اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 662
عيادة د. عدنان صباحي
عدد الضغطات : 5,731
عيادة الدكتور سالم الصواط
عدد الضغطات : 5,542
رشاقة للخدمات العلاجية
عدد الضغطات : 5,736

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,230عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,666هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,264توتر
عدد الضغطات : 3,416
عدد الضغطات : 0

"إصعد تحت" تكمم وبقولكم كل شي بالتفصيل الممل جدا(د.باسل السميط)

قصص وتجارب المتكممين

موضوع مغلق

 
LinkBack أدوات الموضوع انواع عرض الموضوع
قديم 05-18-2010, 04:37 PM   #1
عضو جديد
 
الصورة الرمزية E93aD-Ta7aT












 

 

آخـر مواضيعي

35 "إصعد تحت" تكمم وبقولكم كل شي بالتفصيل الممل جدا(د.باسل السميط)



السلام عليكم ورحمة الله وبركاته
ها شلونكم
يا مجرمين خليتوني اتكمم واقص معدتي Cant See ImagesCant See Images
بس ما عليه الحمدلله على كل حال
الحمدلله
وبقوووووووولكم سالفتي من اول ما فكرت اسويها للحين وانشالله بزودكم بصور جسمي يوم كنت متين ( يعني انت الحين اضعيف)
ولما بضعف
بس كل شي بوكته حلو
المهم نبدأ بسم الله الرحمن الرحيم
متى حسيت نفسي محتاج العملية
أنا من زمان متين (قايل شي يديد)
وما ابي اقوول كان عندي عادي بس مو لي درجة عملية
وعمري صغير توني 22 فكنت اسوي رجيمات ويا مكثرها سويت رجيمات اكثر من شعر راسي بخمس شعرات
وصمتت رجيمات ( اي يبا قمنا نصمم)
لكن ماكو فايدة
ولكني لله الحمد امتين بس رياضي يعني العب بالاسبوع 3 مرات كرة قدم ( حارس*Cant See Images)Cant See Images
لكن الحمدلله يعني ألعب
المهم
قبل سنة وجم شهر أستقمت أو إلتزمت يعني تطوعت وما اقوولها رياءا لكن لأنها مهمه بالسالفة وراح تدرون ليش
المهم كان وزني شحلاته 145 بس Cant See ImagesCant See Images
ومع الطلعات مع المطاوعة والملتزمين وتعرفون المطاوعة يحبون الأكل وخصوصا الحلو هههههههههههه
جك بم صار وزني 160 وشي
المهم هم كنت ادري اني متين ولكن يعني هم في تفكيري أنه بييلي يوم وبضعف
عموما
السنة هذي رحت الحج وبالحج رأيت العجب العجاب
طبعا رحت حملت رصيف
عندنا بالكويت يعني على الله مو شغل حملات
المهم وركبنا سياكل وقوراي وكل شي
أبي أعرف السيكل شلون شالني
المهم
ياكم الموقف المحزن
في طواف الوداع وبعد الصعاب الي حاشتني طول فترت الحج
بالسعي أبي واحد راعي كرسي ( ول جيييير) كرسي متحرك
أبي واحد يدزني
بس ماكو
الكل رافض Cant See ImagesCant See Images
يا عمي قمت اقوول حق واحد يبا اخذ 500 ريال ودزني
ورفض والله
المهم
وكتها لقيت واحد قال ادزك
الحمدلله دزني فرة وحدة يعني طواف واحد
جان يقولي يا خوك أنزل وأنا أعطيك 500 ريال
ونزلت بس ما عطاني التعبان
ودورت ودورت ولقيت واحد ثاني دزني اهو وصاحبة
دزوني فرتين وما قدروو علي
جان أنزل
والله وكتها جان أبكي على حالي
صج والأن وأنا اكتب الموضوع اتذكر الموقع وأبكي
وإلي قهرني مو بس أني كأني عالة على غيري
تخيلت باجر لو وديت أمي ولا أبوي العمرة أو الحج شلون منو بدز الثاني
والمفروووض أنا الي اشيلهم
تحبطت وشلت هم كبير
ورديت الكويت وقلت بضعف خلاص صحتي
والحمدلله نجحت وزاد وزني ههههههههه
لين وصلت لي 171
يا الله
شالسالفة لي وين أنا ماشي
وكان أبوي يقولي سوها وأنا اقووله لأ فيني شدة أسوي رجيم
لكن وين قعدت ويا نفسي وكلمت نفسي وقلت انت وين رايح
وين تبي توصل له
وقررت اسوي العملية
بعد ما قررت اسوي العملية
قمت ادور وايد بالنت عن العمليااات وجدا كنت مستنكر عملية التحوير
لأسباب عدة
ولكني كانت قافلة معاي وارتحت للتكميم كفكرة
ودورت ودشيت المنتدى الرائع هذا وقريت واستفدت
وقلت يلا فوقة
