اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 658
عيادة د. عدنان صباحي
عدد الضغطات : 5,202
عيادة الدكتور سالم الصواط
عدد الضغطات : 5,038
رشاقة للخدمات العلاجية
عدد الضغطات : 5,123

العودة   منتديات رشاقة > منتدى العمليات الجراحية > قسم تكميم المعده ( السليف )
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 4,723عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,147هدية رشاقة- جدول نزول الوزن المتوقع بعد العملية بشكل شهري
عدد الضغطات : 4,723توتر
عدد الضغطات : 2,887
عدد الضغطات : 0

كيف اقنعت اهلك بالعملية رغم رفضهم الشديد

قسم تكميم المعده ( السليف )

إضافة رد

 
LinkBack أدوات الموضوع انواع عرض الموضوع
قديم 01-21-2013, 09:51 PM   #1
عضو مشارك












 

 

آخـر مواضيعي

افتراضي كيف اقنعت اهلك بالعملية رغم رفضهم الشديد



كنت اتمنى قبل مااسوي العملية اشوف موضوع عن تجربه شخص او اشخاص اقنعوا اهلهم بعد رفضهم الشديد
الحمدلله انا سويت العمليه بعد رفض اهلي الشديد وحذكر تجربتي كيف اقنعتهم مع رفضهم الشديد
واتمنى يكون الموضوع عباره عن تجاربنا كيف اقنعنا اهالينا بزات اللي كانوا اهلهم رافضين رفض شديد لتعم الفائده واللي نفسه يسوي العملية يقدر يستفيد مننا ...

