اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 662
عيادة د. عدنان صباحي
عدد الضغطات : 5,760
عيادة الدكتور سالم الصواط
عدد الضغطات : 5,578
رشاقة للخدمات العلاجية
عدد الضغطات : 5,768

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,261عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,695هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,294توتر
عدد الضغطات : 3,450
عدد الضغطات : 0

يوميات متكممه / مَلوكه والولاده الجديده :) ..

قصص وتجارب المتكممين

إضافة رد

 
LinkBack أدوات الموضوع انواع عرض الموضوع
قديم 12-11-2012, 12:02 AM   #1
انثى استثنائيه
 
الصورة الرمزية مَـــلاك












 

 

آخـر مواضيعي

24 يوميات متكممه / مَلوكه والولاده الجديده :) ..





Cant See Images


~ يوميات متكممه / مَلوكه والولاده الجديده Cant See Images ~

السلام عليكم ..
اللهم صل على محمد وآله وصحبه اجمعين ..
طبعاً صار لي فتره اكتب يومياتي واتراجع وصار لي يومين افتح على انشاء موضوع جديد ومحتاره كيف ابدي ..
تفكيري بالعمليه كان قبل 8 اشهر بس للاسف تعطلت عشان الفلوس لين قدرت اجمعها من راتبي وانظم اوضاعي بالدوام
لاني كنت موظفه جديده بوقتها وقلت ماتنتهي السنه ان شاء الله الا انا سويتها وكنت دايم افتح النت وابحث عن العمليه
واللي شجعني اكثر اني شفت وحده سوت تحوير وكيف صار باقل من سنه بس انا كنت ابي تكميم ومريحتني وانا اقرا عنها
بالصدفه ببحثي بالنت في احد الردود لاحد الاعضاء ذكرو اسم منتدى رشاقه وعلى طول دخلته الصراحه عحبني نظامه وتقسيمه
ودخلت قسم التكميم وجلست اقرا وكل ماشفت احد ينقص وزنه والله انبسط Cant See Images كاني انا نازله الوزن وكنت ابكي واضحك
وانا اقرا يوميات الاعضاء كنت اعيشها معهم لحظه لحظه .. وبعدها تشجعت وسجلت Cant See Images
في نهايه شهر ذي القعده سويت لي موعد في مستشفى ارامكو قلت ممكن يسوونها لي واوفر الفلوس مع انها توفرت تقريبا عندي
بس قلت اجرب وسويت موعد وبحكم شغلي بالرياض واهلي بالشرقيه الموعد جاني بوسط الاسبوع واخذت اجازه اضطراري
لما رحت دخلت مثل المحاظره وفيها مجموعه وكلهم يبون يسوون العمليه بس اللي عرفته انه النظام باختيار حق العمليه لازم
لمده اربع اشهر احضر محاظرات من اخصائيه التعذيه ونسيت بعد شيء ثاني المهم بعد مادخلت الدكتوره وجلست تتكلم
وتقول انه لو فيه مجال للعمليات بعد سنه ونص ومو اي احد راح يسوونها له اللي فيهم امراض هم لهم الاولويه وبعدين
اذا قدرنا ننزل وزنا ماراح يسوونها بعد يعني السالفه مذله بعد ماخلصت طلعت وتكلمت معها Cant See Images وقلت لها وضعي كيف
واني اشتغل بالرياض وصعب احظر المحاظرات وكذا وقلت ابي اسوي العمليه على طول قالت لي مافيه مجال وحاولي تنزلي
وزنك قلت لها حاولت تقول بعد حاولي المهم لقيت مافيه فايده وقررت بعدها خلاص بالخاص ولا هالسالفه بعدها اليووم الثاني
رجعت الرياض وسويت موعد بمستشفى التخصصي واللي شجعني له كلام الاعضاء والدكتور عبدالرحمن والمدح اللي كنت القاه
وعطوني موعد بعد اسبوع المهم انا انسانه جبانه مااعرف اتصرف بنفسي وكنت بفترتها احلم كوابيس وافكر بموعدي مع الدكتور
وكلمت صاحبتي تروح وياي وقالت بتحاول على حسب الشفت للدوام وجاء اليوم الموعود كان الثلاثاء .......... Cant See Images


لي عوووووده .. Cant See Images


~ مَــــلاك ~

Cant See Images



 

__________________
مَـــلاك غير متواجد حالياً   رد مع اقتباس
a
قديم 12-11-2012, 12:21 AM   #2
عضو ذهبي
 
الصورة الرمزية دوبا خميمه











آخـر مواضيعي

افتراضي رد: يوميات متكممه / مَلوكه والولاده الجديده :) ..

