عمليتي جزء تدكيك وجزء قص

[جلنار222]

عمليتي جزء تدكيك وجزء قص

السلام عليكم ورحمة الله وبركاته
احب اعرف عن نفسي اسمي ريم كانت لي مداخلات على بعض الردود بالنسبه لعمليه قص المعده
انا من كنت ياهل كنت ضعيفه لين صار عمري 9 سنين بس كنت دوم مريضه من التهاب اللوز المتكرر عقب حددو لي عمليه قص اللوز والحمد لله سويت العمليه وافتكيت من الحمى والمرض المزمن بسبب التهاب اللوز
المهم قصيت اللوز من هنيه وبديت انتفخ من هنيه على كل حال عائلت ابويه ماشاالله مربربين المهم ماكنت اهتم ترى كنت صغيره ونحن عندنا الشخص المربرب يعني ماشاالله بخير وتميت اتمادى تضيق الملابس اجيب غيرها اوسع وتميت اوسع لين ماتوسعت عليه على الاخر خخخخخخخخخخ المهم مرت سنين وجات سنين خلصت دراسه اشتغلت عقب عرست عقب هوب صرت 117 كيف صار ماصار مادري غير جي ترى لي محاولات كثيره عشان اضعف شي رجيم شي جيم رياضي تكسرت ريولي وماضعفت شي حبوب شي مركز مكه وشي حبوب زين الاثاث
غير المشروبات كل الانواع شي اعشاب المهم ماخليت شي ماجربته بعد ماعرست طبعا زوجي ضعيف رشيق وعاده انا بطه ماشاالله حاوولت احمل ماقدرت بسبب السمنه غير انها كانت مخربطه الدوره من ايام ماكنت بنيه وتتاخر بالاشهر وماتجي الا بالادويه المهم قلت يالله كل شي نصيب بكره بحمل بعد شهر بحمل وامتدت الايام والشهور والسنين عندي تكيسات ومشاكل ثانيه
نجي الحين للسكري اكتشفت انه عندي سكري وكلسترول وضغط طبعا وراثه بعد بحكم عائلتنا ماشاالله غنيه على كل حال كان السمنه العامل االاول بكل مشاكلي ويشهد الله اني ماخليت باب ماطرقته عشان اضعف بس ماشي فايده جسمي جي طبيعته صارت لي مشاكل نفسيه كثيره وصحيه وجسديه غير الشكل الي ماصرت اعرف انا جايه ولا رايحه والملابس ماسير مكان يسر خاطري واحصل شي يناسبني حتى المعارض لو افكر اشتري شي حلو هديه لربيعتي الرشيقه اول مااسالهم عن السعر على طول يقولون ها مابيجي قياسج زين صبرو مب ضروري لي ترى باخده لربيعتي يحطموني حتى لو مريت بالمعرض قسم الاعشاب من شافني قال هدا الاعشاب زينه عشان التخسيس تحطيم مقطووووع النظير بس انا اطنشهم بس من اتم بروحي اقول صج انا لين متى بتم جي على كل حال فكرت بالعمليه من سمعت عنها قبل سنتين ثلاث سنين تقريبا المهم قلت خلاص عمليه المشكله كانت اسعارها مرتفعه جدا قلت يالله بتم احو ش احوش عشان ايمع قيمة العمليه المهم اجمع من هنيه تطير الفلوس من هنيه اجمع من هنيه تطير مره ثانيه لين قبل شهر الحمد لله اكتتمل المبلغ بس بعد ماوصل 40 الف قلت خليني ادور ودورت وسالت وتعرفت على بنات سو العمليه بالعين عند الدكتور علي الفردون المهم سرت له وتكلمت وياه وايد قال بنسوي لك العمليه 26 الف درهم شامل كل شي قلت الحمد لله انحلت مشكله الفلوس الحين ماعندي اي مشكله بعد ماصليت استخاره ادري بتعب اول اسبوع اسبوعين شوي بس عقبها برتاح عقب ثلاثين سنه تعب ومرض وسيره ورده حبيت اخبركم قصتي وهده القصه اعتقد مكرره لاي وحده سوت هالعمليه لانها ماسوتها عبث اكيد عانت وايد وبما فيه الكفايه حتى وصلت لهالقرار على كل حال اخواتي عمليتي بادن الله بتكون بتاريخ 2/6 وقبلها بيوم بترقد طبيعة العمليه بتكون طي جزء من المعده الي فيه الانزيمات عشان مايكون عندي نقص بالفتيامينات وقص الجزء الاخر من المعده او قعر المعده حتى يتساوى مع الجزء المطوي وبجي بكون حافظت على الفيتامينات وتخلصت من كبر المعده والجزء المسول عن الجوع وبتنفخض التسريب مع انه نسبه التسريب الحين بالعمليات يعتبر معدوم هده طبيعة عمليتي واتمنى منكم تدعون لي بالسلامه انا كنت اتابعكم بس قلت بكتب قصتي لما يتحدد كل شي وموعد العمليه وان شاالله بعد العمليه بخبركم من اصير بخير واتعافى واتمنى السلامه من الله ودمتم بود .حبيت احط قصتي هني بعد للاستفاده واتمنى الكل يدعي لي
اختكم ريم Cant See Images

Cant See Links Cant See Links Cant See Links

المصدر: منتديات رشاقة

 

[موظف فحص]

الله يقومك بألف سلامه يا اختي ريم.
توكلي علي الله وهو نعم وكيل.