بسم الله نبتدي تجربتي في اقناع اهلي مع رفضهم الشديد ..
اهلي في البداية كانوا رافضين العملية بكل انواعها وانا اصلا العمليات ماكانت في راسي من سليف او الحلقه او التحوير ... في كم وحده من اهل امي مسويين عملية التحزيم ونحفوا في يوم كنت خاجة من اخصائية التغذيه قلت لماما دي اخر محاولة ان ماقدرت انجح فيها ابغى اسوي التحزيم قلت طبعا التحزيم لاني ماكنت اعرف شي عن التكميم ماعلقت على الموضوع فعلا التزمت بدايت اخصائية التغذيه اسبوعين بس وبعدها فشل ودارت الايام ووزني في ازدياد جاتني بعثه خارج المملكه طبعا وزني ازداد بصورة كبيره وفي مدة قصيرة بسبب الفاست فود سرت ادعي في صلاتي انه ربنا يفرجها عليا وانحف بصحة وعافيه في يوم ماما اتصلت قالتلي ايش رايك تسوي عملية التحزيم طبعا فررحت فرح شديد وابتديت ابحث في الانترنت استوعبت وزني ابدا مايناسبه الحلقه يالتحوير يالتكميم والتكميم افضل بما اني لسا بنت وابتديت اقرا في منتدى رشاقة كل المواضيع عن التحزيم والتكميم كلمت ماما على اساس قالتلي شوفي دكتور كويس قلتلها بصراحه ابغى التكميم طبعا كانت المكالمة في التلفون قامت قالت هيا كلمة وحده ياتحزيم يا مافي قلت حزام حزام واخترت الدكتور كان عدنان الصباحي رجعت على السعوديه على اساس تاني اسبوع عمليتي الله ماكتب من يوم ماحطيت راسي على سرير في المستشفى ابتدت الهواجس معايا الا قمت اصلي استخاره وادعي ربنا اول ماسلمت ابتدت معايا كحة مره قوية وكانت كل ساعه تزيد اتصلت باهلي قلتلهم ماابغى اسوي العملية معايا كحة واخاف لايسير شي بعد العملية قالولي طيب خلاص وبابا طبعا ارتاح لانه كان رافض بس ماما كانت تقنع فيه انه مافي قص في المعده ولا شي اتصلنا بدكتور عدنان قال عادي ومافي مشكله يحسبوني كنت ادلع بالكحة المهم صممت وخرجت من المستشفى واخدت الفلوس ماجا الليل الا وانا درجة حرارتي ارتفعت والله يكرمكم سرت استفرغ من شدة المرض عرفت انها الخيره
رجعت وحاولت في دايت لمدة تلات شهور نزل وزني بس طبعا باقيلي مرررررررره كتير وفرحت بالنزول ونسيت الرجيم ورجع وزني اضعافه وانا واهلي شلنا فكرة العمليات قبل ماارجع على السعوديه عرفت اني لازم اتحرك من جد دي المره سويت رسالة وكتبت اجابيات وسلبيات العمليات كل عملية وارسلتها لماما في الوتس اب ولما رجعت السعوديه في رمضان الا شوفت نفسي مره شكلي مكئب قلت خلاص ابغى ارجع اسوي التحزيم لماما طبعا قلت التحزيم بس دي المره وانا في راسي التكميم وكل يوم افتح على طارق وهيونة واقولها شوفي ماشاء الله يوم عن يوم هيا الشعيبي بتنحف ماشاء الله مافيها اي مشكلة وافتح على الهام الفضاله واقولها دي مسوية تحزيم شوفي كيف نحفت طبعا نجي لاهم شي كنت كل يوم اصلي ركعتين لوجه الله واطلب من واسع فضله وانا ساجده اقول يارب مثل ماحطيت في قلبي راحة للتكميم حطها في قلب اهلي واقنع ماما في العمليه وقرب من اجابياتها وابعد عن سلبيات العمليه يارب انت عندك ملكوت السموات والارض ياكريم فرجها عليها .. في البداية مااخفيكم سرا ماما كانت كل مااقولها على التكميم تقولي انتي لا بنتي ولا اعرفك لو فتحتي الموضوع تاني تحزيم ولا خلاص انا قابله فيكي دبه وانا ابدا مايئست رمضان كله وانا ادعي الله في كل وقت وقت الفطور اصلي وادعي في سجودي طبعا كنت ماشيه في موضوع التحزيم ظاهريا واتصلت دي المره على الدكتور يوسف على عاشر رمضان احجز موعد قالولي انه اجازة واخدت موعد بعد العيد طبعا كل داعلى اساس تحزيم قدام ماما لانها ماتبغى تسمع شي عن التكميم ولو قلت بس تكميم تسيب الغرفه اللي انا فيها او تخاصمني وتبهدلني وانا لازلت اسجد لربنا وابكي واطلب من ربنا جا موعد الدكتور قبلها بليله قرات سورة البقره ودعيت وبكيت وطلبت من الله رحنا تاني يوم دخلنا على الدكتور سالته طبعا عن التحزيم عشان ماما معايا قام قال انا بطلت اسوي الحزام لانه مشاكله كتير وسالني عن اكلي وشاف وزني قالي دامك مو مره مع الحلا التكميم كويس بزات انك لسا بنت واتكلم عن التكميم وانا بيني وبين نفسي فرحانه واقول الحمدلله حسيت انه ابتدى ربنا يبشرني بالخير وحيسير اللي انا طلبته من رب العباد طبعا ماما جالسه قدامي كان باين عليها التوتر تساله عن التسريب قال احنا