اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 662
عيادة د. عدنان صباحي
عدد الضغطات : 5,755
عيادة الدكتور سالم الصواط
عدد الضغطات : 5,572
رشاقة للخدمات العلاجية
عدد الضغطات : 5,763

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,256عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,690هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,288توتر
عدد الضغطات : 3,445
عدد الضغطات : 0

قصة خالد بن خالد

قصص وتجارب المتكممين

Like Tree1Likes
إضافة رد

 
LinkBack أدوات الموضوع انواع عرض الموضوع
قديم 06-03-2010, 12:47 AM   #1
عضو جديد
 
الصورة الرمزية خالد بن خالد












 

 

آخـر مواضيعي
 
0 قصة خالد بن خالد
0 خالد بن خالد

Newest قصة خالد بن خالد



بسم الله الرحمن الرحيم


نبدأ بالقصة على طول أنا أخوكم الرشيق


دحووومي المهم خالد ولا عبدالرحمن كلهم نفس الشي


أنا كنت دب وكانت سمنتي من ذو صغري ولاكنت أفكر بالرجيم أبدا ولا النحف كنت بس أكل ووناسة وفلات ولا عمري فكرت بالرجيم إلا بعد مادخلت صف ثالث ثانوي و تعرف على شخص كان هووووووو أخي الذي لم تلده أمي نعم إني والله أقف إجلالا واحترام لشخصه الكريم كان صديقي هذا نحيف جدا جدا


ولكن لم اهتم حتى عزمنا على دخول كلية عسكرية بعد الانتهاء من المرحلة الثانوية في هذا الوقت حسبت للوزن ألف حسااب وبدأت ألمعناه الأليمة كان وزني من 120 إلى 130 وصلحت رجيم قاسي لمدة خمس أشهر ونزل وزني 105 ولكن بعد ماتركت الكلية رجع وزني حتى


125 وتضايقت من لبس البدل لأني كنت دايم مسافر طبعا شاب وأحب اللبس الكشخه بس السمنة منعتي من كل شي و كنت مره في الجامعة وكان صديق جنبي ففتح جواله وشغل الكاميرا واخذ لنا صورة وهنا وجدت الفرق الشاسع فقلت وش رأيك أسوي رجيم واخفف من وزني فشجعني ولكن كل الرجيمات بات بالفشل خلصت السنة الأولى في الجامعة وأنا دب بدت اسمع عن عمليات السمنة وعلى طول فتح ألنت وابحث وللأسف لم اطلع على المنتدى الدكتور سلطان التمياط


لكن دخلت فكرة العملية براسي


وبديت اخطط للعملية


و تفاجات بان احد الأصدقاء عمل العملية وهو الحين في المستشفى على طول الحق ياولد جيت لم الرجال ياولد وشلون وش السالفة قال السالفة إني سويت عملية السمنة وشي العملية قال سليف وهي عبارة عن استئصال للمعدة والعملية خطيرة انتبه وقعد يخوفني وينصحني لاتسويها انتبه تراه خطيرة ومن هالكلام ... طلعت من عنده وعلى طول اكلم احد أقربائي وهو دكتور بالمستشفى قال لا يمكن سوى رجيم وانتهت السالفة


لاتخاطر بنفسك أنت شباب توك


اصريت إني أسوي العملية وخاصة بعد ماشفت الفرق في خويي اللي سوى العملية اللي كان يخوفني وبالعكس بداء ينصحني ويقول سوى العملية وتوكل على والله إن ترتاح


المهم وفي تاريخ 20\3\1430هـ حجزت موعد عند ألجراحه وضبت كل شي وبي مساعدت صديق عمري صالح


