اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 676
عيادة د. عدنان صباحي
عدد الضغطات : 6,649
عيادة الدكتور سالم الصواط
عدد الضغطات : 6,470
رشاقة للخدمات العلاجية
عدد الضغطات : 7,047

العودة   منتديات رشاقة > منتدى العمليات الجراحية > قسم تكميم المعده ( السليف )
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,937عرض بالصور للأدوية والفيتامينات والبروتين بعد عمليات السمنة_2015
عدد الضغطات : 6,323هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,934توتر
عدد الضغطات : 4,065
عدد الضغطات : 0

السبع الشهور الاولى وكيف كانت ( سليفاوي)

قسم تكميم المعده ( السليف )

إضافة رد

 
LinkBack أدوات الموضوع انواع عرض الموضوع
قديم 12-20-2011, 09:32 AM   #1
عضو جديد












 

 

آخـر مواضيعي

افتراضي السبع الشهور الاولى وكيف كانت ( سليفاوي)



السلام عليكم ورحمه الله وبركاته

بسم الله الرحمن الرحيم
قولوا ما شاء الله في كل رد تردونه ما حطيته الا لتشجيع الي ما سوا العمليه
ادعولي انه الله يثبتني على ما انا عليه
يكنونني ابو تميم
العمر:26 سنه
الطول:185 سم
الوزن : منب قايل ابي اقول كم نقصت شوفها اخر الموضوع
موعد العمليه: كان في شهر 5 2011

اعرف الموقع من سنه تقريبا لاكن بدون تسجيل اقرا وامشي

ولاكن قلت اكتب موضوع عن حياتي بعد السليف مع اني ترددت اكثر من مره اقول وشوله فيه غير كاتبين بس فكرت انت وش الي خلاك تسوي العمليه واقتنعت فيها ؟
الا من الشباب الله يعافيهم ويقويهم الي يكتبون عن تجاربهم قلت مدامهم هم شجعوني اكيد تجربتي تبي تشجع ناس(ن) مثلي قبل

اول شي ليش سويت العمليه؟
لاني جربت اكثر من رجيم ولا نفع مع انه اخر رجيم جلس عليه مواظب 100% لمده 9 شهور
ولا نزلت الا 25 كيلو بس على وزني ولا شي يعني ما حركت ساكن وتعب مره


كيف دريت عن العمليه ؟
من زماان اعرفها بس اقول اخليها اخر خيار لي وانا اعرفها من حوالي 10 سنين وشفت ناس مسوينها

ليش سويت العمليه اصلا؟

كنت اشتغل في مستشفى ورحت قسم القلب وكنت راقي درج وبعدين وقفت اكلم دكتور قلب وقالي انت تدخن قلت لا قالي معقوله ؟ قلت ايه ليش؟ قالي تنفسك صعب وانا عادي ما احس شي قالي تنفسك شين مره وقام على طول اخذني المكتب وقاس النبض والحركات حقاتهم قالي الحمد لله ما فيك شي بس قلبك راح يتعب من الموقت قلت وش السالفه قالي باينه من السمنه قلت وش اسوي قالي لازم تخف والا كم سنه وتتعب وقام يقولي عن المناعه والكلام الي نعرفه وش يصير لسمين وكذا
وذاك اليوم ضاق صدري واحوس واحوس وش اسوي قلت بس ابي اسوي العمليه واروح اكلمه ودبرلي واحد يسويها لي في المستشفى بس انا ما جازلي الامر لانه نفس المستشفى الي اشتغل فيه قررت ادور دكتور ثاني قالي على الدكتور عبدالرحمن الله يسلمه وقمت افتش عنه واقارن ولقيت مقطع في يتيوب لرجال هذا ابو لحيه واشوفه قبل كيف وانا الي متفاجئ وادور ولقيت مقطع لمعمليه وعرفت انه بعد التدبيس يخيطها وانا احب هذا الشي لانه يأكد لي انها ميه ميه ان شاء الله وحالات التسرب قليله

