حياتي الجديدة (خاص للمتكممين الجدد)

[مراااام]

حياتي الجديدة (خاص للمتكممين الجدد)

؛

مساء الخير

حبيت امسي ع الجميع ووحشتوني جميعا من زمااان عنكم ..

اول شي حابه اقولكم اني بعد 4 ايام راح اكمل خمسة شهور من العمليه الحمد لله من قبل ومن بعد

اللي ما يعرفوني سابقا انا اكثر وحده باالعالم جاني اكتئاب بعد العمليه

وكرهت نفسي وندمت ندم مووو طبيعي اني سويت العمليه

لأسباب اولها واهمها ماكنت دبا مره

وزن زايد اوك لكن مب لدرجة مااقدر احط رجل على رجل او اني البس مقاسات 18 وفوق

اعلى مقاس وصلته كان 16 ,,

السبب الثاني جهلي بالحياة المختلفه بعد التكميم ,,

السبب الثالث كنت اجي هنا واكتب تساؤلات كثير محد يعطيني جواب واضح ..

..

طبعا اول سؤال يسأله المتكمم نفسه بعد العملية

الى متى راح يستمر هالوضع ,,

متى راح اكل واشرب مع بعض ,,

متى راح اكل طبيعي


كنت اسأل هالاسئله وكان الجواب انو بيجي يوم وتاكلين

طيب متى ,, مافي اجابه واضحه ..

وهذا الشي اللي خلاني اكتب هالموضوع ’’

بعد الشهر الاول باالنسبه لي كنت اكل خضار شوربات جريش سمك فيليه

كنت اكل كميات قليله صح لكن مش سيئه ,,

والاهم بالنسبه لي كنت اقدر اكل قطعة حلا متوسطه مع قهوه لمن انعزم

وبعد الشهر الثالث

صرت اكل كل شي

كل شي بمعنى كل شي

احساسي باني كائن مريض وغير الناس تلاشى تماما

عادي اطلع كوفي اخذ كوب قهوه وقطعة تشيز كيك حالي حال الناس

اطلع مطعم اكل برضو حالي حال الناس

شوربات سلطات

مشاوي

محاشي

كل مايخطر ع البال عادي لكن وركزوا على لكن ..

بكميات ناس ضعافين

ماراح اقول بكميات ناس متكممه

لا

الاآن اكلي زي صديقاتي النحاف اللي ياكلون بدون شراهه واتمنى اقدر احافظ ع الكميه هذي ولا تزود

طبعا اللي حابه اوصله بذكري للاصناف والكميات

ان السالفه مسألة وقت قصير جدا حاول انك ماتضيعه باالندم مثلي

ابحث عن المكملات الغذائيه الجيده العب رياضه

ركز ع صحتك واطباقك بحيث تحتوي ع المفيد فقط ..

لازم تتاكد انو معاك دايت اجباري لوقت جدا قصير ::

بعد كذا راح ترجع زي اول باالتدريج ..

اول 6 شهور بتطير زي لمح البصر

ماراح تصحى على نفسك الا وانت ناقص 30 كيلو والترهلات اشتغلتك صح

وانت جالس تراقب كمية اكلك متى تزود ..


لو رجع بي الوقت للشهر الاول راح اصحح شيئين

اول شي اكلي .. راح اخترع لي شوربات تكون تحتوي ع البروتين والحديد عشان شعري

واخليها زي حبة الدوا يوميه

وراح اغصب نفسي ع النادي ساعه الى ساعتين بااليوم ,,

الين اليوم خسرت من وزني 23 كيلو الحمد لله وباقيلي ع المثالي 10 كيلو
اكثر شي تاعبني الان التسوق مازال عقلي الباطن دب
صرت صعب اتعرف على مقاساتي
صرت مااعرف نفسي فعلا ,,
للحين اشتري مقاس 14 و16
هذا اجمل شعور ممكن يمر ع الانسان
انو صدق انا البس سايز 10 مو حلم
هذا واقع ,,


..

موضوعي مجرد فضفضه اتمنى تتقبلوها بصدر رحب

واي استفسارات من عيوني Cant See Images

.