بناخد الاجراءات قبل العمليه عليها تجلس على السوائل ثلاث ايام عشان عضلة المعده ترجع لطبيعتها واقدر احدد مقاس الدباسه اللي استخدمها وقلها انا الحمدلله ماسار معايا ولا حالة تسريب (ماشاء الله ) وحالتين بس نزيف سارت عندي وعالجناها نزلنا من عند الدكتور ماما ضيعت الطريق من التوتر اللي سارلها وانا سرت ادعي واحاول اتكلم عادي رجعنا البيت كانت رافضه حتى تسمع العمليه بس بعد الالحاح سارت تسمعني مع انها لسا رافضه سرت ابكي واشهق اقولها شوفي عمري انا عمري مافرحت وسرت زي البنات لبست ملابس بعمري انا طول عمري دبه قالتلي انا اخاف عليكي انتي سمعتي ايش قال الدكتور قال ممكن تجي جلطة في الرئه قلتلها ومو ممكن الا اكيد حتجيني جلطة وانا بدا الوزن دحين انا الحمدلله ماعندي امراض انا اخاف بكرى يجيني سكر ولا الضغط اللي عندي يسير مرض كل الناس تسوي العملية ومافيهم شي الحمدلله سارت تدخل على الانترنت تقرا عن العمليه وهيا تقرا انا اروح ادعي ربنا اسجد وابكي بس يوميها لسوء حظي كان محطوط موضوع عن عميد المتسربين في المنتدى هنا انا فاكره بس ايش ينادوه الاعضاء بس ناسيه نك نيمه حاليا تاثير العمليه الزهايمر شغال معايا دي اليومين وقريت انه جاله تسريب وجلس في المستشفى وموضوع تاني كان عن التسريب رجعت رفضت سرت اقنعها انه الدكتور البوق ماشاء الله انسان متمرس وماسار معاه اي حالة خطيره كل دا وانا مانسيت الدعا والله والله شاهد عليا كنت كل ماادعي ارجع القى ماما شويا لانت وسارت تسمعني اكتر خلال اسبوعين ماما اقتنعت واللي خلاها تقتنع صحبتها تبغى تسوي العمليه ..
جا دور الوالد الله يحفظة طبعا قالتلي انتي اقنعيه الوالد جلست معاه حول الشهرين والنص اقنع فيه وكان رافض رفض تااااااااااااااااااااااام وانا والله ماسيبت الدعا ابدا طبعا ماما ماساعدتني ابدا في اقناع بابا انا كنت بين فترة وفتره اروح واجلس ابكي قالي اوديكي تشيك اوديكي اي مكان بس انسي العملية (ياحبي لاهلي الله يخليهم ليا خايفين عليا ) وانا مانسيت الدعا في لحظة مااكون كدابه في دي الفتره ابتدى اليئس بدخل في يوم خالتي جات تقولنا انه شافت صحبة ماما مررررررررره نحفت وشكلها سويت عملية تكميم ماما اتصلت تسال صحبتها طلع كلام خالتي صحيح اصريت على ماما تعزمها في البيت عشان تشوف الفرق بعينها وتقتنع اكتر لانها كانت مبسوطة انا بابا رافض بس الله قادر على كل شي جات صحبتها سويت لها استقبال كامل عشان ماما ماتتحرك من عندها ابدا ماما شافت الفرق جات تحكي بابا انه صحبتها نحفت وكدا بالتكميم سار يسكت في يوم صليت ركعتين وفي كل سجدة دعيت الله وبكيت وقراءت سورة البقره وروحت لبابا تاني يوم ابكي واقوله ابغى اسوي العمليه قالي مالي شغل فيكي وامك مسؤولة عنك ان سارلك شي قلتله انا مسؤولة عن نفسي انا ماابغى منكم غير تدعولي وبعدها طلعت نورا السباعي الممثله المصريه قلت لبابا دي نحفت بعملية سمنة بس مهي مبينه مدري ليش وسرت افتح اليوتيوب على تجارب ناس نحفوا لاهلي كلهم حتى اخواني ومانسيت ابدا الدعاء
والحمدلله والحمدلله والحمدلله بفضل من الله سبحانه وتعالى ثم الدعاء غيرت افكارهم وسويت العملية وبابا وصل ماما للمستشفى وطلع شافني قبل ماالبس لبس العمليات وماما جلسة معايا طول الفترة في المستشفى وبابا بعد العمليه جاني وكان متاثر اني تعبانه حتى الايام اللي بعد العملية تعبت فيها هبوط ضغط الدم وهبوط السكر كانو خايفين عليا ولا احد فيهم قالي دا اللي انتي اخترتي واستحملي لا والله كانو واقفين معايا الله يخليهم ليا
مافي شي مستحيل مع الدعا في اشخاص كتير محتاجين للعملية وماقدروا يسوها عشان اهلهم رفضوا رفض تام .. انا حكيت جزء من قصتي واتاكدوا انه اهلي كانوا من اشد المعرضين لانهم ماكانوا يسمعوا الا فلان سوا العملية ومات وفلانه ماسارت تمشي الله فرجها عليا الحمدلله اللي محتاج للعملية لايكسل في الدعا وقراءه القران وصدقة الله خلق السما والارض وكتب الاقدار قادر انه يغير افكار شخص بس بالدعا
يارب موضوعي يقدر يفيد اي شخص محتاج يغير راي اهله عن العملية
واتمنى انه اللي واجهته مشكله مع اهله يكتب تجربته
واعتذر لاني كاتبه باللهجة العامية بس عشان اكتب اللي مريت فيه بكل صدق واوصف مشاعري