وتوكلت على الله واخذت موعد ورحت له وجتني الاخت امل الله يعافيه تشرح لي ولاكني عارف كل شي يعني ما طولنا
اخر شي قالي اختار لك وقت وانا اشوف على جدولي قلت اوكي
واجلس اسبوعين وانا افكره ولا قلت لمخلوووووق
وقررت وقدمت اجازه وقلت لمي وابوي وواحد من اخواني بس

ورحت للمستشفى وسويت التحاليل وحوستهم وخلصت واخترت موعد يوم الاربعاء
يوم الاربعاء الفجر صلت وسلمت على امي وابوي وصارت حركات مع امي الله يهديها
ورحت بدري عشان الزحمه ودخلت ودفعت وخلصت يوم حطوا السواره في يدي وانا الي احس انه كيس رز فوق ظهري جتني ضييييييييقه واروح لغرفتي واشوفها احوس فيها هل هي زينه وكذا مدامي نشيط الحين احسن من بعدين وانا مفهي والحمد لله كل شي سليم

الا وتدخل الممرضه وعطتني اللبس ولبسته وتجهزوني ورحت للمصلخ اقصد غرفه العمليات
طمرت من سرير الى سرير واشوف الغرفه وانا اقول والله تشبه مصلخ بيتنا وش السالفه وانا اتلفت يمين ويسار اقول وين عبدالرحمن كنه خويي يقولون لي يبي يجي استرح قلت لا ولا تلمسوني الا وهو في الغرفه ويقولون لي الوقت عشان تخلص بسرعه وانا اقول يعني يبي يصير وراي شي لو تأخرت ساعه عادي اصبر ولا سمع الكلام راح حط على رجليني شي اضن الي يحرك الدم عن التجلط الله يكفينا شره
واقوله لو تزيد علي شي تراك تبي تتلفع وهو الي يقول لخويه ما عطيتوه الابره قاله لا هو يقول لما يجي الدكتور عبدالرحمن وذا الي فصل علي وقالي اخلص يا عم وانا ساكت اقوله لا تلمس الا وهو فيه او تراني بطلع وضحك وانا ارتفع ضغطي الا الحمد لله جاء الوجه المبتسم ويطقطق على كتفي وش اخبارك تمام وانا اطق ابتسامه واقوله ميه ميه ويضحك علي هذاك قالي الحين نبداء قلت اصلخني بكيفك وربطوني وحركات والنور الي يعور فوقي وقبل ما يوصل الماسك علي يقولي دعاء وانا خلاص مقدر اتكلم احتريهم يخلصون وغير كذا داعي ومصلي في الغرفه فوق ما امداه يحطه الا واحس في دقني زي النمل يقرصني قالي عد واعد الى 7 ولا اذكر شي الااااااا

الممم غير طبيعي وامسك محله من الجهه اليسرا الا هي فوق فتحت اللي الي يطلع دم
الم شديد واكلمهم انجليزي عربي هندي كل شي قلبت مترجم وهاذي الي لاصقه في وجهي تقولي معليش معليش وفجئه وانتم بكرامه ابي اطير شراب يووووووووووه قللللللللللق
لا اقدر اتحرك وفيني نوم نص عين مفتوحه وعطوني علبه وفرغت الا اشوفه ازرق وانا الي انفجع وراه كذا واناديه ليش لونه وتشرح لي وانام 30 ثانيه واقوم اللم واقولهم ابي مسكن وتقولي ما نقدر خلاص انت مفلل وانا في الطريق اصحى وانام الى الغرفه بعدين راح المم الفتحه ويجين اللم الي في الخشم احسه زي السكين على راس المعده واقولهم شيلوه قالولي لا الليل يوووووووه اجل مالي الا انام وجاني هذاك الاستفراغ رغوه زرقاء وافضي في الكيس حق الاستفراغ ما غثني الا هو اكثر شي لانه الفتحات الي في البطن تنشد واحس فيها اللم
الليل جاني الدكتور وقموني قالي اشيله وتمشي قلت ما اوقف لو تبي شله بس وشاله والحمد لله ارتحت خلاص كل شي سهل الحين فتحت الدم ما تحس فيها اصلا حتى لو تضغط ما تحس

واقوم امشي الا واحس بطني مليااااان هوا اثرهم نافخينه مسيكين وعاد امشي واجلس وكذا ورجعت انام واقوم وانام والصبح جوني امي وابوي ومعهم نعناع
بمناسبه الاكل الماء كان اشين شي احسن شي لي الدافي وقتها ولا اب المويه