المهم دخلت ع الدكتور وكنت متحمس جدا وقالي سوى الفحوصات ويصير خير سويت الفحوصات وجيت بعد ايومين لان عندي وسطات قوية بالمستشفى جيت لدكتور وقالي شوف أنت يصلحلك ربط معده وبس قلت لا انا ابي سليف ربط مو كويس له مضعفات وقعد اتفلسف عليه المهم ققال سليف سليف دامك عرفت العملية وتقول قريت عنه توكل على الله ورحت شغل الوسطات وضبط كل الفحوصات وبديت ادعي ربي متى العملية قالو يبي لك 6 أشهر أو سنة وشوووو لا شكلها مطوله وأنا ماودي اكلم اللي يقرب لي الدكتور لأنه يصير خالي اخو أمي وممكن يعلم الوالدة ويخرب الموضوع المهم قلت خالي مراح أقوله وطبعا صديقي صالح كان عايش ألجوء بكامله لأننا كنا نقضي أكثر أوقتنا مع بعض المهم لقينا واسطة قوية جدا جدا جدا وعلمناه السالفة قال بس ابشر وعند أحسن جراح فيه فريق طبي جاي بعد ثلاث أيام من الرياض ومعه الدكتور عبدالرحمن السالم وارتاح بإذن الله موضوعك تمام ضبط الوضع وتححد موعد الترقيد بعد ثلاااااااااث أيام والله ماكنت مصدق كنت أقول أنا في حلم ولا علم لكن يسرها ربك المهم بديت اسأل وشي العملية وصار عندي تبلد حسي بس أكل وشرب 24 ساعة وأنا وخويي من مطعم في مطعم وجاء اليوم الثالث اللي هو السبت دق الجوال تعال للترقيد يوم الثلاثاء وكملت مشوار المطاعم جيت يوم الاثنين بالليل وقلت لامي إني بكره بدخل الترقيد بسوي عملية وووووووووو قامت القيامة ليش وهاذي خطره وانتبه وأنت وش زينك وش ملحك من قالك انك دب أنت نحيف قلت أنا مسوي العملية مسويها بس ادعي لي الله يخليك لي ولا يحرمني منك بدأت تدعي وقبلت رأسها وعلى طول هربت من البيت وجلست عند صاحبي وانأ ارتقب العملية جاء الصبح الثلاثاء دخلت الترقيد مافي احد يدري عني فقط أمي والمرافق صلوحي هنا بدأت المجازفة اتصلت على أبوي وكنت عنده الابن المطيع... وعلى طول قلت إنا في المستشفى وبكرى بصلح عملية حقت السمنة( قال أنت انهبلت أنت صاحي قلت العملية بكرا وأنا بسويها بإذن الله أنا أبي أحطه أمام الأمر الواقع قال دامك مقرر وتبي تسوي والعملية ليش دقيت علي قلت أبيك تدعيلي يابوي قال تبيني ادعيلك ارجع للبيت وشكله نزلت دمعته على فكره أبوي كان مسافر للرياض ) جاء أبوي في نفس اليوم


علمت أبوي وأمي هذا أهم شي عندي الغرفة كانت فاضيه بس أنا والمرافق حقي نروح نتمشى بالممرات ونسولف مع المرضى ونونسهم ونخدم الشيبان ونضحك مع السسترات فاااضين ونسولف مع طلاب الامتياز اللي يطبقون المهم بدات الغرفة تمتلي واحد واحد وكلهم نحيفين وش السالفة ياولد لايكنون غلطانين كل شوي أدق على الرجال اللي توسط لي أكيد يبي يصلحون لي عملية سمنه قال كل اللي معك عملياتهم بالمنضار والموتور حق المناظير وأنت عمليتك بالمنظار و جايك الخير لاتخاف يبي يقصبونك خخخ...


المهم عاد إنا اجتماعي جدا جدا بديت اسولف مع الشباب اللي جوا وكان بينهم واحد نكته يخليك تموت من الضحك وكان أكبرنا سننا وكانوا كلهم يبي يصلحون عملية( فتق) بالمنظار واحد يبي يصلح عملية ربط معده فقط يعني أنا الوحيد اللي يبي يسوي سليف وكل مااسلوني قلت زايده خخخخخ


