا اللى مااحبهCant See Images
طول عمارنا متسترات واخر شي يفصخوناCant See Images
ليش مايخلون حريم اللى تمسك هالشغله وتحضرنا وتسترنا

اقتباس:
المشاركة الأصلية كتبت بواسطة حوته بيضاء Cant See Links
اول شي سمعته وحده تقول لي نفس هبيبتي نفس وتقوله بصوت عاااالي
هذا اهم شي هههه وهو اللى كان شاغل بالنا قبل العمليه
ان مانموت من البنج
Cant See Images


ان شاء الله تبشرينا عن اخبارج اول باول
ونتريا الصور لاتنسينها Cant See Images

 

Mazoon غير متواجد حالياً   رد مع اقتباس
a
قديم 06-13-2010, 10:46 PM   #8
عضو ذهبي
 
الصورة الرمزية مسلم سعودى












 

 

آخـر مواضيعي

افتراضي رد: قصة عمليتي من طقطق لسلام عليكم

هلا ربيعتي الحمدلله على سلامتك عليك بالمشي وشرب السوائل وعدم شيل اي شي خلال الفتره الجايه وفالك العافيه والرشاقه

 

مسلم سعودى غير متواجد حالياً   رد مع اقتباس
a
قديم 06-13-2010, 10:46 PM   #9
عضو فعال
 
الصورة الرمزية جلكسي والدنيا عكسي












 

 

آخـر مواضيعي

افتراضي رد: قصة عمليتي من طقطق لسلام عليكم

الحمــــــــــــــــــــــــــــــــــــد لله عسلامه يالغاليه .....الحمدلله طمنتينا عليج .....وعقبالي هــــــع

وفاالج واالجمــــــــــــع الرشاقه يتوجهاا الصحه والعافيه يارب.

 

جلكسي والدنيا عكسي غير متواجد حالياً   رد مع اقتباس
a
قديم 06-13-2010, 11:15 PM   #10
عضو جديد
 
الصورة الرمزية اميرة الاندلس












 

 

آخـر مواضيعي
 

افتراضي رد: قصة عمليتي من طقطق لسلام عليكم

حمد لله على سلامتك حووته- لا تنسينا من تفاصيل حياتك اليومية - من اعراض وانواع السوايل اللي بتشربيها - والفيتامين والذى منه<<< طماعة صح؟؟؟ قدامك العافية ان شاء الله وعقبال الجينز وتحطين رجل على رجل هههههههههههههههه امنية حياتي احط رجل على رجل Cant See Images

 

اميرة الاندلس غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الدكتور عبدالسلام الطائي swiir قسم تكميم المعده ( السليف ) 8 01-12-2016 10:55 PM
الحمد لله. سويت عملية التكميم (د. عبدالسلام الطائي) alwa7shy قسم تكميم المعده ( السليف ) 21 08-09-2015 12:23 PM
أخيرا تكممت بفضل من اللة.باركولي (د. عبدالسلام الطائي) عمانية قسم تكميم المعده ( السليف ) 20 07-23-2014 05:55 PM
قـصـة حيـاتي و ولادتــي مــن جديد مع عملية " تكميم المعدة " بالـصور(د. عبدالسلام الطائي) C H A R I S M A قصص وتجارب المتكممين 46 01-05-2014 11:15 AM


الساعة الآن 03:56 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52