الا وتجيني امل ومعها القاروره الزرقاء السحريه وتقولي اشربها ونشوف لو ما فيه شي نشيل الي (الهوز) حق الدم

اخ بس اشفط منه شوي شوي وتطل الممرضه كلاس؟ انا لاااا اذا كلاس انا في كلام

الا ما خلصته يمكن 4 ساعات وجاني واحد يدفني للاشعه ويقولي انت ثقيل وانا الي اناظر بنص عين بالله عليك ثقيل؟ ليش مسوي العمليه يعني انقلع دف وانت ساكت وضعيف سكت وتحسفت بعد عليه بس يستاهل

والحمد لله كل شي سليم بس ما شالوه الا بعد يومين انقهرت لانه عله شوي بس الحمد لله

وخلاص كل شي عادي امشي وانام امشي وانام وهاكذا

عفت الشاهي هناك الى الان لانه استفرغته ولا انسى طعمه الشين ابداااا مع انه كان صديقي
--------------------------------------------------------
انتهاء مرحله المستشفى

-------------------------------------------------------
البيت كان احسن لانه سريري احبه مهب زي حقهم

قالولي اشرب فيفادول والله انه هد حيلي اكثر من العمليه ولا شربته عقب

فيه الام بس ما ابي استعمل المدري وشو عطوني مسكن قوي تعرفونه يا حقين العمليه

لانه الم احسن من الم وينهد حيلك جربت اصلي على الارض يعني اسجد وكذا حسيت بشي غريب داخل ولا قمت اصلي على الارض لمده شهرين

وقالولي لازم تمشي اول يومين طنشت لاني احس بارهاق بعدها مشيت وانا ادري انه المشي يعطيك العافيه بسرعه وكل يوم 15 لفه على البيت كل لفه دقيقتين خلاص يكفي

واشرب من ذيك الشربه الماصله الي بطعم الهوا اهم شي تشبع

وللمعلوميه اشتهي الاكل مررررررره ولا اقدر لاني خايف من مستر تسريب

وخلاص مشيت على روتين امل الى ما تمته

جيت اجرب اكل بيض بعد شهر الله لا يوريكم متعود على لقمه وش كبرها وحول ما اصيح والحمد لله مره بسلام ووقفت اكل وانا اناقز من صنف الى صنف اشوف وشو الي يجوزلي وهاكذا
بعد فتره جاء رمضان ونقزت لدكتور اقوله وش اسوي وكذا والنظام شرحلي وقالي انك تبي تحس ضيق ولا تاكل شي اشرب سوائل اول 3 ساعات من الافطار وهذا الي صار والامور حلوه

من ذاك الوقت وانا فيه شي في راس المعده يعورنيييييييي مهب حموضه لاني جربتها وحاره هذا لا شي ثاني وكتبت موضوع عنه قبل شي وعرفت السبب وطلع باااااااااايخ
الا وهو اني اكسر الحبوب( باختصار صارت تجرح) صرت اكلها كامله وطلع احسن الحممممممممممد لله

كان اغلب اكلي رجيم وللمعلوميه طعم الاكل تغير الرز الخضار الا البطاطس تغير طعمه مرررررره ما ادانيه ولاكن احب الاخضر جرجير خس كراث خيار طمام واخوانهم واول لا ما احبهم

اكلي من دايت سنتر السلطات الا ما عرفت اسويها في البيت بطريقه تجوزلي اكثر
بعدين صرت اعرف وش اكل ما اكل وزي كذا

الغصه الى الحين فيه وعله لازم اكل بشويييييييش اطفش صرت امشي واكل كل شوي شوي وبس احسن حل واخلي في طريقي جزر خيار خس جرجير كل ما امر اخذت شوي


الرز من اول ما احبه ما ذبحني الا الاكلات السريعه والحيت انا متهاوش معها من وقت العمليه الى الحين صح اشتهيها ولاكن الحين في الشهر مره اكل حلا واذا اكلته حسيت بتأنيب ضمير كني نمت ولا صليت وكل مره اقول الحين تعبت واخرتها تاكل حلا واخر شي كل شهر ملعقتين الى 3 حلا والحمد لله من اول ما احبه مره