الحمدﻷه ع السلامه ومنتظرين انا اول واحد في الصف هذا كرسي

 

دوبا خميمه غير متواجد حالياً   رد مع اقتباس
a
قديم 12-11-2012, 12:51 AM   #3
انثى استثنائيه
 
الصورة الرمزية مَـــلاك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

Cant See Images

بااااااااااااااااااااك .. Cant See Images ..
ولما جاء وقت الموعد مالقيت احد يروح معاي وحاولت اتشجع واتصرف بنفسي لانه هالشيء ابيه وبقوه
وتوكلت على الله وطلعت من الدوام باللبس حقي لانه موعدي 4 وانا دوامي خلص 3 ورحت المستشفى
وكنت متوتره حيل فتحت ملف ودفعت 300 وبعدها رحت قسم الجراحه وسجلت وجسلت بالاستراحه شوي نادتني الممرضه
واخذت قياس وزن وطول ورجعت بعدها الاستراحه وشوي نادتني امل وسالتني وش ابي اسوي عمليه وقلت لها حاطه ببالي
التكميم واذا الدكتور يشوف شيء ثاني مناسب مو مشكله قالت راح يقولك الدكتور التكميم وجلست تشرح لي وماقصرت
وكانت اسئله ببالي وسالتها واشبعت فضولي وسالتني متى ابي اسويها قلت لها 14 او 15 شهر 1 طبعاً اخترت هالوقت
عشان اهلي يجون معي وهذا الوقت اللي ضبطته معهم فقالت نخليه 14 فقلت لها اوكيه Cant See Images .. عشان اصير بعدين
قمر 14 هع .. وقالت انتظري شوي وتدخلين عند الدكتور وع الساعه 5 ونص دخلت ماكذب كنت
متوتره حييييييييييييل .. Cant See Images .. وجلس يتكلم معاي الدكتور ويسالني عن التاريخ المرضي والصراحه
فشلني كثير لانه انا ماحب المستشفيات اتعالج فيها مع اني ممرضه بس ماسوي فحوصات ولاشيء وكان يعاتبني ويقول
شطوره برافو عليك ههههه Cant See Images .. المهم وشرح لي كيف بتكون العمليه وكذا مع انه ججني الا يناديني ام حسين اقوله مابي
ناديني باسمي قال الا لازم اناديك كذا مو راح تتزوجين قلت له مابي هع Cant See Images .. قال مو كيفك هههههه ضحكني لما قال كذا
Cant See Images .. عاد قرر يسميني العجيبه ملاك ههههه يله اهون من ام حسين وقالو لي قبل العمليه باسبوعين اكلم عبدالمجيد
عشان يقولي متى اسوي التحاليل وبعدها طلعت ورجعت السكن Cant See Images ..
بعدها جلست اتابع الاعضاء واللي يسوي العمليه وكيف ينبسطو وانا اتحمس اكثر وفيه احد الاعضاء كان يتكلم عن خمول الغده
وماتنفع تسوي العمليه اذا كان فيها خمول وجلست اهلوس وكلمت عبدالمجيد وقلت له ابي اسويها عشان لو في شيء تتاجل
العمليه فقال اوكيه تعالي ورحت بعدها بيومين من اتصالي وسويت التحاليل وانتظرت بعدها يومين وكلمته وقال لي كل شيء تمام
وارتحت الصراحه نفسيا لاني مابي تتاجل العمليه وكنت اعد الايام وماانكر صراحه احيان يجيني اكتئاب واجلس افكر وابكي
مو خوف من العمليه بس من التفكير وغير كذا كنت بعيده عن اهلي صج حولي صاحبتي بس لما اجلس لوحدي اجلس افكر
لدرجه حلمت بالعمليه Cant See Images .. وقبل العمليه باسبوع كلمت عبدالمجيد عشان اسوي باقي التحاليل
ورحت سويتها وخلصت وراحت معاي صديقتي وبذا اليوم الحلو كان يوم الثلاثاء التقيت ب ميمي ( خجوله ) وفيونكه وكانت صدفه
حلوه وتشرفف فيهم حلوين ماشاء الله عليهم .. ربي يحفظهم وبعدها اخذت اجازه من الدوام قلت اسبوع
استعد نفسيا واكون مع اهلي
عشان ارجع للرياض معاهم يوم العمليه وطبعا مشيت ليله الاربعاء وعمليتي بتكون يوم الاربعاء 14/1/1434
ووصلنا على الساعه 1 وعلى طول دخلنا التنويم انا والوالده الله يخليها .. ووووبعدين ..............


