18 اغسطس بداية حياه جديده بالنسبه لي قبل ايام من يوم ميلادي

[Swan to be]

18 اغسطس بداية حياه جديده بالنسبه لي قبل ايام من يوم ميلادي

قصتي مع السمنه

كأي طفله وحيده امها وابوها تكون دلوعة العايله والطلبات مجابه وحاظر طفولتي كان وزني مثالي لي وصلت مرحلة المراهقه بدى وزني يزيد يوم عن يوم وكان شئ طبيعي للمرحله الثانويه والوزن يزيد بس بشكل قليل وصلت للجامعه وبعدها اشتغلت دوام مكتبي وبحكم الدوام طويل كان متنفسي الأكل وكنت بالاسبوع لازم مره او مرتين اطلب فاست فود Cant See Images

وصل وزني 95 وقلت ماباقي شئ واوصل لمرحله ال3 أرقام وقررت اعمل رجيم مع اخصائي تغذيه وكان رجيم قاسي جدا ووصل وزني لل68

لكن قلة الإراده وتعبت من الرجيم القاسي رجعت الوزن اللي نزلته وفوقه 4 كيلو

قرار العمليه

بيوم من الأيام كنت جالسه مع الأهل نصحني احد من الأهل بالعمليه وليش ماسويها واغير من حياتي
ابتدت عندي الأفكار وبحثت فالنت عن عملية التكميم ايجابياتها سلبياتها شنو النظام اللي راح اتبعه بعد العمليه
ووصلت لهالمنتدى الحمدلله وقريت تجارب الاعضاء وشنو شعورهم والوزن اللي خسروه وجفت صور قبل وبعد
تشجعت على العمليه بس بعد ماكنت مقتنعه تماما عليها
دخلت عاليوتيوب وجفت فيديو العمليه ومنها قررت اغير حياتي للأبد
استخرت ربي والحمدلله ارتحت من قرار العمليه
كنت خايفه من ردة فعل الأهل ورفضهم لكن الحمدلله اول من شجعوني امي وابوي

موعد فحوصات ماقبل العمليه

وصلنا للأردن قبل يومين من موعد فحوصات العمليه للراحه يوم الموعد طلعنا من الصبح للعياده وكان فيه مجموعه كبيره من الأشخاص الاغلبيه كانوا خليجيين الحمدلله ماتأخرنا وايد

اللقاء بأخصائية التغذيه وبعدها عمل فحوصات الدم وثم الجلوس مع الدكتوره المساعده للدكتور محمد خريس وطمنتنا انه كل شئ بخير واقدر اسوي العمليه

وحددوا انه باجر العمليه وخبرتني الصيام عن الأكل من الساعه 8 واقدر اشرب ماي للساعه 12 بالليل

يوم العمليه

صحيت الساعه 5 الفجر صليت صلاة الفجر وطار النوم من عيني التفكير كله بالعمليه كنت اقول هل غلطت بقراري

طلعنا عالساعه 6 من الفندق واتجهنا للمستشفى الشميساني التخصصي وماشاء الله عالم بالمستشفى

لبسوني لبس العمليه وقالوا لي انتظري وابتدى الخوف يزيد عندي شوي شوي

كنت اصغر وحده من اللي يسوون العمليه بهاليوم ولأني الحمدلله ما اعاني من أي امراض ضغط او سكر او كوليسترول كنت آخر وحده يسوون لها عمليهCant See Images

وقت الإنتظار صعب استغليته بقراءة القرآن

وجا وقت الجد جتني الممرضه وخبرتني يالله عمليه انا فكرت اني خلاص مباشره لغرفه العملياتCant See Images
وطلع ان مشواري طويل بعده

اخذتني لغرفة الانتظار ماقبل العملية وحطت لي ابرة المغذي وحطت لي مهدأ وقالت لي حاولي تنامي

