اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 663
عيادة د. عدنان صباحي
عدد الضغطات : 5,805
عيادة الدكتور سالم الصواط
عدد الضغطات : 5,621
رشاقة للخدمات العلاجية
عدد الضغطات : 5,823

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,303عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,734هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,338توتر
عدد الضغطات : 3,496
عدد الضغطات : 0

وهم والسمنة وقبل وبعد تجربتي علي يد (د.عائض القحطاني )

قصص وتجارب المتكممين

Like Tree42Likes
إضافة رد

 
LinkBack أدوات الموضوع انواع عرض الموضوع
قديم 10-29-2012, 05:12 AM   #1
لا إله إلا الله
 
الصورة الرمزية وهم..!












 

 

آخـر مواضيعي

25 وهم والسمنة وقبل وبعد تجربتي علي يد (د.عائض القحطاني )



بسم الله الرحمن الرحيم

بتاريخ 29/10/2012 الساعة 3:30 صباحاً سوف أكتب معاناتي مع السمنة

أولاً بطاقة التعريف :
الاسم : عبدالرحمن
العمر :18 سنة
المهنة : طالب
الحالة الإجتماعية : أعزب

معاناتي مع السمنة بدأت منذ الصغر من وعيت على هذه الدنيا وكرشي يسبقني Cant See ImagesCant See Images
في الصف الرابع الإبتدائي < مليت من الفصحى
من يوم كنت بصف رابع إبتدائي بديت بالريجيمات <متخيلين Cant See Images رحت لمركز مدري وش اسمه
سويت تحاليل لكل شيء وعطوني جدول للأكلات واشياء زي السيريلاك أكلهم وخل تفاح أشربه على الريق !
أول اسبوعين نزلت كم كيلو 5 الظاهر ولا أقل ، الأسبوعين الثانية نزلت أقل وقالوا خلاص بنسوي لك جلسات تدليك علشان شحومك تروح "ما أتذكر أني كنت سمين مره بس الشكوى لله "
المهم رحت كم جلسه والفلبينية تمغط فيني بهالزيت وكان سعر الزيت بـ 100 أو حولها وكل جلسة تدفع 300 للجلسة و100 للزيت واهو لو أحلف أنه زيت قلي Cant See Images
المهم ماش سحبنا على هالمركز ، وقال أبوي باسجلك بنادي قلت ماعليه رحت نادي اسمه القرية الرياضية كان جمب رياض قاليري <كان توه مهوب فيه وكنت ألعب العصر رياضة سير وسيكل ونركض مع مدرب باكستاني ويوم من الأيام شغل أغاني وبغينا نستنزل ههههههههه كانت طق عن السعودية حقت راشد الفارس وجلست يمكن 3 أشهر وسحبت عليه ،،،
يوم كنت بسادس إبتدائي خالي شراء لنا ميزان وزنت وطلع وزني 86 ! المهم ماكنت مهتم كان هالوقت تونا شارين جهاز حاسب مكتبي جديد و24 ساعة عليه على الرسام وطقته قبل ما أعرف للنت وكذا المهم ومشت الحياة ..
ووصلت للمتوسطة عاد قالت أمي لازم نادي تراك فليتها ورحت لنادي الهلال كنت باسجل عندهم
قالوا رح سو فحصل وتعال ، رحت سويت فحص ولقيت وزني 121 <في أولى متوسط تخيلوا !
و ولا سجلت بالنادي الله يقلعهم بس خلوني اعرف وزني ولا سجلت عندهم Cant See Images
طبعاً والدي في البيت 24 ساعة يهاوش على كل وجبة أكون جالس أنت ليه ماتنحف أنت تفشلني قدام الناس ،
المهم ماعلينا خل نكمل بس
مرحلة المتوسط تعرفت على أصدقاء جدد والحمد الله عرفتهم طبعاً كلهم دببه إلا واحد
وكلنا نعشق الأكل كل طلعاتنا لمطاعم الصراحة أكلي ماكان كثير كان زي أي إنسان طبيعي
أما أهم اكلهم مشاء الله كثير وأنا كنت أسمنهم وش هالظلم Cant See Images
خلصنا المتوسطة ورحنا للثانوي في خلصنا أولى ولما رحنا ثاني ثانوي
ابوي وداني عند دكتورة "ميس بمستشفى الأقصى بشرق الرياض " <حسبي الله عليها ونعم الوكيل ، المهم سوت لي تحليل بـ 700 ويوم رحنا بعد يومين عطتني رجيم تقول على حسب فصيلة دمك وشفته صار نفس حق بنت خالتي واهي فصيلة دمها غير وقلت ماعليه يمكن مشبهه ، سويت الرجيم ثلاثة أسابيع رحت لها ووزنت مانزلت إلا كيلو Cant See ImagesCant See Images قلت وشو <طنقرت عليها قالت أصلاً هالريجيم ماينفع مع كل الناس وأنا اساساً ماينفع معي قلت ماينفع ليه معطتني ! المهم ماقلت لأبوي كم نزلت كنت رايح مع السواق وطلعت من المستشفى وجمبه كنتاكي وشتري اكستريم +ريزو+تويستر <من القهر اللي فيني وأكلها
المهم يوم رحت للبيت قال أبوي أني كلمت الدكتورة وقالت يشد حيلة بالرياضة وكذا قلت أجل قالت له الوزن وسكت
جاني بعد كم يوم وقال ليه ماتسوي الريجيم وتطلع الدموع وأعصب قلت سويته شهر ولا نزلت إلا كيلو والله مااسوي ولا ريجيم تبون سوو عملية ولا لا تقولون انحف واقوم من على الطاولة واروح للغرفة ، جاني قال كيلو !!!!! ليه ماقلت <معصب اهو الحين قلت مب أنت كلمتها وقالت لك قال لا
صار يبي يحمس يوم يقول كلمتها علشان اسوي رياضية ، المهم ولا عاد سويت ريجيم وجت الصيفية ورحنا مكةةةة في كل صلاة أصليها كنت اقول يارب ماتمر سنة وإلا أنا مسوي العملية
في كل صلاة أقولها