وروح حق 3 دكاترة عندنا بالكويت
اول شي رحت حق الدتور خالد الشرف
وبعدين رحت للدكتور الجار الله
وبالأخير رسيت على الدكتور باسل السميط ولأني سمعت عن سمعته الجيدة ولله الفضل
ولكن الي جذبا بالدكتور أنه كان مهتم فيني وكان وايد يذكر سلبيات العملية لدرجة اني بالبداية تحسفت اسويها
المهم الدكتور قالي ارجع وقعد مع عمرك وقول حق عمرك ( انت خلاص تصكرت البيبان بويهم )
وصج رديت وقعد مع عمري
وقلت لا يبا بسوي رجيم وبنجح انشالله وصمدت وطولت بالرجيم هذا لأنه كان اخر فرصة قبل ما يقصون معدتي
المهم الرجيم نجح وياي وطولت فيه لدرجة اني استمريت فيه 3 ايام بلياليهم
وفشل رجيمي
وذهبت الدقائق هبائاً كنثرورا ( يعني منثورا )
المهم دقيت على الدكتور وقلت له توكل على الله وحطي موعد العملية وحطي التاريخ 10 - 5 واهو يوم عمليتي
وصج نطرت
وطبعا انتو انتعرفون انه الواحد بينحرم من الأكل بعد سبوع فشسوي يا حلويييييييين
قمت كل يوم اختار مطعم
اتلذذ بالأكل
يوم جلييييز ويوم صيني ويوم ايطالي وكل يوم فاست فود بس حسافة
ما كليت برييييييييييد
والله مشتهي برد ( أيس كريم)
بس يلا ما عليه
وأقدمت على العملية ويوم العملية ودعت الأهل وكلمت الشباب والكويت كلها درت اني بسوي العملية
عكل الحريم الي تسوي العملية وما تقول حق احد ( افكار حريم)
فقلت لكل من على وجه البسيطة
المهم
بعد ما قررت اسوي العملية واللوية الي سويتها خلاص يوم العملية الاثنين توقعت اني ماراح انام
وفجأة نمت وشوي ولا أبوي يقيمني يقولي يلا
أنا: ها ..... ياعني خلاص
قال : يلا قوم خل اوديك ( حسيت انه مقدمني للإعدام)
وسوي جنطتي
وكل شوي يقولي ها حطيت الفرشات اقووله لأ يمكن يتأخر الوكت
لكن ماكو فايدة الوالد قاعد على راسي
المهم أخذني ورحنى المستشفى ووصلنا وأنا كل شوي دقات قلبي تزيد
والله حسيت اني راح اعدم
المهم
دخلت غرفتي
جان اتييبلي قميص العملية
قلت لها بصلي مو الحين ( اطلعت الديانة )
لا حول ولا قوة الا بالله
شر البلية ما يضحك
المهم لبسته وأبوي قالي يلا أنا بمشي وبييك وكت العملية
قلت أوكي وأنا بداخي أقول يرحم أمك اقعد ويايCant See ImagesCant See Images
لبست القميص مال العملية ورحت أتيدد وأنا أتيدد وألاحظ أن الباب مفتوح فقلت يمكن الممرضة تيي فجأة فقلت خل أصكرة وكنت وكتها قاعد اغسل اريولي للوضوء ودزيت الباب بيدي
شوي الباب قاعد يروح وروح وروح ما تصكر وتبطل من الصوب الثاني ( طلع الباب يتبطل من الصوبين )
جان أطيح طيحة مدوية هزت أرجاء المكان
المهم صليت صلاة المودع
وقعد بفراشي
وشوي اتييلي الممرضة وتقولي يلا لازم سوي أبرة الحساسية
هذي ابرة يشوفون جسمك يتحمل ولا لأ
المهم طقتني جان أصرخ
وتقولي هذا إبرة عيل انت شنو يسوي في opershion
بعد العملية عرفت أن أبريشن يعني عملية Cant See ImagesCant See Images
المهم
جان تقولي الممرضة يلا إفصخ
( أنا في بالي صج جسمي جميل ورشيق بس مو جذي أشكرة تقولي إفصخ )
قلت لها ليش
جان تقولي عشان نشيل شعر الصدر
قلت بابا عطيني الموس وأنا اشيله
جان تعطيني الموس وحلقت بروحي وبعدين شافتني وتقوول لا مو زين حلاقة جان اكشف بطني وتحلق لي ووكتها كانت امي معاي
جان تقول حق أمي : ماما ممكن برة شوي
جان أقولها ما خلى رجل بمرأة إلى كان الشيطان ثالثهما
طبعا انا صج مو فاضي لها بس الصراحة كنت خايف على شرفي
Cant See Images Cant See Imagesرجال أخر زمن
حلقت وكل شوي تنزل
وتنزل
وتنزل
وأنا كل شوي أقولها: العملية في معدة مو بريولي
المهم لما أوصلت عند مكان قلت لها
وقفي ..... Stop أنا أكمل
المهم كملت الحلاقة ونطرت ونطرت والوكت كان ماشالله يركظ
عمرة ما مر الوكت معي بهالسرعة
ويو خواتي وقعدوو عندي وجان تبجي أختي
قلت لها ما سويت العملية للحين
وفري دموعج
ويولي الممرضين وقالو يلا عملية

