اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 651
عيادة د. عدنان صباحي
عدد الضغطات : 4,642
عيادة الدكتور سالم الصواط
عدد الضغطات : 4,480
رشاقة للخدمات العلاجية
عدد الضغطات : 4,381

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,116عرض بالصور للأدوية والفيتامينات والبروتين بعد عمليات السمنة_2015
عدد الضغطات : 4,554هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,128توتر
عدد الضغطات : 2,263
عدد الضغطات : 0

أخيرا بعد ست سنوات (د.فراس عبيدات)

قصص وتجارب المتكممين

Like Tree6Likes
إضافة رد

 
LinkBack أدوات الموضوع انواع عرض الموضوع
قديم 03-22-2014, 10:06 AM   #1
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

23 أخيرا بعد ست سنوات (د.فراس عبيدات)



بسم الله الرحمن الرحيم

مرحبا جميعا ً
..
انا عضوة كنت مسجلة معكم قبل سنتين
و اذكركم بنفسي قبل ما أبشركم ..
انا كنت عايشة بالامارات ، و معي غدد درقية ، و عندي مشاكل ربو و كثير يعطوني كورتيزون و يزيد الطيين بله و كان سبب انو ما قدرت اعمل العملية انو أبي يرفض رفض باتا ً اجراء جراحه لبنته الوحيدة .. و كمان ماديا مش كافي اعملها مستقلة عن اهلي ..

لكني رجعت للأردن و توظفت .. و مشيت بوظيفتي ست او سبع اشهر .. و حجزت موعد .. و ............
أخييييييييييييييييرا ً عملت العملية Cant See Images

حبيت أشارككم تفاصيل عمليتي لأن هيي شوي فيها اختلاف عن اللي اخذته من هالمنتدى اللي ساعدني كثير كثير بتخطي الخوف
.... \


أولا ً أنا سعيدة جدا ً جداً لأنني بحال جيدة الآن الحمد لله ..
سعيدة لأن رغم رفض أهلي قبول اجرائي للعملية
سعيدة لأني لم أعاني من أمور كثيرة واردة مع الأصدقاء بالمنتدى ..
و أني تخطيت مشاكل فصل كانت مجزومة بسبب تغيبي عن العمل .. لكن لأني و الحمد لله عندما نويت العملية فقد تركت امرها لله سبحانه و تعالى و طلبت منه دعمي .. و الحمد لله تجاوزت كثير من الأمور التي ظن الجميع أنني مقابل اجرائي للعملية سأخسرها منها عملي

.................
التخطيط للعملية : ....

اعيش حياتي الان بالاردن مع اخي الأصغر عمره 26 .. و أنا 29 .. و تعينت موظفة و لي تأمين ححكومي ، و كنت من سنوات مقررة ان لما يسسافر ابوي اروح و أعمل العملية حتى لو مو راضي ، و بالصيف قلتله الان انا رح اعمل العملية برضاك او عدمه و طبعا انواع الرفض منه و انواع التطنيش مني ، و بالاخير سافر و تركني مع اخوي و كل اخواني عارفين نيتي لما يطلع تأميني بأني رايحه أحجز على العملية بالرغم من رفض الوالد ..
.. في 15 يناير 2013 هو أقرب موعد قدرت آخذه مع طبيب جراح في مستشفى الجامعة الأردنية ، طبعا لكثرة العالم و الناس اللي تتعالج هناك احتجت شهرين لحتى يجي موعدي
طبعا قبل ما احجز موعد على التلفون .. بحثت عن طبيب له اسم بالعملية بهالمستشفى ، لأن تأميني يخولني أدخل ثاني أحسن مستشفى بالمنطقة كلها ، و أشهد أنه أفضلها من تجربتين ...

.................
اللقاء الأول للعملية : ....