 

__________________

التعديل الأخير تم بواسطة وهم..! ; 10-29-2012 الساعة 05:14 AM
وهم..! غير متواجد حالياً   رد مع اقتباس
a
قديم 10-29-2012, 05:13 AM   #2
لا إله إلا الله
 
الصورة الرمزية وهم..!












 

 

آخـر مواضيعي

افتراضي رد: وهم والسمنة وقبل وبعد

جلست أقنع أمي أني اروح للدكتور علشان تقتنع منه اهو
وللأسف حجزت عن الدكتور عبدالرحمن سالم قابلنا الأخت نسيت اسمها والله مدري يمكن منال مدري المهم
شرحت العملية وامي تبكي هناك كأني باسويها الحين ودخلنا على الدكتور قال مب كل من يسوي العملية تنجح وقال عن الليات اللي يحطها والصبغة قالت أمي لا مافيه
وقتها كان وزني 160 كيلو ، وفي الترم الثاني ببدايته كذا كنت متابع للمنتدى هذا كنت أكلم الأخت عسلية وكلمت أمي والحمد الله أمي وافقت بس كان شرطها أني ما أسوي العملية إلا عند الدكتور عائض القحطاني ، رحت له مع أبوي وقال لي التكميم أفضل لك وحددت على طول معه وقت العملية كان بعد شهر تماماً ، بعد الإختبارات النهائية الترم الثاني من ثاني ثانوي
خلصت أختبار القدرات الثلاثاء على طول الخميس سويت العملية
قبل العملية باسبوع وبما أني أعشق الاكل الهندي عزمت أخوي وصديقي على مطعم هندي
وهذي طلباتنا ..

Cant See Links

فيه أشياء كثيرة غير اللي بالصورة بس الصور مو واضحة

طبعاً يوم الاربعاء كان آخر يوم لي أني أكل وكان مفروض اصوم الساعة 8 مساءاً عن الأكل والساعة 10 عن الشرب
تعشيت من ماك بق تيستي 3 شرايح لحم <آخر وجبة مفروض مفطح بس حطيته بخبزة ههههههه مع سلطة سيزر وأمي شرت كيكة فيريروروشية <يارب صح من سعد الدين هذا صورة الأكل مو واضحة بالآيفون مصورها وكنت جايع هههههههه