بالنسبه لتماريت والترهلات
فيه ترهلات بس انا اتمرن يعني في الاسبوع 4 مرات على الحديد والاسبوع كله لازم اركض نص ساعه مو امشي المشي خلاص


طيب الي يقول ملل وكذا :]

انا اول كسووووووووووووووووووووووووووول ما فيه يتحرك


بس اول شهرين كل يومين مره امشي ( فيه ايام بزوطه)

صار روتين اوه العصر لازم امشي وخلاص تبرمجت

اصور نفسي كل اسبوع واقيس بطني ويديني اماكن الترهلات في الس 5 شهور راح من الترهلات 4 سم في اليد و 3 في البطن ادري مهب رايح كلها بس يعني احاول


ملاحظه اذا تتمرن على الحديد حط في بالك انه وزنك ما راح ينزل كثير ليش ؟
عشان العظلات تكبر واذا كبرت وزنها يزياد بس راح ينزل على خفيف ولو تصور نفسك كل اسبوع راح تشوف انك نحفت بس نفس الوزن لانه تنحف في اماكن وتكبر في اماكن يعني لا تشيل هم انت تنزل ولاكن تبني عظل
اما اذا جلست بدون ما تبني عظلات راح تنزل وبقوه ولاكن تراك تخسر وزن من الشحم ومن العظل واذا صار كذا ترا تبي تصير ضعيف وراح تتعب في بنائها بعدين

الماء صارت لي مواقف معه مثل متعود اشرب جغمه كبيره واستفرغه
ولقيت لنفسي حل الي هو اشرب الماء باااااااااااااااااااررررررد وفيه قطع ثلج غيره ما يرويني ليش مدري
اكثر شي اكل هو الزبادي الحليب صدر الدجاج سلطات النشوي ما اقربه لانه ابي اشوف 99 وادري انه مطول عليها بس مو مشكله وش وراي

6 الصبح فطوري كاس حليب حبه تست بالجبن السايل او فلادلفيا
9 الصبح حبه موزه او اي فاكهه
1 الظهر غداء واغلب الاحيان صامولي او توست محشي باي شي خالي من الدسم

3 العصر زيادي( بعض الاحيان فطوري او غداي يعني صدقيقي هو )

6 المغرب فاكهه

9 العشاء شي خفيف والغالب زبادي بالخيار او زعتر بالطمام او كاس حليب بالشابوره العزيزه
ما اكل شي قبل ما انام ب 3 ساعات لانه يجيب حمووضه قاتله الي تقومك من النوم
الروتين يتغير بس يعني حوله حواليه

الادويه زي ما هي ما افوت يوم اخاف

وزني كان 100+ ونزلت 40 كيلو والى الان 100+ وريض

معدل نزولي في الاسبوع من الشهر الاول الى الشهر 4 كان 7-10كيلو

ومن الشهر الرابع الى الحين صار يقل مره 5-8 كيلو على حسب وشرحت ليه تشوف فيه فرق في وجهي وجسمي ولاكن نفس الوزن
وهذا الشهر ما نزلت الى الحين الا 3 كيلو بس عادي وش وراي احتريه ينزل مبه ازعل نفسي واقول ليش ياليتني ما سويتها وكذا

والخطوط الي تطلع على الجسم كانت فيه من اول صرت ادهن كللللللل يوم من فازلين الي فيه فيتمين C and E لقيت فازلين احسن شي لانه اذا عرفت ما يطلع دهن يصير كنه ما فيه شي اصلا

بعض الاحيان احس بجوع وهو مهب جوع بس ابي اكل زي اول اروح اكل خياره او 2 ويروح الاحساس يعني ملعوب علينا اول كل ما حسيته نقزت ماك واحلا بق تيستي دبل اب واكسترا جبن يوووووه :]



الماء يساعد في عمليه التنحيف بدرجه قويه واحسن شي تكثر مويه لا تتعنا لها خلها معك واشرب وخلاص تشرب في اليوم 3-2 لتر ضاروري لاني تركت الامر هذا وجتني دوخه