دخلت أنا و أخوي على المستشفى و لمواضيع كثيرة كنا اخر الدور .. و صبرنا ، و دخلت على العيادة عند الدكتور ( فراس عبيدات ) آخر وحده و كانوا بيطفوا غرف العياده ، و خفت يقولولي تعالي بعدين ، جلستني الممرضة بغرفة فحص بعد ما قاست لي الوزن و الطول ، و اجى فيها دكتوريين ( حلويين ههههههههه ) رايحة للحلوين شكلي .. المهم .. واحد منهم الدكتور اسمه ( صالح أبو الحاج ) الله يحميه لزوجته و أهله ، و معه دكتور بلال الزعبي ، و بدأوا يسألوني أسئلة شو عندك امراض ( غدد و ربو و تحسس و شخير ) ، و اجى الدكتور الكبير الأول ( فراس عبيدات ) و سأل الدكاترة كم الوزن و الاي بي .. و قال شكلي ما راح اخذ اجازة ( ههههههههههه الدكتور مسكين كان ع باله اجازة ) المهم قال بتدخلوها الاثنين 10 - 3 -2013 و العملية الخميس 13- 3 -2014 قلهم عشان الها تحاليل ... و انا قلتله دكتور يمكن هالوقت ما يناسبني ( كان ودي اعملها بوقت اجازتي بشهر واحد ) راح قلي ما بيهمني يناسبك المهم يناسبني أنا .. و انا خجلت و سكتت و قاللهم اعطوها تعمل التحاليل و حدد لهم شو التحاليل و قلي تعالي قبل موعد العملية باسبوعين اعملي هالتحاليل .. و طلع .. لحقتو دكتور .. قلي نعم .. ممكن اعرف شو نوع العملية اللي رح تعملي اياها ؟ قلي لما اشوف التحاليل بحدد نوع العملية
قلت ان شاء الله .. و قلت رح اوكل امري لله .. و شو ما قرر اكيد هو الافضل لي ....
و فعلا ًقبل العملية باسبوعين رحت عملت كل التحاليل المطلوبة و دفعت 60 دينار أردنيي مقابلها .. بس هي تكلف 320 دينار بدون تأمين بس تأميني ساعدني و دفعت 60 دينار بس
.. و روحنا و قالوا التحاليل بملفك عند الدكتور بتلاقيها
..

................
يتبع ~


 

__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8

ftoompal غير متواجد حالياً   رد مع اقتباس
a
قديم 03-22-2014, 10:31 AM   #2
V.I.P
 
الصورة الرمزية *ام سارا*












 

 

آخـر مواضيعي

افتراضي رد: أخيرا بعد ست سنوات

اهلين خيتووو الحمد لله ع السلامه

ومبرووك دخولك عالمنا التكميمي

وننتظر باقي تجربتك

 


اوسمتي
وسام مشارك في مسابقة عيد الحج عيدين 1436 المركز الثاني في مسابقة نفحات صائم لرمضان 1436هـ مشرف رمضاني مميز لعام 1436 هـ وسام مشارك لمسابقة المدونات للربع الاول 2015 رئيس  تحرير جريدة رشاقة 2015 وسام مشرف على مسابقة تحدي الوزن 2015 مشارك وسام المشرف المميز لشهر يناير 
مجموع الاوسمة: 8

*ام سارا* غير متواجد حالياً   رد مع اقتباس
a
قديم 03-22-2014, 11:34 AM   #3
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

افتراضي رد: أخيرا بعد ست سنوات

نكمل ... Cant See Images
.....
نفسيتي و استعداداتي ....

طبعا كنت كثير سعيدة و فرحانة أخيرا رح أسوي العملية ، و اهلي مسافرين و القضية الوحيدة انهم مصريين يحضروا العملية و انا ما اريدهم يحضروها ، حاولت اقناعهم و فشلت .. و اجوا اهلي قبل باسبوع .. و كان في عزا كبير بالعيلة و حضروه

بعدين كان معي يوم اجهز نفسي للاقامة بالمستشفى كم يوم ، و رحت و شوية تأخرت بالدخول لكن دخلت ، دخلت بقسم الاطفال لان فش لي مكان بقسم الجراحه ، و قالولي انزلي على قسم الجراحة بعدين قلتلهم بعد العملية ان الله راد ..
ولما جيت ادخل قاسولي الضغط لقيوه 170 .. انا خفت قلتلها انا الضغط ما بيرتفع عندك قالت متوترة يمكن قلتلها ابداااااااا
بس تذكرت اني صارت لي مشكلة مع وحدة ما وقفت عالدور و جت م تاخرة و خذت مكانا كلنا و نحن من الفجر واقفين عالدوور .. نرفزتني و سويت لها مشكلة كيف تدخل هيك .. و كمان رفض يدخلني مسؤول لان ورقتي ناقصها اشياء .. و خفت يتاخر دخولي و بالتالي تتاجل عمليتي .. يمكن توترت عشان هيك .. فقلت عادي و مشيت لغرفتي

................
غرفتي و تحاليلي : ....