وقال النوكتي (وشلون زايده وأنت تببطح هنا مآبك إلا العافية على كيفك المستشفى ) وضحكت وعلمتهم السالفة وليتين ما علمتهم قالوا يامهبول رح بيتكم رح ياخبل وش تبي بالعملية والتعب والصوم ومافيه أكل ولا شرب ويمكن تمووووووووت ... وكانوا كلهم كبارين يعني أعمارهم من 25 إلى 30 وأنا عمري 20 صغير السن لكن العقل والهمة اكبر ولله الحمد والمنة ماسمعت كلامهم وكان صالح صديقي يقول أنت تعبت وتحديت كل شي كمل وصلح العملية ولا يهمك احد صوموني من المغرب بدون عشاء على الغداء ومن الليل وأنا أفكر وش يبي يصير بس بصراحة الشخص النوكتي اللي معنا موتنا من الضحك ونسينا أنا في مستشفى وقعدنا إلى الساعة ثلاث الفجر ونمت ساعة وكل شوي يقومني ويركبون مغذي وأنا بس أناضر بالسقف وأقول الله يستر وصلينا الفجر يوم الأربعاء تاريخ27\3\1430هـ نمت شوي وقوموني بغيت أموت من الخوف دكاترة وممرضين وعالم وأنا مدري وش السالفة الحين بديت أخاف من جد بديت أقول أنا مهبول وادعي ربي واستغفر وصالح صديقي جنبي وأنا بس اناضره وفيني شي مدري وشو بس الله ثبتني وصورني وأنا على سرير العمليات وكنت خايف وقالوا أنت خايف وانا عارف كانوا يبي يعطوني ابره مهديه قلت لا وفعلا اثبت إني مو خايف وجلست استغفر الله حتى وصلت باب العمليات وكان صالح يقول الله يقومك بالسلامة ياخوي هنا وقفت عاجزا عن الرد عليه إلا بدمعه لم انسى حررتها على خدي حتى أحسست بمعنى الاخوه وكان أخي شقيق لايعلم دخلت غرفت العمليات ووجدت الدكتور عبدالرحمن السالم حفظه الله وتفاجات بكثرة الدكاترة وسالت الدكتور عبدالرحمن قال فيه موتمر للمناظير ومن برامج الموتمر عملية سليف و أنت العملية الوحيدة سليف وسوف تنقل لجميع الدكاترة في الموتمر عبر الشاشات واللذين سوف يحضرون هم جميع الجراحون ((يعني انا صرت مشهد أو مسرحية للدكاترة المهم حطوني على سرير العمليات وأعطوني المخدر عن طريق التنفس وانتهى الأمر صحيت وانا في غرفة العمليات وكنت أحس إن في شي ثقيل في بطني


سالت الدكتور انتم نسيتو شي في بطني خخخخخخخخخخ احسبهم نسوى شي لان بطني ثقيل مره وفيه الم هه(الله يرحم الحال)


الدكتور يضحك وانا من بعدها حقد على كل المصرين انا صادق وهو يضحك المهم طلعوني من غرفة التخدير وقبل اطلع من العمليات وانا على وشك الخروج عند الباب سمعت صوت الحنونة انها أمي تسال وين عبدالرحمن عبدا لرحمن خلص


الحين تعافيت يوم سمعت صوت الغالية انا هنا ياماما طيب ولله الحمد ولازلت أتذكر أمي وهي تقبل جبيني هي وشقيق الذي كان مستغرب جدا وصالح الذي يقف مكتوف الأيدي رقيت للغرفة فوق وماكنت ادري وش السالفة كان فيه واير بالأنف ولي في بطني وشكلي متغير هنا بدا الخوف عند المرافق أخي صالح كنت كلما افتح عيني أجده واقف وهو في عينه الخوف كان يذهب بي لي للحمام وأنا كالطفل لأعرف ماذا حل بي قبل ساعات كنت افعل كل شي بنفسي وألان الله المستعان تعب وألم وعدم ألقدره على خدمت النفس وكان صالح يرتجف من الخوف صالح من اللي سوى العملية انا ولا انت قال انت قلت وش فيك ترتجف قال لا عادي بس تعبان وفعلا بعد ساعة أغمي على صالح وهو جالس على كرسي المرافق ولأحول ولاقوه إلا بالله اليوم الأول فعلا كان يوم كئيب كنت تعبان جدا وكان عندي أبي و أمي