لي عوووووده .. Cant See Images ..


~ مَــــلاك ~

Cant See Images

 

__________________
مَـــلاك غير متواجد حالياً   رد مع اقتباس
a
قديم 12-11-2012, 02:02 AM   #4
نائبة المشرف العام سابقا
 
الصورة الرمزية كلبز












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

يوميات جميله ياملاك
سجلي متابعه لك ان شاء الله

 

__________________
[SIGPIC]

اوسمتي

كلبز غير متواجد حالياً   رد مع اقتباس
a
قديم 12-11-2012, 02:11 AM   #5
عضو مشارك
 
الصورة الرمزية سنديان












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

متااااااااااااابعه^^

 

__________________
لااله إلا أنت سبحانك إني كنت من الظالمين
سنديان غير متواجد حالياً   رد مع اقتباس
a
قديم 12-11-2012, 03:20 AM   #6
انثى استثنائيه
 
الصورة الرمزية مَـــلاك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

Cant See Images

بااااااااااااااااااااك .. Cant See Images ..

دخلنا على طول التنويم وجات الممرضه تاخذ علاماتي الحيويه
وضبطت الماما الاغراض بالدولاب وجلسنا سوالف
وهي تقولي نامي وانا مافيني نوووم وعلى الساعه 3 نامت وشوي لحقتها ونمت
ع الساعه 5 صحيت بدخول الممرضه تركب علي الكنيوله وتعطيني ابره الهيبارين
وكنت خايفه ومتوتره عشان الابر Cant See Images ..
ركبتها وخلصنا وجابت لي لبس العمليه وانا كنت عادي حدي رايقه
وقالت لي بعد شوي العمليه Cant See Images ..
جلست اقرا ادعيه وامي جالسه تصورني ينقال ذكرى .. ع الساعه 7 الا جات الممرضه
وقالت يله احين عمليه وودوني بالسرير اللي انا عليه وكنت متخبيه تحت البطانيه
ومستحيه وبس اطل واضحك واعلق مع الماما لين وصلنا العمليات وقالو لامي خلاص اطلعي وانا
دخلوني غرفه وسكرو علي الستاره وجلست اناظر وعادي لسه الوضع وكل شوي جايين يشوفون الضغط
والحراره وسالتهم متى العمليه قالو 8 .. وطلبت منهم تجيني امي ورفضو وهنا بديت ابكي
جاء وقت الجد والممرضه تقول ماعليه حبيبتي وطنشتها وخلتني وجلست ابكي
وحسيت بالخوووف Cant See Images .. وشوي وسكت ولقيت ملفي على سريري تلقفت وفتحته
بس مالقيت فيه شيء شوي يجوني وقالو لي يله عمليه Cant See Images ..
غمضت عيني وسحبوني بالسرير ومابي اشوف احد دخلوني غرفه العمليات
قالو لي انتقلي للسرير الثاني وسحبت نفسي ورحت له وحطيت راسي وغمضت مابي اشوف شي
وهم يربطون يدي ورجلي Cant See Images .. بس جالسه اقرا قران وادعيه ويكلموني وحاقرتهم
وجسمي كله يرجف من الخوف Cant See Images .. مااسمع الا حق التخدير يقولي خدي نفس عميق
ينقال عناد حبست نفسي Cant See Images .. وماقدرت احبسه اكثر اخر صوت سمعته
جهاز تخطيط القلب Cant See Images ورحت بعدها بسابع نوووومه Cant See Images .. وصحيت على الساعه 12