حطوني بالغرفة و كنت لسه صايمة و صارت الساعه 12 الظهر تقريبا .. ابوي راح و اخواني .. و ظلت امي و اجاني الدكتور ( رامي ياغي ) .. الله من فوق يحميه و ييسر له امره و يكون معه وين ما كان .. ركض معي و لفلف و زهقته و انا ما بسكت جريئة ههههههه ..
رحنا سوينا صورة اشعه للصدر
و سويت فحص لقوة التنفس اخذني الدكتور رامي هناك و سحبولي دم من منطقة بايدي عند المعصم توجع كثيييييير
و تغلبت شوي باختبار التنفس بس انجزته
و سحبوا دم غير اللي سحبوه قبل اسبوعين
ما خلوا دم فييي ههههههههههههههه
روحت امي و نمت بالغرفة مع عجوز الله رحمني منها بعد العملية لان لو ضليت عندها كنت اجرمت فيها كثر ما بتحكي عن حالها و اهلها و قرايبها و مستواها الهاي

ثاني يوم اجوا سولي سحب دم مرة ثانية بس هالمرة الدكتور ( محمد رشدان ) و قالولي الك صورة تلفزيون و اختبار
نوم

رحنا سوينا صورة اشعه للبطن كله كلى و مرارة و كبد و كله ، و الحمد لله ما في شي اجت وحدة اخذتني ما بعرف مين هيي
و رجعت عالغرفة و ضليييييييييييييييت استنى ما بعرف متى اختبار النوم ببالي باي وقت عادي بس هم بدهم اختبار النوم العادي يعني بالليل
و اجوا اهلي بعد اختبار التلفزيون بشوي ..
واجى الدكتور حبيبي الغالي اللي زي أبوي الدكتور الررائع فراس عبيدات و اهلي كانوا موجودين .. و موقف يضحك بس حلو هههههههههههه الدكتور ابتسامة بس الي مو لحد من اهلي و انا ابتسامة و عرفته على اهلي و سلم عليهم ، و سأل أبوي و قله ها كيف يا حج بدك تعمل العملية لبنتك ؟ انا نطيت بالنص و قلت للدكتور بالله عليك من غير ما توخد رايه ، لأنو لو الامر بايدو ما خلاني اعملها .. احمر الدكتور و ما عرف شو يحكي هههههههههههه انا خجلت بعرفش كيف طلع مني هالحكي والله بس خفت تتفركس العملية ، و كمل الدكتور و سالني شو عملولك تحاليل و قلتله و قال ضايل اختبار النوم اعملولها اياه اليوم .. و قلت اوك و قال عندكم اسئلة فسأله ابوي كم يوم بعد العملية رح تضل بالمستشفى قلو مسى السبت او الاحد بنطلعها .. و سحب حالو و راح الدكتور ههههههههههه هرب مسكين خاف من ابوي .. أبوي روح مع واحد من اخواني و ضلت امي .. بعد شوي اجى الدكتور محمد رشدان ووقعني على ورقة انو عمليتي هي ( التكميم قص المعدة الطولي ) و انا انبسطت كثيييييييييييير لأن ما كان بدي التحوير .. و اتفقت مع امي ما تحكي لابوي و متأكده انها حكتلو :/

اختبار النوم : ....

هاد الاختبار مقرف بشكل ، و مهلك ، و انا طبيعتي نومي خفيف مش عميق ابدا و بصحى كثير و بروح عالحمام اجلكم الله مرتين و 3 بالليله الوحده ، فانك تنام و ما تقوم عالحمام هاد كان من اصحب الاختبارات الي .. لزقت شعري بصمغ اه كيف عانيت منو طبعا الصمغ على جلدة الراس و وصلتهن باسلاك و رقبتي و ايديي و جسمي كله يمكن 40 او 50 سلك و نومتني .. حرام جابتلي غطا تاني و هيأت لي نوم مريح بس ماكان جاي ع باليالنوم بالمرة .. و مع هيك بعد ساعه قريت بالعتمة قرآن من المصحف نمت ،
تقريبا 11 و نص او 12 نمت ..
على 6 قلتلها .. خلص تعالي .. قالتلي ليش صحيتي ارجعي نامي قلتلها بيكفي شو كل هاد نوم .. فكيني من الاسلاك بدي حمام .. و رحت فعلا عالحمام و بعدين سألتها في مشاكل تمنع العملية قالت لا وضعك منيح .. قلتلها في انقطاعات تنفس قالت شوي .. و قالتلي ما بتنامي بعمق غلبتيني بس عدت فترة نمتي منيح فيها فكفت .. قلتلها بيأثر على العملية قالت لا .. قلت اوك