يقرون علي القران ويدعون وكنت أريد ان أتكلم ولأكن لاستطيع لان لغتي كانت الأنين بالمرض والتوجع من الألم


و وفي اليوم الثاني في الصباح وكنت قد أزعجت الممرضين طول الليل أبي الدكتور أبي الدكتور جاء الدكتور جمال صقر وهو أفضل جراح في المستشفى لان عبدالرحمن السالم رجع بعد الموتمر


وقلت انا ابغي أشيل الواير اللي في الأنف لأنه أتعبني قال خليني أشوفه ومسكه وبسرعة سحبه لبرى وكانت أسرع لحضه في حياتي من بعدها اقسم بالله العلي العظيم انا العملية انتهت فعلا انتهت رجعت عبدالرحمن الطبيعي امشي واضحك واللي يزورني يقول مافيك إلا العافية اطلع خلاص ترى الزايده سهله (بلاكم ماتدرووون)أبوي مكذب على العالم بقول زايده طبعا خايف علي من كلام الناس وصرت أروح وأجي ومن بعد يومين طلعوا الليل حق التسريب وطلعت يوم السبت من المستشفى بتاريخ 29\3\1430هـ ولله الحمد وبهدها لم ارجع للمستشفى حتى يومي هاذ لان خالي الدكتور هو الاستشاري ويعطني الأدوية اللي ابي ولله الحمد والمنة ولاتعب ولاشي وأنا الحين مبسوط وأيام العملية راحت وانتهت وما تذكرتها إلا عشان اسرد أحداثها لكم وانا الحين أعيش أفضل أيام حياتي أكل اللي اشتهيه واشرب بكميات جدا ممتازة وبقي لي شهر واحد وأكمل سنة كامل من أيام العملية وقد خسرت من وزني 62 ولله الحمد فعلا حياتي كانت نكد وانا دب أما ألان فانا شخص ثاني واقسم بالله بعد ما عرفت الفرق تمنيت لو صلحت العملية 100 مره واقسم بالله أني صادق


انصح كل إنسان يعاني من السمنة أن لا يتردد


((تعب يوم ولا تعب كل يوم


وفي النهاية اعتذر على الإطالة واشكر الله عزو جل على هذا النعمة والصحة اللتي نعيشها بعد المرض والنكد


واكررر شكري لرفيق دربي وحبيب قلبي أخي صالح الذي كان عوني قبل وبعد العملية ...... وشكرا


محبكم .. عبدالرحمن


 

hanaa70 likes this.

التعديل الأخير تم بواسطة المثابر ; 06-06-2010 الساعة 12:30 AM سبب آخر: طلب صاحب الموضوع
خالد بن خالد غير متواجد حالياً   رد مع اقتباس
a
قديم 06-03-2010, 01:00 AM   #2
عضو برونزي
 
الصورة الرمزية لين












 

 

آخـر مواضيعي

افتراضي رد: قصة خالد بن خالد بالصور قبل وبعد

الله يديم عليك الصحة والعافيه

شفت انا اول وحدة ترد كنت متحمسه لقصتك

 

لين غير متواجد حالياً   رد مع اقتباس
a
قديم 06-03-2010, 01:01 AM   #3
مؤسس المنتدى












 

 

آخـر مواضيعي

افتراضي رد: قصة خالد بن خالد بالصور قبل وبعد

هلا والله عبدالرحمن

قصتك جميلة جدا جدا

لكن الصور ما طلعت عندي شيك عليها

 

__________________
سبحان الله والحمد لله ولا اله الا الله والله اكبر
قصتي مع نزول 57 كيلوا
المثابر غير متواجد حالياً   رد مع اقتباس
a
قديم 06-03-2010, 01:13 AM   #4
عضو برونزي
 
الصورة الرمزية لين












 

 