بحسب كلام امي وكنت اهلوس هههههه وماتنقال هلوستي لانه حدها تضحك Cant See Images
وكنت ابكي واتالم كثير وامي خافت علي وقالت للدكتور يعطيني مسكن
بس قال عطوووني كثير وماينفع يعطوني بعد يأثر على تنفسي Cant See Images ..
شوي ركبوني غرفتي وكنت اتالم واقط خيط وخيط Cant See Images ..
اللي مضايقني اللي بأنفي اللي لما ابلع يعورني وجد تعذيب بس جاني الدكتور على الساعه 3
وقلت له مابيه شيله والحمدالله ارتحت شويات لما شاله لي Cant See Images ..
وامي بوقتها كانت بره الغرفه وكنت عطشانه ابي مويه بس ابغى اشرب
ومو راضيين ورجعت نمت طبعاً نومي مقطع بس ع المغرب قمت امشي
وكانت امي معاي وكنت اتالم بس بالمسكنات متحمله
وامي الله يخليها كله خايفه اطيح عليها وجاتني دوخه كذا مره وبغيت اطيح مسكتني امي
ونادت الممرضات وودوني سريري وسمحو لي اشرب مويه
بس ياليت ماشربت الالم اللي حسيته كرهني بالشرب Cant See Images
اليوم الثاني كنت ابي اشيل اللي ببطني الانبوب مضيق لي خلقي
فقالو انتظري العصر تشيليه ودوني ع الاشعه وكنت خايفه اشرب او الماده اللي بيعطوني
فيها طعم وارجع الحمدالله مافيها شيء وخلصت الاشعه ورجعت غرفتي شوي جابو لي قاروره
فيه محلول اخضر وطلبو مني اشربها كلها وبس اخلصها بشيلونه خلال ساعه Cant See Images شربتها كلها
بس عشان اشيلها ضغطت على نفسي وجاني الدكتور وشالها لي وجلست ابكي قبل يشيله خايفه
اتعور وامي تقول لي خذي نفسي عشان ماتحسي وهو يسحبه انا حسيت بس مو ذاك الالم
بس الخوف كان مسيطر والحمدالله افتكيت وخف الالم اللي فيني كثير وضليت اتحرك براحه
واللي مضيق خلقي كل شوي حمام ووانتو بكرامه Cant See Images ..
وكل دا من المغذيات والله مايمديني اجلس الا رجعت بس مرحله وعدت
طبعاً كنت ارتاح اشرب الشاي بس المويه لا مابيها واذا جاني الدكتور يوقف على راسي يله اشربي
كنت اتعذب وسماني سعاد حسني هههههه Cant See Images وامي تقوله هيفاء Cant See Images
وصار الدكتور يناديني سعاد غير لي اسمي هع بس ياحليله الدكتور خفيف دم
طبعاً العضوه خجوله كانت جنبي بالغرفه وسوت العمليه معي بنفس اليوم
وكنا نمشي مع بعض بنفس الدور وكان معانا ثنتين بعد مسووين العمليه
وامي تقول يله سباق المارثون ههههههه تمشووو Cant See Images .. بس وناسه
والالم يخف صج مع المشي ويوم السبت طلعنا على خير ورجعنا الشرقيه طبعاً بالطريق
اول ماطلعنا من المستشفى صار علينا حادث بس الحمدالله تعورت السياره خفيف وانتظرنا
تجي المرور وخلص البابا الاجراءات واخذ له هو والماما اكل ومسكنا خط الشرقيه
طبعاً كنت كل شوي ابي اروح دوره المياه ونوقف محطات كل ربع ساعه ويمكن اقل
وكان بعد عشان امشي مايصير لي تجلط والحمدالله وصلنا بالسلامه للشرقيه

لي عوووووده .. Cant See Images ..