المصدر: منتديات رشاقة

 

[الدوبيه]

موضوعك مفيد ومحفز أكثر من كونه فضفضه

اول شيء الحمدلله راح الأكتئاب
وجاك اليوم اللي تاكلين فيه نفس البقيه
عن نفسي اعيش حالياً كشخص طبيعي او نقول مثل البنات اللي يشبعون بسرعه وكذاCant See Images

بس صراحه ابغى ارجع أكلي قليل يمكن لأني اتمنى انحف أكثر او نقول أتمنى اوصل مرحلة النحف الشديد عظم جلد فقط !
لكن انا راضيه جداً بوزني الأن ولو اني اتمنى المزيد من النزول

اهم شيء رضيتي عن نفسك وراح الندم الحمدلله
والشوربه والشهور الاوى نصيحه اتمنى الكل يشوفها من المتكممين الجدد

 

[مخاوي الطيبين]

اختي
مراااام
الله يجزيت خير والله فرحتيني في انني يمكن ان اكل مثل الناس لاانني اجد صعوبه في تقبل الاكل خاصه وانني توي في الشهر الثاني والكن نزولي ممتاز 17 كيلو في خلال شهر بدون تعب اوارجاع والله الحمد والكن كان يرودني هاذا السوال التي انتي جوبتني عليه الله يبارك في عمرك ويعطيك الصحه
الان تبينت لي الروياء بشكل افظل والله الحمد
شكرا لكي موضوع قيم وفضفضه مريحه علي النف وخليك علي هاذي الفضفضه اخوك ابوراشد

 

[ROLEX]

لازم تتاكد انو معاك دايت اجباري لوقت جدا قصير ::
^^

عجبني تشبيهك البسيط الواقعي بالنسبه لكل متكمم جديد

موضوعك جدآ رائع ويبين تساؤلات مهمه

يعطيك العافيه

 

[العبرات]

الله يعطيكي العافية انا بصراحة كنت متخوفة من عدم تقبلي للاكل حتى بعد كم شهر

المشكلة احس شعري خف لاني ماني عارفة ايش اكل

 

[الدخبجه]

السلام عليكم ورحمة الله وبركاته
في الحقيقه موضوعك زي حضن امي قبل ما ادخل لآمتحاني ->هذا اقرب وصف لوضعي الان
فعلا متخوفه وموضوعك محفز ومهدى لبعض القلق والتوتر اللي امر فيه .
الف مبروك نزولك والله يوصل كل متكمم للوزن اللي يبيه ويوصلني انا والدوبيه عظم على جلد لآن هذا طموحي .
عندي اكثر من تساؤول :
-ايش نوع الرياضه اللي مارستيها
-هل حصل عندك ترهل؟
-كيف عالجتيه ولو كان بسيط وهل ممكن ان يشد الجسم بالرياضه؟
ـــــــــــ
اسئله تخص العمليه:
1. هل وضعوا لك لي بالانف والبطن وقسطره؟ لآن هذي الاشيئاء خايفه منها جدا
يمكن خايفه منهاا اكثر من قص معدتي نفسه Cant See Images
2. هل اقدر البس تحت روب المستشفى بنطلون ستره
انا ادري البعض يعتبر اسئلتي غريبه لكن انا بنت ولابحياتي سويت اي عمليه
و زميلتي اللي مسويه تحوير تقول مايسوون قسطره عشن كذا اسآآل .
ما اقدر اسآل احد الا اللي جربوا بالمنتدى اتمنى اجد اجابه من اي احد سوى تكميم عند الدكتور الصايغ والدكتور بامحرز

 

[اللؤلؤ]

هلابك مرام عودا حميدا حبيبتي منوره منتداكي من جديد

جد يعطيكي الف عافيه على موضوعك المحفز والرائع
وانشاء الله توصلي للوزن الي تتمنيه والاهم والاحلى احساس الرضا عن النفس
وسالفة المقاسات تصير معي دايم احساس السمنه مصيطر علينا
يسعدك ربي حبيبتي

 

[كـلبـوزهـ]

مررررررررررااااااااااااااااااااااااااااااااااام اسعدني جدا عودتك وياليت ماتقطعين

فيك ماشاءالله طاقه ايجابيه نحب انها تكون موجوده بينا

ماقلتيلنا كيفك مع الفايتمنز.؟

 

كلام جميل مرام..
وحلو أنك حبيتي تردي ردود قاطعه علي أسئلة المتكممين الجدد..

ربنا يوصلك للمثالي بكل صحه وعافيه إن شاء الله..
ويديم عليكي الرشاقه دائما أبدا.

 

[مراااام]

المشاركة الأصلية كتبت بواسطة الدوبيه Cant See Links

موضوعك مفيد ومحفز أكثر من كونه فضفضه

اول شيء الحمدلله راح الأكتئاب
وجاك اليوم اللي تاكلين فيه نفس البقيه
عن نفسي اعيش حالياً كشخص طبيعي او نقول مثل البنات اللي يشبعون بسرعه وكذاCant See Images

بس صراحه ابغى ارجع أكلي قليل يمكن لأني اتمنى انحف أكثر او نقول أتمنى اوصل مرحلة النحف الشديد عظم جلد فقط !
لكن انا راضيه جداً بوزني الأن ولو اني اتمنى المزيد من النزول

اهم شيء رضيتي عن نفسك وراح الندم الحمدلله
والشوربه والشهور الاوى نصيحه اتمنى الكل يشوفها من المتكممين الجدد

ماقلتي كم وزنك الان ؟؟