وين انام والتفكير كله بالعمليه وكنت مو مرتاحه من السرير فماقدرت انام شوي وجابو وحده معاي عسوله فلسطينيه كانت عمليتها غير عني وجلسنا نسولف وسألتني عن عمليتي وخبرتها تكميم وزادت الطين بله Cant See Images تقول ليش حرام وتوج صغيره عالعمليه وجلسنا نسولف لين نادوها للعمليه وظليت وحيده

بدى وقت الجد وقالوا يالله عمليه وانا شوي وراح اصيح طبعا من دخلوني غرفة الانتظار ماجفت امي ولا ابوي

خلوني بمكان ثاني وكل فترة يجيني دكتور يحاول يهدأني بعدها جفت الدكتور محمد خريس وجاف اني احاتي ومتوتره تكلم معاي وخبرني ان الامور راح تكون بخير بعدها جتني ممرضه وحطت لي شئ بأبرة المغذي وقالت لي ماراح اطول وبدخلوني للعمليات

بعدها حاني دكتور وقالي يالله عملية دخلوني على غرفة باااارده من الخوف ماكنت اجوف شئ وقالو لي انتقلي من السرير اللي كنت فيه لسرير العمليه

آخر شئ كنت اتذكره انه حسيت بألم في ايدي الظاهر انه عطوني البنج بإبرة المغذي

صحيت على الم وآه من هالالم كان فبطني من فوق وماكنت قادره اتنفس ودوني غرفة الافاقه والالم عندي مستمر خبرت الممرضه اني متألمه جدا وعطتني مسكن

ارتحت وقتها والظاهر وكانوا معاي مجموعه من المرضى بعد مافاقوا من العمليه واسمع انواع الصريخ من الألم وكان فيه بعضهم يستفرغون كنت مرتاحه

وقتها ازعجني الاكسجين وشلته عني شوي والا اجوف ست الحبايب امي جت تتطمن علي

ساعه من الانتظار ودوني عالغرفه اعطتني الممرضه مسكن وقالت لي حاولي تنامين نومي كان متقطع جدا ماعرفت انام ابدا مع انه ماكان فيه الم



اجاني شعور غريب حسيت بطعم غير مقبول بالفم واني راح استفرغ بس الحمدلله ماستفرغت لأن معدتي خاليه

جا دكتور يتطمن علي وقالي العمليه تمام كنت مبتسمه قال دام مبتسمه يعني الامور كلها تمام خبرته انه عندي الم بالجهه اليسرى وعن الاستفراغ قالي الالم طبيعي والاستفراغ بعد طبيعي خبرني انه لو استفرغت مو مشكله وحتى لو ماستفرغت بعد الحمدلله


بعدها جت الممرضه خبرتني احاول امشي شوي وكنت خايفه جدا لان عندي هوز طالع من جرح العمليه الجهه اليسار لكن الحمدلله الامور كلها بخير مشيت شوي بالغرفه وبدلت لبس العمليه كان زاعجني جدا

بعدها اعطتني مهدأ ونمت مرتاحه ومواصل للصبح الساعه 5 قمت المغذي كان خالص وكان دم بالمغذي جت الممرضه بدلته لي وخبرتني انه الدكتور محمد راح ايي على الساعه 6 يتطمن علي

وصل الدكتور محمد خريس مع مجموعه من الاطباء وتطمن علي كنت حاسه بجفاف شديد فالفم وقالي اقدر اشرب ماي شوي



وخبرني انه راح انزل عالاشعه عشان يجوفون اذا في تسريب او لا

شوي وجتني الممرضه وقالت يالله عالاشعه

كنت خايفه ومتوتره لان قريت عن التسريب والمخاطر

وصل دوري للأشعه ويالله شنو شعور مزعج كان دوا لزج جدا لازم نشربه مره وحدهCant See Images

اسفرغت القليل منه لكن مشى الحال والحمدلله الاشعه كلها تمام ومافي تسريب الحمدلله

ورجعت عالغرفه وجاني دكتور وشال الهوز الم بسيط وشعور مزعج وقت اللي يشيله وبدل لي البلاسترز وحط لي واتر بروف خبرني اني اقدر اتحمم بدون أي مشكله