 

قثبات الثكر غير متواجد حالياً   رد مع اقتباس
a
قديم 01-21-2013, 10:36 PM   #2
عضو فضي
 
الصورة الرمزية جودى 28












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

انا امي رفضت وبس لمن شافت حالتي تعب ولااقدر اتوظف ولا اشتغل في البيت

قالت ودعتك الرحمن يحفظك ويردك لي سلامه والله يقدم كل خير ويصرف عنك كل شر

قصتك جدا مثيره متعكي الله بصحه وعافيه
فالك الرشاقة بصحه وعافية

 

__________________
اللهم ارحم والدي ووالد والدي وادخلهم الجنه بغير حساب ولا سابق عذاب
جودى 28 غير متواجد حالياً   رد مع اقتباس
a
قديم 01-21-2013, 11:26 PM   #3
عضو مشارك
 
الصورة الرمزية noran












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

مؤثرة قصتك ..
الله ينحفك بالصحة والعافية ويحفظلك والدينك ياااااارب ..
انا امي متخوفة جدا جدا لكن عارفة اني اعاني وماتبي تمنعني ..
فلما قلتلها تضايقت واكتئبت فترة وشايلة هم
بعدين قالتلي بصريح العبارة شوفي انا مااقدر اوافقك واشجعك على العملية ولا اقدر امنعك من شي يمكن انه فاتحة خير عليك كل اللي املكه لك اني ادعيلك ان كانت خير الله يقربها لك وان كانت شر الله يصرفها عنك
وحبيت على راسها وقلتلها هذا اللي ابيه منك
الله لايحرمني منها ويكتبلي الخيرة المباركة
الرفض الشديد من زوجي ولا يبي اتناقش معاه بالموضوع اصلا
الين وريته فيديو لعملية اجراها الدكتور عايض القحطاني لخالد زهير وزنه 200 كيلو غرام
وطبعا بالقوة رضي يشوف الفيديو واترجاه يكمل الفيديو ابيه يستوعب الفكرة وكأنه الحمدلله بعدها بدأ يتقبل الموضوع ..
والله يسهلها علي وعلى جميع المقبلين للعملية ان شاءالله

 


التعديل الأخير تم بواسطة noran ; 01-21-2013 الساعة 11:33 PM
noran غير متواجد حالياً   رد مع اقتباس
a
قديم 01-22-2013, 01:04 AM   #4
عضو جديد
 
الصورة الرمزية فتاة الثلج












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

أنا الحمدلله ما أخذت رأي أحد حطيتهم قدام الأمر الواقع ^ـــ^

والله لو ماخذه رايهم ما يسمح لي احد

 

فتاة الثلج غير متواجد حالياً   رد مع اقتباس
a
قديم 01-22-2013, 01:13 AM   #5
عضو جديد












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

انا لما سويت العمليه وطلعت من المستشفى قلت ل امي وزعلت مني مره بس لما شافتني طيبه وامشي. رضيت ومأخذت معايا مرافق الازوجي هو الوحيد الي عارف الموضوع وللحين ماحد من اقربي يدري الأمي واخواتي. حتى ابوي واخواني العيال مايدرون. كيف بس وش رايكم فيني

 

أم روينا غير متواجد حالياً   رد مع اقتباس
a
قديم 01-22-2013, 02:20 AM   #6
عضو برونزي
 
الصورة الرمزية LoOotus












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

ريحت راسي وما خذت راي احد

هذا جسمي وهذا قراري الشخصي

 

__________________
LoOotus غير متواجد حالياً   رد مع اقتباس
a
قديم 01-22-2013, 04:22 AM   #7
نائبة المشرف العام سابقا
 
الصورة الرمزية كلبز












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

قصة معاناه ياقثبات.

اعتقد البنات مش المتزوجات بيكون إقناع اهلهم أصعب.