و هاليومين يمكن مر علي فوق 12 دكتور و ددكتورة متدربيين يسألوني عن العملية و كل حالتي الصحية .. ( خطر ع بالي اكتب كل شي و اوزع عليهم المعلومات قد ما سألوني الاسئلة نفسها ههههههههههه )

..........................

اليوم الثالث قعدتو بدون اختبارات لان خلصتهن كلهن ما كانوا متوقعين اني صايمة اول يوم .. فضليت قاعده لحالي بالاول بعدين اجت طالبة طب نفسي سألتني أسئلة و فضفضت و حكيت بيجي 3 ساعات و كمان اتصلوا ناس كثير علي و هيك .. و بعدين اجوا اهلي جابولي برجر زي ما طلبت و اكلت لما قلت بس .. و ضلوا عندي و بالاخير روحوا
بعدين أجى الدكتور فراس عبيدات و قلي بدك تسألي عن العملية و كيفتهاأو أي شي بيخصها ؟ قلتلو لأ .. و هو مستغرب و ابتسامته الحنونه قلي طيب شدي حيلك بكرة العملية صيامك على 12 بالليل و راح ..ضليت من الملل اتمشى و انا مبسوطه اخيرا رح اعمل العملية ..
رحت على غرفتي المغرب .. و اجى واحد قال عن حالو دكتور التخدير .. بس هو صغير كثير .. و امووووووووووور و ضليت مصدومه بجماله هههههههههههه رايحه اشوف الحلوين قلتلكم .. المهم قاللي انو يمكن تنلغي العملية او نأجلها .. هون بدأ الخوف .. و ارتعبت و قلتلو يرحم والديك انا بدي هالعملية اجل كل اشي الا العملية .. قلي طيب رح نردلك خبر و راح
هون انا خفت
و طلعت من الغرفة انخنقت .. و صرت امشي و ما بدي ابكي بحاول ما ابكي .. و رحت للممرضة و قلتلها بدي ورقة فاضية ..
و رحت عالغرفة و كتبت وصيتي Cant See Images
بعد ساعتين اجاني واحد تاني شب صغير بس اكبر شوي من الاولاني و أحلى و عرفني على حالو و قلي انو دكتور التخدير المشارك بعمليتي و قلي انو في مشكلة ربو معي و كورتيزون رح توقف عمليتي و انو ما رح يقدروا يعملولي عملية ببنج كامل او رح يصير مشكلة اثناء العملية تعرضني للموت ..قلتلو انا موافقة بدي اعمل العملية باي طريقة
رجع سأل كل الأسئلة من أول و جديد .. و قعد على جنب و اتصل باستاذه و عالتلفون وافق دكتورو عالعملية ببنج كامل ، و هون ارتحت نفسيا ووقعوني على ورقة مكتوب فيها اني ابرئهم من اي ملاحقة قانونية اذا حدث اي شي بسبب البنج الكامل .. و انا وافقت ..
الحمد لله كنت مرتاحه و راحوا و هم بيقولولي عمليتك بوقتها ما رح نغيرها

يتبع الجزء الأخير .. ما بعد العملية

 

__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8

ftoompal غير متواجد حالياً   رد مع اقتباس
a
قديم 03-22-2014, 12:26 PM   #4
V.I.P
 
الصورة الرمزية *ام سارا*












 

 

آخـر مواضيعي

افتراضي رد: أخيرا بعد ست سنوات

الله يعطيك العافيه خيتووو

يثبت للفائده والتشجيع

 


اوسمتي
وسام مشارك في مسابقة عيد الحج عيدين 1436 المركز الثاني في مسابقة نفحات صائم لرمضان 1436هـ مشرف رمضاني مميز لعام 1436 هـ وسام مشارك لمسابقة المدونات للربع الاول 2015 رئيس  تحرير جريدة رشاقة 2015 وسام مشرف على مسابقة تحدي الوزن 2015 مشارك وسام المشرف المميز لشهر يناير 
مجموع الاوسمة: 8

