وعدت سنة تكميمية بحلوها وبمرها ولله الحمد .... شاركوني افراحي

[روما الاموره]

وعدت سنة تكميمية بحلوها وبمرها ولله الحمد .... شاركوني افراحي

السلام عليكم ورحمة الله وبركاته

بسم الله الرحمن الرحيم

زي اليوم كنت في المستشفى اخدت اهم قرار في حياتي اني انحف راح اتكلم عن حكايتي بالتفصيل

تابعوني ياغاليين.


نبذة عن حياتي قبل التكميم:[/[SIZE="
5"]
طبعا انا سمنتي بدأت بعد البلوغ مباشرة انا متاكده انو السبب الاول في سمنتي الاكل الاكل الاكل

وممكن كمان عامل السمنه بما انو ام امي سمينه وكمان امي وخالات امي وانا احسن منهم في ايش لا لازم

اتنيل اصير دبه زيهم Cant See Images

بصراحه كنت اكل بشراهه وانا من النوع اللي لما يزعل ياكل يمكن اغلبنا بنعاني من نفس المشكله

وهنا تكمن المشكله .

طبعا عديت فترة المراهقه كلها وانا اعاني من السمنه كنت مااحب اروح زوجات لاني للاسف اتعب على مالاقي

فستان يدخل فيا لدرجة اني صرت اروح الدوام وارجع وماابغى اشوف احد لاني مااحب احد يقهرني بكلامه

عن سمنتي حتى امي صرت اتجنبها لانها كانت تقولي خفي من الاكل حرام عليكي ارحمي نفسك

تعبت من اختي الكبيره اللي كل ماشافنا احد غريب تقولهم ترا هادي اختي الصغيره بس هي يبان عليها

اكبر مني لانها تخينه والله كل مره نفس الكلام زهقت وتعبت واتحطمت من كل الناس

مره اتقدمولي ناس عن طريق اختي لكن ردهم تعرفو ايش اهل زوجي اختي قالولهم لاااااااااااااااااااااا

لاتخطبوها تراها برميييييييييييييييييييييييل اه بجد اتحطمت مو لانو العريس شرد هههههههههههههه من الغوريلا

لا علشان كلام الناس الجارح ,كنت اقرأ في عين امي انتي شكلك ماراح تتزوجي بسبب سمنتك

لكن طبعا ربنا مافي اكرم منه شافني ولد خالتي وحبني وقرر يتزوجنا واقسم بالله كنت اشوف في عين الكل

هذا كيف رضي بيها صحيح انو ربنا اعطاني وجه حلو على كلام الكل ولله الحمد لكن ايش الفايده وجه حلو

وجسم يخوف وقيسو على ذلك كتير من العرسان يهربو والسبه السمنه .


مرحلة مابعد الزواج :

اتزوجت ولله الحمد وكان من حسن حظي انو زوجي يحب المليانين ومايحب النحاف صحيح كنت سعيده

لكن كان نفسي البس فستان الفرح وانا نحيفه وشكلي حلو صح الكل قال طلع شكلي جميل لكن بصراحه

ماعندي ثقه في نفسي بتاتا حتى زوجي لما قالي شكلك حلو اقول في نفسي رجال ماتقدرو ماتكذبوووو

صار معايا في فرحي موقف كرهني نفسي انا صار لي فرحين واحد في جده وواحد عند اهل زوجي في المدينه

المنوره الفرح اللي في المدينه كان حلو لكن في وحده تقرب لزوجي قهرتني لما خلص الفرح وجيت اخرج وزوجي

واقف معايا اللي فجأه تقول لزوجي كيفك واخس عليك ماتكلمنا وماتسال والله ولا فكرت تقول مبروك ليه

اما انا والله اعطتني هاديك النظره الحاقده ولا حتى قالتلي مبروك ولا السلام عليكم والله قريت في عينها

ولد خالي يسيبني انا وياخدك انتي انتي وبكيت بعد ماركبت السياره وقلتله ليش عاملتني كده قال والله

ماادري بس بكيفهم انا ماهمني الناس بكيفهم ومواقف كتير طبعا خلفت ولدين وزاد الوزن الى ان اصبح

كااااااااااااااارثه 121.6 ك وانا قصيره طولي 156سم يعني بالعربي قدر مضغوط

كنت اكره لما انزل السعوديه اجازه لاهلي لاني اتبهدل في الطياره بسبة الكراسي الضيقه

والحزام اللي يفشل والله كان زوجي يشدني علشان اقدر اخرج من الكرسي والحمام اكرمكم الله بالطول ادخلها

واشياء كتير تجيب القهر اكتر شئ المني كنت ماشيه في الشارع في جده الا وتجي سيارة شباب ويقولو

يادووووووووووووووووووووووووووووووووووووووووووووووو وووووووووووووووبه كلمه وموقف

مو قادره انساهم ابدا ولكن غيرووووووو حياتي بعد الله .