انا ما واجهت صعوبه كبيره مع زوجي في الموافقه مع انه قبل العمليه مباشرة خاف وتردد.
بس انا كنت قد عزمت.

والدتي طبعا كانت خايفه ورافضه.
بس انا حزمت امري وقلتلها ياماما.لو بتحبيني أدعيلي أقوم منها بالسلامه وبس.
ماتقوليش ماتعمليهاش.

حتي لنا فيديو يوم العمليه الصبح دقيقه.
اخويا صوّر امي وهي بتتكلم.
بتقول كأنها بتكلم نفسها.(مجنونه دي ولا بتتدلع).هههههههه

هي معاناه طبعا.
ولكن قوتك في إتخاذ القرار بتخلي اللي أدامك يوافق ولو بعد حين.
تأكدي لو هم مترددين لأنهم بيكونوا شايفين خوف في عينيك..

الله ييسرها لكل منتظر يارب

 

__________________
[SIGPIC]

اوسمتي

كلبز غير متواجد حالياً   رد مع اقتباس
a
قديم 01-22-2013, 10:07 AM   #8
عضو جديد












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

بصراحه الموضوع حلو....
أنا لم أقنع أهلي بل هم إلي أقنعوني وأخوي دفعلي حساب العمليه كامل بس عشان يسهلون الأمور علي وجابو واسطه إني أسوي عمليه بنفس الشهر إلي قررت أسويها فيه وعلى ماسويت التحاليل وطلعت النتيجه سيده كان موعد العمليه يعني كله ورا بعض والحمدالله عدينا وقاعد يتحسن مظهرنا شوي شوي والنفسيه والثقه بالنفس عاليه جدا

 

مشترك للمعرفه غير متواجد حالياً   رد مع اقتباس
a
قديم 01-22-2013, 11:50 AM   #9
المراقب العام












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

قصتك جميلة

صراحه انا عجزت عن اقناع اهلي

امي قالت لي بالحرف الواحد لو مت حتى عزاء موتك مانب حاضرته

رحت وسويت العملية من وراهم ودروا ثاني يوم من العملية

اعتقد ان قرار العملية قرار شخصي ومايخص احد غير المريض نفسه ومحد له حق بالرفض باستثناء الحريم طبعا

لان الحرمه شوره بيد اهله ولا بيد زوجه

اما الرجال يسون العملية وماجابوا خبر احد ههههه

 

__________________

اوسمتي

fahad غير متواجد حالياً   رد مع اقتباس
a
قديم 01-22-2013, 11:11 PM   #10
عضو مشارك












 

 

آخـر مواضيعي

افتراضي رد: كيف اقنعت اهلك بالعملية رغم رفضهم الشديد

اقتباس:
المشاركة الأصلية كتبت بواسطة جودى 28 Cant See Links
انا امي رفضت وبس لمن شافت حالتي تعب ولااقدر اتوظف ولا اشتغل في البيت

قالت ودعتك الرحمن يحفظك ويردك لي سلامه والله يقدم كل خير ويصرف عنك كل شر

قصتك جدا مثيره متعكي الله بصحه وعافيه
فالك الرشاقة بصحه وعافية
يارب يقدم ليا وليكم كل خير يارب وشكرا ليكي لقرائتك للقصه
هوا اهم شي انه الوالده وافقت وحتى اهلي من اسباب موافقتهم للعملية شافوا حالة الاكتئاب اللي دخلتها بسبب السمنة بس الحمدلله بعد العملية تركت الاكتئاب في غرفة العمليات مع تلات ارباع معدتي المقصوصة وخرجت الحمدلله

 

قثبات الثكر غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ياريت حد يفدنى بالعملية ملكة زمانى قسم تحوير المعده 6 02-04-2013 10:39 PM
ابغ ريكم بالعملية تكميم بنت نجد قسم تكميم المعده ( السليف ) 10 01-06-2013 06:20 AM
كيف أقنع أهلي بالعملية.؟ هآتني قسم العمليات الجراحية المختلفه للسمنه 28 03-22-2012 06:01 AM
الحمد لله .... اقنعت خمسه بالعملية أبو عبدالرحمن قسم تحوير المعده 8 09-11-2011 12:07 AM


الساعة الآن 03:55 AM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52