~ مَــــلاك ~

Cant See Images

 

__________________
مَـــلاك غير متواجد حالياً   رد مع اقتباس
a
قديم 12-11-2012, 03:40 AM   #7
انثى استثنائيه
 
الصورة الرمزية مَـــلاك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

Cant See Images

طبعاً بالطريق كنت اشرب مويه بس اتالم مارتحت
بس وصلت البيت قمت اغير من هناء الى الصفا وجربت بيور وكلها ماريحتني
جربت مياه القصيم ومرتاحه عليها يعني اتالم بالشرب بس على خفيف
طبعا كان كله فيني خمول والقهر نومي صار كثير اول مانام كذا
صرت انام 10 او 11 ساعه Cant See Images ومابي اقوم بس اتعوذ من ابليس واقوم
بالبدايه كنت امشي بالحوش بالبيت ربع ساعه وسويتها 3 ايام وكسلت
جربت رحت الكورنيش مره بس كنت بينهم اطلع السوق مع اهلي وامشي
يعني كنت اتحرك مو كله جالسه واللي مسبب لي هم ابر الهيبارين
واخذتها بكتفي ماغيرت مكان ويدي اليمين انتفخت من الابر وخليتها كله باليسار
والوضع حالياً مستتب Cant See Images .. وبكره الصباح اخر بره وافتك اخيراً منهم
امس مشيت على جهاز السير لمده نص ساعه وصابتني دوخه ووقفت
طبعاً صايره تجيني لوعه كثير وغثيان ومابي اشرب ولاشيء
واظل باليوم بس قاروره مويه صغيره وكاس حليب ومن اشم ريحه الاكل تسبب لي غثيان
مو طايقتها ولا مهتمه للاكل بس اللي مضايقني طفشت من الشرب المحدد
عصير شاي مويه مرقه العصيرات تركتها انسدت نفسي عنها من دخلت بمرحله الحليب
وحتى الشاي تركته احين صار لي 14 يوووم من سويت العمليه
طبعاً المفروض ابدي باسبوع اللبن يوم الخميس بس الليله تهورت وشربت
وليتني ماشربت حسيت بشي كاتم علي مره ثقيل ماتحملته
امس صارت الدنيا سوداء بعيني ودوخه لاني من صحيت بس ضليت على مويه وكاس حليب وجبرت
نفسي وشربت مرقه وعلبه حليب غصب بس مو مشتهيه مالي نفس ابد Cant See Images
طبعاً وزني نقص وونزولي حلووو بس ماراحو اقول كم نزلت الا اذا كملت شهر
راح اقول كم نزلت خلال شهر Cant See Images .. هذا كل اللي صار لي من اول ماقررت اسوي العمليه
الى اليووووووم وان شاء الله كل يوم بدخل وبكتب لكم وش الجديد حتى لو سطر
وابي دعواتكم لي بالنزول الحلو والمويه تصير سهله واشربها عادي ..
وبالتوفيييق للكل وكل اللي يبي يسوي العمليه انصحه يسويها وتوكلو على رب العالمين


~ مَــــلاك ~

Cant See Images

 

__________________
مَـــلاك غير متواجد حالياً   رد مع اقتباس
a
قديم 12-11-2012, 03:42 AM   #8
انثى استثنائيه
 
الصورة الرمزية مَـــلاك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..


دووووبا خميمه / كلبز / سنديان

مشكورين فديتكم
وسعدت بمتابعتكم .. Cant See Images ..




Cant See Images

 

__________________
مَـــلاك غير متواجد حالياً   رد مع اقتباس
a
قديم 12-11-2012, 10:10 AM   #9
عضو مشارك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

متابعتك ياحبيلك الله يوفقك يارب

 

فيونكه غير متواجد حالياً   رد مع اقتباس
a
قديم 12-12-2012, 02:33 AM   #10
انثى استثنائيه
 
الصورة الرمزية مَـــلاك












 

 

آخـر مواضيعي

افتراضي رد: يوميات متكممه / مَلوكه والولاده الجديده :) ..

فيووونكه

فديت قلبك قمر
تنوريني .. Cant See Images ..





Cant See Images

 

__________________
مَـــلاك غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مفاجأة رشاقة الجديده المثابر استراحة الأعضاء 45 07-09-2013 05:53 AM
يوميات متكممه جديده ( من طقطق بس ( د.وائل الغفير) om jojo قصص وتجارب المتكممين 26 01-28-2013 11:03 PM
يوميات متكممه جديد a7san1980 قصص وتجارب المتكممين 13 01-27-2013 03:26 PM
يوميات مروش {متكممه قريبا" ..! مراوي قصص وتجارب المتكممين 40 11-08-2012 03:38 PM
يوميات متكممه( دكتوري عماد الابراهيم ) دكتوري عمادالابراهيم قصص وتجارب المتكممين 43 09-20-2012 01:03 PM


الساعة الآن 04:26 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52