آخـر مواضيعي

افتراضي رد: قصة خالد بن خالد بالصور قبل وبعد

الصور طالعه عندي والله فرق يا خالد ما شاء الله تبارك الله

انا متصور زي صورك من الجنب ومن الامام كني سجينه خخخخ

بس فعلاً نحفت مره بس متى وصلت للـ 69

او كيف نزلت يعني في اول شهر وبعد سته شور وكذا يعني

 

لين غير متواجد حالياً   رد مع اقتباس
a
قديم 06-03-2010, 01:17 AM   #5
مزاحم الحسان











آخـر مواضيعي

افتراضي رد: قصة خالد بن خالد بالصور قبل وبعد

يعطيك العافيه ويديم عليك الرشاقه اخوي خالد

بس الصور اكثرها ماطلع

 

  رد مع اقتباس
a
قديم 06-03-2010, 01:22 AM   #6
عضو مشارك












 

 

آخـر مواضيعي

افتراضي رد: قصة خالد بن خالد بالصور قبل وبعد

عسى الله يديم عليك الصحه والعافيه ..

والصور كلهااا طالعه معاي Cant See Images

بس ماقلتلنا قصه نزولك اول شهر وثاني شهر وخلال كم شهر وصلت 69

وهل مارست رياضه .؟؟ ومن متى بلشت رياضه .؟؟

 

سيف غير متواجد حالياً   رد مع اقتباس
a
قديم 06-03-2010, 01:24 AM   #7
عضو ذهبي
 
الصورة الرمزية tota












 

 

آخـر مواضيعي

افتراضي رد: قصة خالد بن خالد بالصور قبل وبعد

ما شاء الله تبارك الله اخوي
و الله يديم عليك الصحة و العافيه
و الصور كها فتحت عندي

 

__________________
D 10 -42 KM - In progress
tota غير متواجد حالياً   رد مع اقتباس
a
قديم 06-03-2010, 01:26 AM   #8
عضو فعال
 
الصورة الرمزية «Ŝōмā»












 

 

آخـر مواضيعي

افتراضي رد: قصة خالد بن خالد بالصور قبل وبعد

صراحه فرق

ما شاء الله تبارك الله

الله يديم عليك الصحه والعافيه يا رب

دومز الرشاقه

و الـ Cant See Images

 

«Ŝōмā» غير متواجد حالياً   رد مع اقتباس
a
قديم 06-03-2010, 01:33 AM   #9
عضو ذهبي
 
الصورة الرمزية Nasser












 

 

آخـر مواضيعي

افتراضي رد: قصة خالد بن خالد بالصور قبل وبعد

ما شاء الله عليك الفرق كبييييييير الله لايغير عليك

 

Nasser غير متواجد حالياً   رد مع اقتباس
a
قديم 06-03-2010, 01:43 AM   #10
عضو فضي
 
الصورة الرمزية ملح الحياة












 

 

آخـر مواضيعي

افتراضي رد: قصة خالد بن خالد بالصور قبل وبعد

ماشاء الله لاقوة الا بالله

الله لايضرك

والف الف الف مبروك عليك الرشاقة وان شاء الله تكون دائمة


والله حمستني اشد على نفسي أكثر الين اوصل للخمسين


ودي اصير عصلا مثل المسواك ..... لو مره بعمري ............... يارب تسهلها لي بدون تعب وأمراض

االصور كلها طلعت عندي

 

ملح الحياة غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
خالد العرنجي ابو الاء قسم جراحات التجميل 1 10-01-2015 04:42 PM
حالي واحوالي ماجد العتيبي قسم تكميم المعده ( السليف ) 7 09-18-2013 01:19 PM
ليش اضايق حالي ام تركي 1 قسم تكميم المعده ( السليف ) 10 07-29-2013 01:25 AM
اليوم حالي قضت يابو خالد من يوم حبيتك ههههههه ( تقرير مصور ) fahad استراحة الأعضاء 57 07-01-2012 10:53 PM
خالد بن خالد خالد بن خالد استراحة الأعضاء 21 05-31-2010 11:57 AM


الساعة الآن 01:30 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52