*ام سارا* غير متواجد حالياً   رد مع اقتباس
a
قديم 03-22-2014, 12:47 PM   #5
عضوه
 
الصورة الرمزية ROLEX












 

 

آخـر مواضيعي

افتراضي رد: أخيرا بعد ست سنوات

تااااااااااامي وأخيرررررررررررا وأخيررررررررا
مبروووووووك عليك
يعلم الله فرحت لك من قلبي من قلبي افتكرت أيام الدايت تبعك ..
تااااااامي نبي تفاااصيل أكثر
ربي يبلغك المثالي بصحه وعافيه

 

__________________

اوسمتي

ROLEX غير متواجد حالياً   رد مع اقتباس
a
قديم 03-22-2014, 01:03 PM   #6
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

افتراضي رد: أخيرا بعد ست سنوات

الحين فقرة بعد العملية ..
........
طبعا صيامنا هون من 12 بالليل و كالعادة انا اسبق الصيام ساعتين يعني ع 10 ما شربت مي حتى و ثاني يوم على العشرة الصبح اجوا جابوا اللبس .. و السرير و لبسته و عالسرير و ابوي يقرا على راسي قرآن و يبكي و اخوي جنبه يضحك .. و كل حد نمر جنبه بالسلامة الله يطلعها لك بالسلامة
.. دخلوني صالة كبيرة و انتظر .. انتظرت كثير طيب غطوني بردت تبا لكم هههههههههه
قبل ما ياخذوني بربع ساعه جاني واحد مو حلو هالمرة بس اسلوبه يجنن و حلو .. و يريح و سألني كم سؤال و قلي انه رئيس البنج .. و شكله كبير واعي مو متل الحلوين ههههههه ..
قلي انه بعد العملية بيطلعوني الغرفة و بيعطوني جهاز معلق برقبتي مسكن للأوجاع اقدر اخفف الوجع بكل بخة منه اقدر ابخ منه كل سبعع دقايق مرة .. قلت اوك
و راح
طيب حد ياخذني
.. اخيرا حبيبي ابوي الثاني الدكتور فراس بجلالته جاييني و قلي وينك ضحكت و جر السرير بنفسه .. ما قعد ينادي ممرضات او مساعدين .. يا الله اني حبيته اكثر لتواضعه .. و قبل ما نطلع غرفة الاستقبال للعمليات جا الدكتور رامي ياغي و الدكتور صالح ابو الحاج و جروا السرير لغرفة العمليات بس ضحكوني لانهم سريعين و انا زغللت عيوني و حسوا فيني فقدت السيطرة و دخت و قعدوا يضحكوا عليي .. دخلت الغرفة و اقسم بربي مو خايفة و الفرحه بقلبي مستعدة ترقصني ..
و اجى دكتور التخدير الكبير لقى واحد منهم حطلي ابره قلي شكلها بتوجعك قلتلو اه
قلي رح اغيرلك ياها
و غيرها و الله ما حسيت ابدا بابرتو اللي هو حطها خفيفه ايده ..
و حطولي شي على تنفسي و فعلا ثواني بس كنت من المخدريين هههههههههههه
صحيت و الف براسي اقول انا صحيت .. انا سويت العملية و ادور على ساعه اشوفها كم شفها 4 الا ثلث العصر
و ارفع يدي مثل المنتصرين خلص سويتها انا سويتها من الفرحه
و ارجع اسكت
و ابوي فوق راسي و مبتسم مع دموع
طبعا ما صحيت في غرفه عادية
كنت بالاي سي يو الانعاش يعني
لان تنفسي كان ضعييييف جدا 38 بس
و احكي شوي و ارجع ادخل في صعوبة تنفس و ظلوا حاطين لي الاوكسجين 24 ساعة بدون انقطاع
سلم ابوي علي و اخوي و سالت عن امي و قالولي برة ما بيدخلوا الا 2 بس
راحوا ينادوهم قلتلهم حمام .. يادي الحمام ههههههههههههههههه
المهم عشت يوم كامل معاناة في الانعاش الصراحه
لان لساتني موصوله على اجهزة .. و اللي المني أكثر .. ظهري
و هذا ما قريت انو حد شكى منه قبل هيك ..
المهم ظهري وجعني وجع كثير كثير
و روحوا اهلي و انا لسه اصحى و انام من التخدير
و ظليت بالانعاش لثاني الساعه 3 تقريبا ..
و المشكلة بدي انام ووجع ظهري هو اللي بيوجع اكثر من اي وجع تاني
كانوا حاطين لي حبل دم بثقب منفصل ببطني هذا كمانا كان مؤلم ، بس الجهاز اللي فيه المسكن كان مفيد .. بس سمعتهم بيقولوا بيضغط على الرئة و النفس بطلت اضغط عليه