Cant See Links

وجاء يوم العملية ، طبعاً مانمت جالس أفكر مو في العملية مدري في ايش الصراحة ههههههههه
رحنا الساعه 6 الصباح وكان موعد العملية 9 سجلنا دخول ودفعوا أهلي الفلوس "60 ألف "
جت النيرس تقوس الضغط وكان مرتفع ! أنا طنقرت قلت لا على آخر لحظة يرتفع !
وكل شوي تروح وتجي تقوس وبعدين الحمد الله نزل وضبط الوضع
جلست على السرير أجرب التسدح فيه وجلسنا أنا وأمي نشوف فيلم مدري وش اسمه بس كان بططططل
شفته 3 او 4 مرات بعد العملية Cant See Images
المهم وأنا متحمس مع الفيلم وكذا جوا قالوا البس عطوني والوشسمة اللبس "لين الحين عندي خذيته معي " ولبسته وجت ممرضة لبنانية وجالسه تطمن أمي وكذا
وبعدين راحت وجلس اكمل الفيلم وجت نيرس فلبينية بوية شكلها هههههههههههههه
عضلات وكذا قالوا يلا ياولد العمليات تنتظرك قلت مشينا طال عمرك
والله وتجرني بالسرير وعادي عندها مشاء الله عليها مهيب يد هههههههههههههه<فيها عرق باكستاني يمكن
وأمي تبكي في الطريق ومدري وش وأنا أضحك وقسم بالله لو أفهم فلبيني كان احلف أن الفلبينية تقول لخويها وش هالمهبول يحسبنا رايحين ملاهي
ودخلت غرفة العمليات وجلسوني بمكان مدري وش يبي وأسمع الدكاترة طربانين الله يتوب علينا
المهم جلست 20 دقيقة وبعدين جاني الدكتور عائض قال جاهز قلت الله الله بس شق البطن
وسحبوني لغرفة العمليات كانت تخوف شوي بس فلة عندي يعجبني هذا الوضع هههههههه
وقالوا ذب نفسك على هالسرير الصغير شحومي طايحة يمين ويسار
وجاني دكتور التخدير توه قابع زقارة الله يعافية ولا يبتلينا قولوا آمين
المهم ريحتة مقرفة Cant See Images ،
وفيه واحد مدري وش جنسيته مدري هندي ولا وش لانه يتكلم لبناني واهو اسمر المهم جالس يهديني ويقول لا تخاف وأنا بنفسي اقول ماخفت خدر بس ولا يكثر هههههه
وحط الكمام وبس ماقال اذكر الله ولا قال تشهد وانا عرفت انه التخدير وتشهدت وذكرت الله
وشوي واحس اني بفيلم كرتون لما يتذكرون شيء تعرفون كيف تطلع الشاشة
وشوي وجاني ذاك الكف اللي مستحيل انساه الفلبينية خويتنا صفقتني كف تقول قووووم قووووم
عقب هالكف التخدير راح تماماً وودوني الغرفة لمحت أمي ووحده لابسه عباية جالس تكلم الممرضات وتقولهم سوو كذا وحطوا كذا
المهم ماعرفت انوم على ظهري متعود انوم على جمبي عذاب ذاك اليوم وحطوا لي اكسجين

 

__________________
وهم..! غير متواجد حالياً   رد مع اقتباس
a
قديم 10-29-2012, 05:15 AM   #3
لا إله إلا الله
 
الصورة الرمزية وهم..!












 

 

آخـر مواضيعي

افتراضي رد: وهم والسمنة وقبل وبعد

وقمت بالليل صحصحت جو اخواني وشفت فازة كبيرة مليانه ورد قلت من مين صار من خالتي
واهي اللي كانت تقول للممرضات وش يسوون عندها خبرة بهذا الشيء ،،
المهم ونمنا بدري ذاك اليوم ، اليوم الثاني أمي علمت خوالي لان محد كان يدري إلا خالتي
كلهم أنصدموا وجوا عندي وليه تسوينها لولدك مجنونه أنتِ ومدري ايش ...
وجاء العصر وجو أخوياي لبى قلوبهم وأخوي الكبير وعمي وجلسنا نسولف وكذا
ويوم راحوا أستفرغت شوي ..
واليوم الثالث كان الخروج قبل مانطلع جت خالتي الثانية وبعدين لحقونا للبيت
وجت جدتي هناك طبعاً مادرت عن العملية إلا يوم جيت باطلع جابوها أخواني وتحسبها عملية مرارة وفيه واحد من خوالي فضحنا بعد كم اسبوع وعلمها عن العملية بغت تنجن وتتحسب على أهلي لبى قلبها ،، ولين الحين تقول إذا شفتك ماتاكل يضيق صدري Cant See ImagesCant See Images
عطوني المستشفى حبوب نكسيوم 40 +مكس فيتامين +مسكن قالوا إذا حسيت بألم شديد شديد كله إذا خفيف لا ووقعوا أبوي على إستلام هالمسكن شكلة والله أعلم شيء مهوب زين <بعدين ودي مكافحة الوشسمة والعياذ بالله
والآن صار لي تقريباً 6 أشهر باقي 3 أيام وأكملها
مريت بفترة كلها إستفراغ بشكل مو طبيعي ومريت بفترة "تقريباً شهر" مااشرب موية لان طعمها كان مر مره عندي والحمد الله على كل حال

وزني يوم العملية 170 وبعد الآن 115 تقريباً , تقريباً نزلت 55 كيلو مشاء الله تبارك الرحمن
صوري قبل وبعد العملية

Cant See Links

قبل العملية بالعيد

Cant See Links

في البر مع أخوياي

وبعد العملية مشاء الله تبارك الرحمن

Cant See Links

في يوم اللاعبين بالرياض الاسبوع الماضي الله يقلعهم اهم ومعرضهم المخيس

Cant See Links

باقي لي كثير دعواتكم أوصل للمثالي
وأي إستفسار أنا حاضر
أخوكم دحيم

 

__________________
وهم..! غير متواجد حالياً   رد مع اقتباس
a
قديم 10-29-2012, 05:17 AM   #4
لا إله إلا الله
 
الصورة الرمزية وهم..!