قرار العمليه:

طبعا رجعت امريكا وفي يوم كنت مكتئبه اكتر شئ من وزني وعدم احساسي بانوثتي واشياء كتير

وجالسه اقلب في اليوتيوب وبالغلط اشوف ديانا كرزون والمهم سمعتها تقول اسم دكتورها اللي عملها العمليه

وقلت خليني اشوفه بكل امانه ماكنت اعرف انو في عمليه سمنه غير تغير المسار المهم هو قال انو في امريكا

يعتبرو السمنه مرض وسبحان الله ربنا الهمني اني اتصل على التامين اللي عندي واسالهم هل تغطو عمليات

السمنه وكااااااااااااااااااااااااااااااااان الرد ايوه نغطيها ميه في الميه يالله مو مصدقه اخيرا حيتحقق دعائي

والله نطيت وبكيت من الفرحه والحمدلله تمت العمليه على افضل دكتور في الولايه اللي انا فيها وكلفت

109 الاف ريال سعودي طبعا مادفعت شئ منها ولله الحمد صحيح اني تعبت مررررررررررررره

لما قمت من العمليه والله كانت الالام اصعب من الام المخاض ولكن الحمدلله انا اليوم في قمة سعادتي

صحيح اني لما اصل للمثالي وبكل امانه انا السبب في ذلك لاني كانت اخبص واكل سكريات

وانصح اي احد مقبل على التكميم اياك والسكريات فهي السبب في ثبات الوزن وبطئ النزول

حياتي اتغيرت للافضل مع اولادي مع زوجي في حركتي في ثقتي بنفسي علاقتي مع الناس

التكميم فعلا بعد الله غير حياتي .اشكر الله تمام الشكر ثم اشكر زوجي اللي تعب معايا وساندني ووقف

بجانبي على طول الطريق وتحمل بشاعة جسمي ولا عمره جرحني الله يسكنه جنات النعيم ومايحرمني منه

ثم اشكر المنتدى واعضائه لانو اول منتدى تابعت فيه واتعلمت اشياء كتير منه ومن الاعضاء جزاكم الله

خير وماقصرتو لا معايا ولا مع غيري واخيرا وليس اخرا اسيبكم مع شوية صور بسيطه لي

بس للمعلوميه ترا انا نزلتها بس علشان التشجيع لا اكثر واخر طلب منكم ياريت تدعولي بالبركه

علشان العين حق اتفقنا ياجميلييييين احبكم في الله


هادا الدكتور اللي عملي العمليه

[IMG]Cant See Links[/IMG]


هادي اللعبه كنت اتمنى العبها مع اولادي بس طبعا من سمنتي كنت مستحيل اقدر

لكن الان العب معاهم واجري ويارب لك الحمد

[IMG]Cant See Links[/IMG]

وهادي صورتي قبل العمليه بوزن 121.6 ك

وبعد العمليه بسنة بالضبط بوزن 71.4 ك

[IMG]Cant See Links[/IMG]

مقدار الخسارة 50.2 كيلو

ماخلصت حكايتي لانو لسه باقيلي على المثالي 15 كيلو ويارب اقدر اوصلهم واي سؤال انا حاضرة

مع تمنياتي للكل بالتمتع بصحه ممتازة وبالرشاقه الدائمه ودمتم بحب .

ملحوظة:

مااحل لاي احد نشر صورتي في اي مكان ولا حتى في الواتس وهادي امانه اللي بغى يشوفها يجي المنتدى

وشكرا.

المصدر: منتديات رشاقة

 

[الدوبيه]

برافو عليك ماشاء لله
ان شاء الله تنزلين الكم كيلو الباقين وتتهني يارب

 

[منتهى الرقه]

ماشاء ا لله تبارك الرحمن
شي جميييل

يلا عقبااال المثالي لي ولككك

فالك الصحه والرشاقه

 

[ام وليم]

ماشاء الله عليك مبروك ياقللي الف الف مبروك على وصلك هالوزن نعمه من رب العباد الي من علينا بمثل هذي العمليه اللهم لك الحمدحتى يبلغ الحمد منتهاه

 

[ROLEX]

ماشاء الله تبآرك الله

ربي يهنيك وتوصلي لمبتغآك

تستآهلي ياعزيزتي ،،،

 

ماشاء الله روما
مسرع ما عدت السنة

تبارك الرحمن فرق كبير حبيبتي
يارب يتم عليك بكل خير وتكملي طريق الرشاقة لنهايته
ربنا يحفظك ويحميك من شر حاسد اذا حسد

 

[انا جنات]

مـــشاءالله تـــبارك الـــرحمن
إنـــجاز رهــــيبـــ بــرافـــووو عــليكي Cant See Images
الله يــتمم عـــليكي بـــالصحة والـــعافية يـــاربـــ
وعقـــبالــ عنـــدنا Cant See Images
دمـــتي بـــحفظ الـــرحمن Cant See Images

 

[سنديان]

ماشاء الله لاقوة الا بالله
ممتازة برافو عليك
ان شاء الله توصلي للمثالي بصحه وعافية يارب
عقبالي..مسويه التكميم من 11 يوم
دعواتك ^_^

 

[تووومي]

ماشاءالله تبارك الرحمن اهنيك من كل قلبي

 

[جودى 28]

ماشاء الله تبارك الرحمن

قرار ممتاز

فالك الرشاقة بصحه وعافية