عدت الليلة الاولى و شفت دكتوري فراس عبيدات مرتين فيها لان حرام كان في حالة كثير تعبانه و شكلهم رجعوه غرفة العمليات مرة ثانية لانا كنا 6 بغرفة الانعاش هاي .. المهم
دكتوري قلي قومي امشي لتخف الامك .. حاولت اول مرة كنت كثير دايخة ما مشيت 20 خطوة و قلتلهم خلص .. و ثاني مرة مشيت و راسي عالارض احاول اركز .. قام علق ممرض انو هاد مشي يا شاطرة .. رديت عليه عاد انا دفشة .. و قلتلو مفكرني زيك ؟ انا مخزقة و حالتي لله مش صاحية مثلك حل عني .. ضحكوا عليه الممرضات و هو قال ما اقواكي .. قلتلو شو مفكرني يعني هههههههههه
يعني انا بشو و هو بشو هههههههههههههههه اهبل
المهم طلعنا من الانعاش ثاني يوم على غرفة قريبة .. و صرت احسن الدوخه فرقت كثير .. وجع البطن فرق شوي .. ظهري ما فرق ابدا ههههههههه وجعني دمار
طبعا قالوا ما في داعي امها تظل عندها قلت طيب
بس ندمت
بالليل قمت ابكي من ظهري .. عاملة عملية كبيرة ما بكيت منها بس من وجع ظهري
ودي انام و مو قادرة منه
طبعا المغذيات بايدي من صيام قبل العملية .. و بالانعاش مغذيات
و انا ابكي شيلي هالمغذي جيبيلي مسكن
ما رضيوا قالولي هاد الجهاز معك .. قلتلهم بيضايقني بصدري بيضايق التنفس
ما رضيوا بس حرام ضلوا فوق راسي يساعدوني قلتلهم جيبولي مخدات و هو ممنوع مخدة لكل سرير و لكنهم جابولي
شيلولي هالابر بايدي بديش اياها عنجد شالوها لانهن مؤلمات
و خلوا وحده رجعوا ركبوا المغذي لان انا سكتت عن المغذي عشان الكلى
و في ممرضة اسمها نسريين .. قلتلها سويلي اي شي .. قالت شو اعملك قولي انا بعملك اي شي و فعلا كل ساعه ارن عليها تيجيني و تمسح بايديها على ظهري لحتى يخف شوي .. و هيك للصبح
الصبح اجى الدكتور و قال اعطوها مسكن غير هاد .. و قتها سلك الموضوع
و كان يوم السبت و ابوي بده يجي يودعني لانه مسافر و امي باقية فوتناه الساعة 5 على المستشفى
و هذا ممنوع بس فات ساعة و طلع طيارته على 7
و يوم السبت الدكتور قلي بدنا نشربك مي و بدنا نخليكي معنا لبكرة ..قلتلو اوك .. شفه صغيرة عشان ما تستفرغي المفروض ما تستفرغي .. امي خافت قالتلو استنى خليها تشرب قدامك .. هو ابتسم و قال خلص شربيها قدامي هيني هون .. و شربت اول شربة مي و الحمد لله ما صار شي امي ارتاحت .. قلي في شي ضيق ؟ قلتلو لا قلي في احساس بالاستفراغ قلتلو لا بس في شي زي كأنو مر بدو يطلع .. قال اعطوها دوا معدة ..
و قال الكاسة هاي 200 ملل .. على ساعتين او ساعه قلت اوك .. و كملت اليوم من الظهر تقريبا على الكاسة
يوم الاحد الصبح اجى و سال شربتي قالت ماما لا بس كاسة وحده .. قال لا لازم تشربي كثير هسا بدك تزيدي الكمية بس على جرعات كثير كثير صغيرة .. و بفكر اشربك اننانناس بدك ؟ قلتلو اه
قال خلص جيبولها اناناس ، و قلتلو عن حبل الدم هو اللي بيوجع و هسا بيجوا بيفكولك الحبل تبع الدم .. انا اترجى الدكتور تخدير موضعي .. صار يضحك و يقلي ما بيوجع
و جابتلي امي عصير اناناس زي ما قالولها الدكاترة من الكافتيريا لان هم قالوا مش بالوجبة بتتعاملي لان الوجبة هسا كثيرة عليكي فاشترت امي و صرت اشرب و انا بحب الاناناس
اجوا فكولي الحبل و فعلا مش مؤلم لاني صالبه حالي ..
و بعد ساعتين رحت امشي
اجى اخوي خلص امور التخريج و دفعنا و صرفنا الدوا و روحنا
طبعا مسافة بيتنا توجعت من الطريق و الخض بالسيارة شوي بس مع المسكن صرت احسن
....
صح نسيت احكيلكم انهم كانوا بيعطوني مضاد حيووي ابر بالوريد مع المغذي او المسكن
كمان لما كانوا حاطين الي البنج بالعملية كنت عاضة على شفتي الللي تحت و طلعت متورمة و التهبت كلها