 

 

آخـر مواضيعي

افتراضي رد: وهم والسمنة وقبل وبعد

^
الصور تقهر مبينه اني مانحفت شيء
قهرررررررررررررررررررررر

 

__________________
وهم..! غير متواجد حالياً   رد مع اقتباس
a
قديم 10-29-2012, 05:44 AM   #5
عضو جديد












 

 

آخـر مواضيعي

افتراضي رد: وهم والسمنة وقبل وبعد

ماشاء الله تبارك الرحمن

الله يديم الصحه عليك

وواضح الفرق لا تحطم نفسك

الموضوع يبغ له وقت و صبر مو اكثر وراح توصل للوزن المثالي

 

وهم..! likes this.
جهينة غير متواجد حالياً   رد مع اقتباس
a
قديم 10-29-2012, 05:52 AM   #6
عضو مشارك
 
الصورة الرمزية الحظ مايل والاماني كبيره












 

 

آخـر مواضيعي

افتراضي رد: وهم والسمنة وقبل وبعد

ماشاءالله تبارك الله >> احسن شي جدتك لبى قليبي هي

لا والله باين وفي فرق ساشع بس يبيلك وقت ويصير جسمك روعه

بس دام نزل وزنك ليش احسك متحطم وتتحسب

عادي ياغلا مافي شي يجي بسهوله

ربك كريم اقسم من سجلت وانا اشوف ناس اكبر مني واشكلهم غير

بس الصدمه اتغيرو وصارو زي الفنانين يطيرو العقل

تقبل طلتي والعمر كله يارب

 

وهم..! and نبض like this.
الحظ مايل والاماني كبيره غير متواجد حالياً   رد مع اقتباس
a
قديم 10-29-2012, 06:19 AM   #7
عضو جديد












 

 

آخـر مواضيعي
 
0 حاقه محياراني
0 عضو جديد محتاجكم

افتراضي رد: وهم والسمنة وقبل وبعد

الف مبروك يادحومي بالعكس الفرق واضح وخمسين كيلو ماشاء الله
حافظ على الرياضه وراح تنزل اكثر وقارن نفسك قبل والان في الحركه والخفه اقصد خفة الجسم هههههههه

 

وهم..! likes this.
galawy1 غير متواجد حالياً   رد مع اقتباس
a
قديم 10-29-2012, 06:35 AM   #8
عضو برونزي












 

 

آخـر مواضيعي

افتراضي رد: وهم والسمنة وقبل وبعد

وهم .. الحمدلله ع سلامتكك احسن قرار اتخذته العملية شوف كيف الفرق ..
بالعككس الصور مو ظالمتك باين الضعف مره مره .. الله يوصلنا للمثالي بخير وعافية هذا اهم شي ❤

 

وهم..! and نبض like this.
Ziyad غير متواجد حالياً   رد مع اقتباس
a
قديم 10-29-2012, 07:02 AM   #9
عضو ذهبي
 
الصورة الرمزية نايف بن ناصر












 

 

آخـر مواضيعي

افتراضي رد: وهم والسمنة وقبل وبعد

بالتوفيق اخوي استمر

 

وهم..! and نبض like this.
__________________
ذوو النفوس الدنيئة , يجدون اللذة في التفتيش عن أخطاء العظماء

نايف بن ناصر غير متواجد حالياً   رد مع اقتباس
a
قديم 10-29-2012, 07:07 AM   #10
عضو ذهبي
 
الصورة الرمزية رحيق الجنة












 

 

آخـر مواضيعي

افتراضي رد: وهم والسمنة وقبل وبعد

بالتوفيق لك باقي مشوارك

 

وهم..! likes this.
__________________

اوسمتي

رحيق الجنة غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الدكتور عائض القحطاني kaled قسم تكميم المعده ( السليف ) 6 02-29-2016 11:04 PM
د. عائض القحطاني او عبدالرحمن السالم tareqg قسم تكميم المعده ( السليف ) 28 02-05-2015 09:27 AM
نسمه والتكميم تجربتي علي يد (د.عائض القحطاني ) نسمه* قصص وتجارب المتكممين 36 09-20-2013 02:26 PM
قابلت الدكتور عائض القحطاني أبو يحيي قسم تكميم المعده ( السليف ) 4 11-29-2012 04:15 PM
ما رأيكم في د.عائض القحطاني وكيف أوصل له وهم..! قسم تكميم المعده ( السليف ) 6 02-20-2012 01:52 PM


الساعة الآن 03:16 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52