ربنا يرزقك بخيرها ويبعد عنك شرها إن شاء الله

 

[ahmed920]

نصيحتي لك
اول شي استخيري ثم استخيري ثم استخيري
ثانيا هل فيه احد سوى العمليه قبلك إذا نعم اقري عنها وعن مضاعفتها لأني أخاف تجمعين مضاعفات التكميم والتدكيك ويا بعض

 

حياك الله ريم ..

الله يتمم لك على خير وتقومين بالسلامة ..

اعتقد العملية المناسبة لك هي تحوير المعدة بالنظر للمشاكل الي تعانين منها

او قص المعدة (السليف )

لكن تدكيك جزء وقص جزء ماقد سمعت احد سواها ..والتدكيك تعتبر عملية فاشلة للاوزان الكبيرة

شوفي د.عبدالسلام الطائي في ابو الهول افضل لك

 

[ياربي فرجك]

تدكيك!
اختي استخيري ولاتستعجلين التكميم كافي ان شاء الله وتقدرين تعوضين فتمينات بعد العمليه لفتره بسيطه يعني اشهر وماراح تكونين بحاجة الفتمينات ان شاء الله
اما بالنسبه للتحوير اعتقد ماتنفع للبنت والحمل هذا من غير انك.طيلة حياتك بحاجه لفتمينات
الله يكتب لك اللي فيه خيره لك ومشورتي ورأي انك تعملين تكميم فقط

 

[سنديان]

الله يكتبلك الخير أختي ويوفقك لما فيه خير وتجي تبشرينا بسلامتك ان شاء الله

 

حبيبتي.
ربنا يكتبلك الخير أينما كان.
انا اوافق د.كيف فيما قاله حرفيا.

السكري والضغط والكوليسترول مؤشر للتحوير او علي الأقل للتكميم.
حتي تحلي المشكله حلا جذريا.

طمنينا عليك وخلينا معك في الصوره.
ولو انتي قررتي فعلا تعملي العمليه الغريبه اللي بتقوليها..
ياريت تنزلي لنا صور لها حتي لو من مواقع اجنبيه.
للإطلاع والمعرفه.

 

[كيكه]

الله يقومك بالسلامة ربيعتنا ريم بس من جد اول مره نسمع عن نوع جراحه مثل هذي وتري التدكيك بحد ذاته يعتبر شئ جديد في عمليات السمنة وتعرفين أختي أي شئ جديد يحتاج وقت علشان تبان نتائجه فما بالك بتجمعين بين عمليتين أخاف تجمعين مضاعفات الثنتين لاسمح الله أنا أنصحك فكري زين واستخيري وأحس حالتك ممكن بالتكميم تنجح كان حبيبي علشان الفيتامينات ماتستخدمينها مدي الحياة وهي فتره وتعدي وترجعين طبيعي بالأكل مثل باقي الأخوات والإخوان والواحد لو حافظ من البدايه وأخذ الفيتامينات ونوع بالأكل من كل شئ شوي وتابع مع دكتور تغذيه القصد يعرف وش ناقصه ويتابعه ويعوضه أما إبر فيتامينات او حبوب واعتقد إبر افضل وأسرع وامشي وسوي رياضه لو بسيطه علشان تحافظين علي نسبة العضل بالجسم ويزيد ماينقص ويكون النزول صحي وبالنسبة للشعر استخدمي الأمبولات حقت التساقط وحمام زيت وكأنك تصبغين استخدمي صبغه صحيه مافي أمونيا او قليله نسبتها وأنشأ لله بتكونين تمام وكل شئ له حل وفتره وتعدي انشالله ونعوض اللي خسرناه أثناء نزول الوزن يعني حنا برايك الحين صحيين وكلنا فيتامينات والله ما بنا زود إلا نفخه علي الفاضي الله يخلف بس وكان ودك بتحوير أحس ينفع معك بعد ويبكون نزول اسرع بس الله يعينك عيبه تحتاجين فيتامينات مدي الحياة وربي يدلك علي اللي فيه خير وصالح وطمنينا عليك وعلمينا وش اخترتي وفي حال سويتها لاتنسين تطمنينا وحنا بندعي لك

 

[كيكه]

إخواني ادعوا لي موعدي مع دكتور التخدير اليوم الظهر وكان أموري طيبه انشالله جراحتي الأحد الصباح ولا تنسوني من دعائكم ثاني موعد للعمليه والله يسهل

 

[جلنار222]

مرحبا بكم جميعا والله ييسر الامور ادري العمليه غريبه شوي بس احسها احسن من القص الكامل على الاقل تخف مخاطر التسريب وفي ثنتين مسويينها اعرفهم وحده من كم شهر والثانيه قبل اسبوعين
وامورهم بالسليم على كل حال اليوم بتكون فحوصاتي وبقابل الدكتور وبشوف شو الانسب عمليتي ان شالله لو ماصار اي طارى بتكون في سته اثنين والاخت كيكه اسمك يخرب اي عمليه هههههههههههه
بس اهم شي ماتكون كيكه بالكاكاو مااحبها بالفراوله ولا الفانيلا ماشي الحال
وعسى الله يشفيك وتقومين بالسلامه وشكرا لكل من رد عليه