.وين وصلنا يا ربي.....Cant See ImagesCant See Images
إي لما قالوولي يلا عملية
وكتها او قبلها بشوي كنت توني متأقلم ويا الوضع وتوني إرتحت للغرفة
يوم يوني الممرضين للعملية اهني ردت الربكة وقلت حق امي ما أبي اروح
وقلت لها والله لو أنكم ما دفعتوا الفلوس والله كنت إنحشت
لكن ماكو مفر
هتروح فين يا عتريس
نمت بفراشهم وقاموا يدزوني وعندي أخت الله يهداها من دخلت قبل العملية للحين وأهي تبكي
رفعت العلم الأبيض معلن إستسلامي Cant See Images لا لا لا الأبيض مو هذا
وودوني
يوم رحت غرفة الإفاقة إهي نفسها الغرفة الي يخلونك قبل العملية
أول ما وصلت جان أقول للدكتور قلت: حلفت ما ادش انت أول Cant See ImagesCant See Images
قلت له دكتور تكفى بنجني.. اذبحني ... سو إلي تبيه لكن ما أبي ادش غرفت العمليات
قالي طيب وعطاني إبرة ونمت على طول بعدها ومرة وحدة صحيت
يمكن أخذت لحظة
أو أقل
قمت قالي الدكتور: مبروك خلصت العملية
وأنا أقول في بالي يمزح هذا توني طاقني الإبرة
بس صدقته يوم حسيت ببطني
المهم
في غرفت الإفاقة كنت أسمع يمي وحدة تقول
أييييييييييييييييييييييي .......ظهرييييييييييييييي
جان أقول شالسالفة
قالولي قاعد تولد
قلت لهم بشووف ... هههههه
طلعوني من غرفة الإفاقة بعدها وأنا بالطريق لغرفتني شافتني أختي وتبكي وتقولي ها صاحي
قلت لها لا مت ( شنو شايفتني يعني ) Cant See ImagesCant See ImagesCant See Images
المهم وصلت غرفتي ولا أشوف شكلي...
شنو هذا
فصخوني سروالي
يا فضيحتاه
ووكتها كان أبوي وياي
وتي الممرضة وتقول يلا يبي شيل بربيش مال بول
وكانت وحدة يتني يعد ساعتين
وكنت خلاص زهقت لدرجة اني ما اقدر انطر
قلت لها منو بشيله ....... قالت: انا
قلت : نو حبيبتي فورقيت ( يعني أنسي )
جان تقول دكتور في عملية وباجر شيل بربيش بول
قلت لاااااااااااااا
ما فيني صبر
Cant See ImagesCant See Images
قالت أنا شيل
قالي أبوي خلاص خلها تشيلك ياه كله بربيش
جان أقولها خلاص يلا شيليه
وقتها كنت فاكر أن البربيش هو غطاء حاطينة على الذكر يعني
لكن الله لا يراويك الألم يوم شالوه
طلع ............... يدخلونه وأنتو فهمو الباجي
طبعا البنات ماراح يحسونها صح
الشباب بحسون بمعاناتي وكتها
Cant See ImagesCant See Images
والله ألم
يوم شالوه لكن بعد شنسوي
وراها طقوني مسكن ومنوم ومهدئ ومموت وكل شي طقوني أبر
ونمت وخلصت ليلة العملية