اختلاف انو ما اعطوني ابر اعطوني ادوية حبوب عادية
و الحمد لله طلعت الأحد المسا ..
و رجعت للدكتور الأربعاء ..
دخلت عمليتي وزني 162 ,, و الأربعاء وزنت بالعيادة 153
يعني بـ 6 أيام نقصت 9 كجم
طرت من الفرحه
و فكولي القطب يوم الأربعاء
و مراجعتي بعد شهر
نظامي الغذاائي بعد العملية
اول اسبوعين عصير تفاح و اناناس بس + شاي + اعشاب + حليب + ماي
الاسبوعين3 و 4 بنضيف الشوربة المصفاة و اللبن و كل العصاير
الاسبوعين 5 و 6 اكل مهروس
بعد هيك ببدأ آكل كل شي

و ما في دوا و لا ابر و لا اي شي
فقط دواء معدة اعطاني ..
و قلتلو الوجع .. قلي لما يألمك و تبطلي تقدري تتحمليه حبة بندول
و فعلا هاد اللي صار


الحمد لله على النعمة
الشكر الحمد الأول لله لاتمامه الامر عليي و تيسيره
الشكر الثاني لأهلي لصبرهم معي مع اني ما غلبتهم بالقصة
الشكر لكل صديقاتي و عمتي اللي حفظوا السر
الشكر الكبير الكبير جدا جدا جدا لدكتوري الغالي الدكتور فراس عبيدات
و كل طاقمه اولهم الدكتور صالح ابو الحاج اللي غلبته معي لاني دفشه شوي
و الدكتور محمد رشدان
و الدكتور رامي اللي تعبته بالاصنصيرات ههههههه و الله الدكتور رامي يطلع و ينزل عالدرج و نحن عالاصنصير
و الدكتورة تماضر اللي فكت القطب ..
و كل اللي اشتغلوا بالفريق و ما عرفت اسماؤهم و ما حفظتها ..
كمان طاقم الممرضات بالطابق الثالث لانو كثير غلبتهن من دعاء و سيرين و نسريين و العمده الكبيرة ماني عارفة اسمها و كثيرات بختلاف الشيفتات
و كمان طاقم الممرضات بالطابق الثامن قبل العملية ما قصروا ..

كلهم كلهم
وعد اني رح ازوركم و احليكم لو وصل وزني 75 Cant See Images
طبعا المستشفى التعليمي الأول بالشرق الأوسط كلو .. مستشفى راااااااااااااااااائع

و أنا أقدم تحية كبيرة للدكتور محمد خريس لشهرته .. بس مش بس محمد خريس فقط هنا بيعمل هالعملية
كمان الغالي جدا على قلبي انا و كل اللي عمللهم العملية صديقتي هبة كمان
الدكتور ( فراس عبيدات )


 

ROLEX likes this.
__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8


التعديل الأخير تم بواسطة ftoompal ; 03-22-2014 الساعة 01:35 PM
ftoompal غير متواجد حالياً   رد مع اقتباس
a
قديم 03-22-2014, 01:38 PM   #7
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

افتراضي رد: أخيرا بعد ست سنوات

اقتباس:
المشاركة الأصلية كتبت بواسطة ام سارا2004 Cant See Links
الله يعطيك العافيه خيتووو

