مااستغني عن نصايحكم

[ابو هزاع]

مااستغني عن نصايحكم

السلام عليكم ورحمة الله وبركاته

حبايبي ابشركم أخيرا أخذت موعد العملية في المستشفى الجامعي عند الدكتور المحترم /فهد بامحرز هذا الجميل بالموضوع , المحزن إن الموعد بعد 8 شهور وانا بديت مع الدكتور في المراجعات قبل 8 شهور يكون المجموع 16 شهر من اول موعد حتى موعد العملية الموعد طبعا في 16/ 10 /2014 تقريبا شهر 12 هجري .

أتمنى من الأعضاء الكرام عدم البخل علي ولو بمعلومة صغيرة فهي لي كبيرة كوني ابي أمشي بدون مشاكل في مشواري الجديد بعد التكميم .

ولكم مني وافر الشكر والتقدير

المصدر: منتديات رشاقة

 

[نبض الورود]

حاول في هذي الفتره تنزل وزنك عشان اذا سويت العمليه تكون مهيئ نفسك انك بتبتعد للابد عن الاشياء الممنوعه والاكل القليل

 

[فيصل الشهري]

حياك الله وان شاء الله نشوفك رشيق بالصحة والعافية ..


بالنسبة للدكتور فهد كثير من الأعضاء يمدحونه ومتمكن باذن الله ..

اما الموعد بعد 8 شهور صدقني ماهو بعيد انا جلست في مستشفي العسكري اكثر من 4 سنوات عند حيدر الشرفاء وآخر سويتها ع حسابي ..

المهم لا تشيل هم العملية او التكميم او تخاف لدرجة مبالغ فيها اهم شي الاستخارة والله يكتب لك اللي فيه الخير


انا أنصحك بالرياضة ماهو شرط تجهد نفسك لكن بعد العملية لازم تسوي رياضة بشكل يومي وحلو انك تسوي العملية وعندك لياقة راح ترتاح ..

ماهو لازم تسجل في نادي .. لو كل يوم تمشي ساعة في حارتكم حلو جداَ..

 

[شارمنج]

تعود علي الشوربا والاكل الصحي والمشي
وراح تفيدك هذه الشغلات بعد العمليه
الحمدلله انا فادتني جدا انا كاتبه تجربتي ادخل اقراها لعلك تسفيد معلومه

 

[أبوعادل]

حياك أبوهزاع
وإن شاء الله بداية الرشاقة
حاول هالأيام ومع دخول فصل الصيف
تعمل رياضات تتعود عليها بعد العملية
مثل السباحة والمشي
وكما ذكرو الأخوان والأخوات حاول
تتأقلم على الأكل الصحي من الآن
وربي يوفقك ويسهل لك طريق الرشاقة

 

[النهام]

الدكتور فهد لا غبار عليه وبالنسبه للموعد يروح مثل لمح البصر اهم شيئ انك هالحين تدرب نفسك على الحميه حتى تنزل لك كم كيلوا علشان بعد العمليه تكون تعودت على الاكل الخفيف ومعاه ما راح يصيبك هم ولا خوف من التسريب
والله يوفقك

 

[قمر15]

8 شهور فترة حلوه وكافية لعمل دايت منظم بأكل منظم أفضل لك من العملية لاني ما انصح فيها عيش طبيعي وسو نظام طبيعي لك بالتوفيق أخوي

انا توي انتبه لوزنك توكل على الله وسويها من جد حلوه انا من سويت العملية نزلت 17 كيلو الحين ولي شهر واشوي النفسية توب التوب نوم توب التوب الحياة الزوجية توب التوب قولو ما شاء الله

 

[ابو هزاع]

نبض الورد , فيصل الشهري , شارمنج , ابو عادل , النهام , قمر 15

شكرا على مروركم ونصايحكم تاج على رأسي
الحمد لله سويت دايت الشهرين اللي راحت ونزلت 10 كجم لان الدكتور قال لي ما فيه موعد عملية الا بعد ما تنزل وزنك .

 

[*ابو صالح*]

الله ييسر لك امرك

وغقبال ما تكتب
و انت مسوي العملية على خير وسلامة
ان شاء الله

 

[ابو هزاع]

مافيه نصيحة منا والا منا العملية قربت باقي عليها 5 ايام ان شاء الله