يوم قعدت بالمستشفى بعد العملية مرت علي لحظات عصيبة
ههههههه
زهقت ومليت من المستشفى
وفي ممرض كل شوي ايلي وحارقة انا ييبلي مسكن
وييبلي منوم وحرقته صح
ويوم من ايام كان وقت يشيلون بربيش الدم الي داخل البطن
وأنا رافض يشلونة الى بتبنيج كامل ( على كيفي )
المهم وكتها امي راحت اتشووووووف وتدفع الحساب
وانا اهني نمت ناطر ايوون يشيلونه عشان امشي واطلع واروح بيتنا
وانا نايم مرة وحدة صحيت على صرخة وااااااااحد قعد الدور كله
صرخ كأنه صرخت واحد بموت
وشوي أسمع حريم يبكون
( في بالي شالسالفة) طبعا طنيت العافية
شوي صوت واحدة تبجي وصوتها كل شوي قرب من الغرفة وقرب وقرب
وتقووووووووول : يما وليييييييييدييييييييي شوي ودش عندي الغرفة
ولا تطلع امي
ههههههههههه
أول ما دخلت الغرفة ولا تنصدم واهي تبجي
شافتني نايم .... انصدمت لكن للحين تبكي
هههههههه
يما شفيج ....
تقووول عبالي شالوو منك البربيش وانت الي صرخت
وطلع واحد عنده عملية بريله بركبته وواحد من اهله بيتغشمر معاه فطقه على ريله
امحق غشمرة
وبس
ولي اهني انتهت قصتنا وننتظر احداث جديدة قادمة


 

__________________
الهدف الأول ....... 140 يعني 31 كيلو

E93aD-Ta7aT غير متواجد حالياً  
a
قديم 05-18-2010, 04:52 PM   #2
فتفوته











آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

هههههههههههههههههههههههههههههههههههههههههههههههههه ه

والله مت ضحك

الحمدلله على السلامه وربي عداك الشر ان شاء الله

واحلى مقطع يوم تقول (( صرت مطووع )) الدين حلوو والالتزام احلى

وربي يسهل امووورك يارب

Cant See Images

 

 
a
قديم 05-18-2010, 05:01 PM   #3
عضو جديد
 
الصورة الرمزية E93aD-Ta7aT












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

حياج الله فتفوووووووووته
وشر البلية ما يضحك
الحقيقة مرات تضحك اكثر من المسرحيات

 