تحممت وحسيت براحه وتمشيت بممر الجناح شوي وجتني اخصائية التغذيه وشرحت لي نظام الاكل كامل واذا عندي أي استفسار

ولو مستقبلا عندي أي استفسار اتواصل معاهم عالتلفون او حتى الايميل

بعدها عطوني وجبه عباره عن عصير تفاح وماي وجاي ويانسون

وخبروني اقدر اطلع من المستشفى

رايي عن العملية والدكتور

العمليه انصح كل شخص وزنه كبير يسويها الحمدلله حياتي تغيرت 180 درجه بعد العمليه نظام الاكل تغير قبل الوجبه اخلصها ب10 دقايق الحين نص ساعه وماقدر اكملها كامل

الدكتور جدا ممتاز هو والطاقم الطبي ماقصروا معاي من اول دخولي للمستشفى لي اخر دقيقه لي بالمستشفى غرفة المستشفى درجه اولى مع المرافق

مابعد العمليه

كل جسم يختلف عن الثاني ناس جفتها تعبانه من اول يوم للعمليه والالم عندها مو طبيعي وناس ماشاء الله نشيطه انا كانت حالتي طبيعيه الالام خفيفه واللي كان زاعجني الغازات

لكن ثالث يوم من العمليه للأسف جاني زكام قوي جدا مع عطاس وحراره كل 4 ساعات
والعطاس تعبني مع جروح العمليه
قل اكلي وشربي للأدويه بطلعة الروح ظليت على هالحال 5 ايام والحمدلله راح مني الزكام والحراره ورجعت للأكل

وهاذي الادويه اللي لازم اخذها

المصدر: منتديات رشاقة

 

[شوق النجوم]

الف مبروك

والحمد الله على سلامتك

 

[*ابو صالح*]

الف سلامة عليك... واسال الله ان يكتب لك خير العملية..

 

[أم ليث]

ماشاءالله الحمدلله على سلامتك والف مبروك والله يسهل لكل اللي بيتكممو قريب زي ما سهلك ... ادعيلنا وان شاءالله نوصل للمثالي جميعا
انا قصتي قريبه من قصتك لاني وحيدة أمي وان شاءالله عمليتي بعد 10 ايام بالأردن عند د.محمد تقريرك ريحني الله يسعدك ويعطيك اللي تتمني وأحسن Cant See Images

 

[Swan to be]

الله يسلمكم

ام ليث ان شاء الله سهالات ولا تحاتين دكتور محمد شاطر ومتمكن والطاقم الطبي ممتاز ماقصروا معاي من اول دخولي المستشفى لي آخر دقيقه طلعت فيها من المستشفى اهم شئ توكلي على الله

 

[7ALOO]

اللف الحمدلله علي سلامتك

الله يسههل اموررك يارب

 

[فجر~]

الف مبررووك الله يسهل لك امرك

وان شاء الله تحققين اللي تتمنينه حبيبتي ..

 

[bu-abdulla_13]

الحمد لله على سلامتك وفالك الصحة واالرشاقه..

سبحان الله كنت اعاني من الانفلونزا وتعبت منها والله يخلي المضاد ..

 

[Swan to be]

المشاركة الأصلية كتبت بواسطة bu-abdulla_13 Cant See Links

الحمد لله على سلامتك وفالك الصحة واالرشاقه..

سبحان الله كنت اعاني من الانفلونزا وتعبت منها والله يخلي المضاد ..

المضاد كرهني بحياتي كلش ماتقبلته متروس شكر وبالغصب اشربه يوم اللي خلصته كان يوم عيد عنديCant See Images

والأدول البرتقالي كان يريحني بالنوم ويخفض حرارتي

 

[Mohammad Al-Garni]

الحمد لله على سلامتك

وقدامك العافية ان شاء الله