يثبت للفائده والتشجيع
شكرا لمرورك و لتثبيتك Cant See Images

 

*ام سارا* likes this.
__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8

ftoompal غير متواجد حالياً   رد مع اقتباس
a
قديم 03-22-2014, 01:45 PM   #8
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

افتراضي رد: أخيرا بعد ست سنوات

اقتباس:
المشاركة الأصلية كتبت بواسطة rolex Cant See Links
تااااااااااامي وأخيرررررررررررا وأخيررررررررا
مبروووووووك عليك
يعلم الله فرحت لك من قلبي من قلبي افتكرت أيام الدايت تبعك ..
تااااااامي نبي تفاااصيل أكثر
ربي يبلغك المثالي بصحه وعافيه
ههههههههه
اخيرا في ح من الرعيل الأول

كل الاسماء جديده عليي
منيح تذكرني حد
اخيرا حققت حلمي
الحمد لله
تواجدك اسعدني
يجعلنا الله من الشاكرين على نعمه
و الله فصلت بشكل ممل هههههههههههه

 

ROLEX likes this.
__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8

ftoompal غير متواجد حالياً   رد مع اقتباس
a
قديم 03-22-2014, 03:08 PM   #9
لا الله الا الله
 
الصورة الرمزية Toleen44












 

 

آخـر مواضيعي

افتراضي رد: أخيرا بعد ست سنوات

الحمدلله على السلامه حبيبتي والله الدكتور فراس دكتور رائع انا كان المفروض عمليتي عندوو بس ما صار نصيب ههه :') عقبال المثالي و انتي بصحه و سلامه ^.^

 

Toleen44 غير متواجد حالياً   رد مع اقتباس
a
قديم 03-22-2014, 03:57 PM   #10
مشرفة اللجنة الإعلامية
 
الصورة الرمزية ftoompal












 

 

آخـر مواضيعي

افتراضي رد: أخيرا بعد ست سنوات

اقتباس:
المشاركة الأصلية كتبت بواسطة toleen44 Cant See Links
الحمدلله على السلامه حبيبتي والله الدكتور فراس دكتور رائع انا كان المفروض عمليتي عندوو بس ما صار نصيب ههه :') عقبال المثالي و انتي بصحه و سلامه ^.^
عنجد
انا كمان كذا وحدة قالولي نيالك فيه
صح شوية الكل بيقول دفش .. بس معي كان حنون
حبيتو جدا .. ع قولة صديقتي اخ بس لو انو مش متزوج ههههههههههههه
\
الله يخليه لأهلو و عيلتو
كل طاقمو متدربين و دكاترة مقيميين و جراحة عامة رائعين قمة والله
حتى الدكتور اللي بيخفف دم بيقلي خدي حبل الدم معك عالمدرسة بيشوفوه بيعطوكي اجازة ههههههههه
كلهم بيجننوا
اي دكتور انتي ؟

 

__________________
" جرعة من الحياة و الموت "
التوقيع : فطوووم 2016 ~ !

اوسمتي
المركز الثالث في مسابقة اطايب رمضان لعام 1436هـ وسام مشارك في مسابقة اقهر وزنك الرمضانية لعام 1436 وسام مشارك في مسابقة نفحات صائم لرمضان 1436هـ مصممة المنتدى وسام مشارك لمسابقة المدونات للربع الاول 2015 مشارك تحدي خسارة 10 كيلو برمضان 1435هـ المميزين في الرابطة الرمضانية 1435هـ 
مجموع الاوسمة: 8

ftoompal غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أخيرا تكممت ابوردينا قسم تكميم المعده ( السليف ) 12 09-09-2015 10:19 AM
ثلاث شهور بعد العمليه ولكن النتائج غير مرضيه للاسف (د.د.فراس عبيدات) Beenoo83 قصص وتجارب المتكممين 4 07-01-2015 11:11 AM
▌│من يعرف د فراس عبيدات ؟ ▌│ضروري أبو حمود قسم تكميم المعده ( السليف ) 12 05-04-2015 08:10 PM
أخيرا تحددت العمليه JoD قسم تكميم المعده ( السليف ) 9 12-06-2011 10:55 PM
أخيرا الحلم سيتحقق تركي جازان قسم تحوير المعده 17 10-19-2011 02:18 PM


الساعة الآن 02:04 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52