__________________
الهدف الأول ....... 140 يعني 31 كيلو

E93aD-Ta7aT غير متواجد حالياً  
a
قديم 05-18-2010, 07:10 PM   #4
مزاحم الحسان











آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

ماشاء الله عليك والله يتمم عليك الصحه والرشاقه

 

 
a
قديم 05-18-2010, 08:00 PM   #5
عضو ذهبي
 
الصورة الرمزية مسلم سعودى












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

حياك الله وبياك اخوي
وزنك نفس وزني قبل وان شاءالله كلها مساله وقت وتشوف الرقمين وفالك الرشاقه والعافيه

 

مسلم سعودى غير متواجد حالياً  
a
قديم 05-18-2010, 09:00 PM   #6
عضو ذهبي
 
الصورة الرمزية tota












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

الحمد لله على سلامتك اخوي و فالك الرشاقه

 

__________________
D 10 -42 KM - In progress
tota غير متواجد حالياً  
a
قديم 05-18-2010, 09:10 PM   #7
مؤسس المنتدى












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا



يا هلا والله باخوي

قصتك جدا رائعة

وسردك ظريف

اتمنى لك التوفيق

والرشاقة وانت بصحه وعافيه

 

__________________
سبحان الله والحمد لله ولا اله الا الله والله اكبر
قصتي مع نزول 57 كيلوا
المثابر غير متواجد حالياً  
a
قديم 05-18-2010, 09:25 PM   #8
عضو مشارك
 
الصورة الرمزية قلب ابيض












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

الله يتمم لك الصحة ..وراح نقرأ موضوع لك بعد التكميم بكم شهر ايش صار وياك وكيف اولزن معاك

 

__________________
ان مرت الايام ولم تروني فهذه مشاركاتي فتذكرونـــــــــــــــــــي
وان غبتُ ولم تجدوني اكون وقتها بحاجه للدعاء فدعو لي ولاتنسوني
قلب ابيض غير متواجد حالياً  
a
قديم 05-18-2010, 11:44 PM   #9
عضو مشارك
 
الصورة الرمزية روع ـــه












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا


الحمد لله على سلامتك Cant See ImagesCant See Images

ههههههههههههههههه اسلوبك حلووو

كمل القصه بسرعه بليييز Cant See Images

 

روع ـــه غير متواجد حالياً  
a
قديم 05-18-2010, 11:55 PM   #10
VIP
 
الصورة الرمزية الدوبيه












 

 

آخـر مواضيعي

افتراضي رد: "إصعد تحت" تكمم وبقولكم كل شي بالتفصيل الممل جدا

ههههههههههههههههههههه ضحكت على الموقف الأخير

ماشاء الله الله يهديك ويهدينا جميعاً
وان شاء الله تفرح بنزول وزنك ويفرحون اهلك وهالتعب كله مب رايح هدر ان شاء الله

اي سؤال ولا استفسار احنا جاهزين بالرابطه

 

__________________
أجمل لحظه






فَسَبِّحْ بِاسْمِ رَبِّكَ العَظِيمِ .

اوسمتي

الدوبيه غير متواجد حالياً  
a
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
"سبق" نشرت عن حالته "مركز أبحاث السمنة "في الرياض يتكفل بنقل وعلاج علي السناني مثالي استراحة الأعضاء 7 05-15-2013 04:12 AM
حلمي وبأذن الله سوف احققه """""" ام جوان2 قصص وتجارب الحميات والريجيم 19 12-09-2012 08:58 PM
عااااااجل : إقالة وزراء "الخارجية" و"الداخلية" و"العدل" و"البترول" خلال ساعات افرجها يارب استراحة الأعضاء 7 03-01-2011 10:48 PM
"جنرال موتورز" تبحث عن موديلات قديمة لـ"شفروليه" و"جي أم سي سوبربان" في السعودية Tobaaz استراحة الأعضاء 7 10-22-2010 04:01 PM
صاحب اكبر موقع "للأغاني الشعبية" يعلن "توبته" ويغلق " موقعه" الوافي استراحة الأعضاء 4 02-16-2010 04:17 AM


الساعة الآن 11:41 AM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52