فوائد العمليه بالنسبه لي:
اول شي الصحه زانت صحتي والتنفس ذاك خف
اثنين قلت مصاريف المطاعم اول على الاقل في اليوم 50 ريال تطفير يعني
يمكن العمليه غالي وقتها بس من اجل حياتك ولا تسوا
وبعدين على الوقت الطويل فيها توفير
ثالث شي ارتحت في النوم بشكل كبير اقوم بسرعه مره ولا فيه شخير مره زي اول ولا يقارن
ضغط الدم قل عندي الكرسترول قل الثلاثي قل
الاخير وهو الاهم الصلات يا سلام راحه ما فيه قلق وانت تقوم وتجلس مرتاح احسن من اول
وفيه اشياء خاصه


سلبيات العمليه بالنسبه لي :

الغصه غاثتني

بس


هل تحسفت انك تسوي العمليه ؟


بالعكس تحسفت اني ما سويتها من قبل كان احسن بس الي كاتبه الله يصير



الكلام كثير وهذا الي ذكرت اقولها اذا فيه اي سؤال اسئل


قولوا ما شاء الله في كل رد تردونه ما حطيته الا لتشجيع الي ما سوا العمليه
ادعولي انه الله يثبتني على ما انا عليه


والي عنده رقم الاخت امل يكتبه عشانه ضاع وانا ابي شي ضاروري شكرا



 

ابو تميم غير متواجد حالياً   رد مع اقتباس
a
قديم 12-20-2011, 09:53 AM   #2
عضوه
 
الصورة الرمزية ROLEX












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله

 


اوسمتي

ROLEX غير متواجد حالياً   رد مع اقتباس
a
قديم 12-20-2011, 10:14 AM   #3
شخصً غيرُ كلْ البشر
 
الصورة الرمزية قٍربتُ












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

مآشآء آلله تبآركك آلله


عقبآل مآتوصل للرقميُن Cant See Images

40 كيلو في سبع شهورُ حلُوه

آنآ لو آنزل بسبع شهور 50 بكون رآضي جدآآ

يعطيك آلعآفيه

 

__________________

قٍربتُ غير متواجد حالياً   رد مع اقتباس
a
قديم 12-20-2011, 10:15 AM   #4
عضو مشارك
 
الصورة الرمزية جوري












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاءالله لاقوة الا بالله
الله يتمم عليك ويمتعك بالصحة والعافية
والرشاقة الداااااائمة

 

__________________
جوري غير متواجد حالياً   رد مع اقتباس
a
قديم 12-20-2011, 11:15 AM   #5
عضو فضي
 
الصورة الرمزية سمينه بس فطينه












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله تبارك الله عليك الله لايضرك ويتمم عليك الصحه والعافيه وفالك الرشاقه وتوصل الرقمين بصحه وعافيه

 

سمينه بس فطينه غير متواجد حالياً   رد مع اقتباس
a
قديم 12-20-2011, 01:23 PM   #6
عضو فعال
 
الصورة الرمزية جيداء












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله تبارك الله

شي جميل و نعم يارب لك الحمد

الله يساعدك و توصل للوزن المثالي ان شاء الله

 

__________________


لايزعجني نعتي ب ( الغامضة )
ف المساحآت الخآصه في حياتي , حرمات لآ تُستبَآح إلآ ل ذاتي ..!!
جيداء غير متواجد حالياً   رد مع اقتباس
a
قديم 12-20-2011, 01:24 PM   #7
ٱميــــرة الذۅق
 
الصورة الرمزية أسيــل












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله لاقوة الا بالله ...
قصة محفزة للمترددين

الله يتمم عليك الصحة والعافية وينزل وزنك ليما توصل للمثالي ان شاء الله

موفق خيــر ~

 

__________________
••.اللَّهُمَّ إِنِّي أَسْأَلُكَ من فضلك العَظيم انْ تشفي { الدكتورة إِسْراء }
شفاءً لايغادر سقَما ْ ., عاجِلا غير آجِل يارَحْمن
أسيــل غير متواجد حالياً   رد مع اقتباس
a
قديم 12-20-2011, 02:34 PM   #8
عضو ذهبي
 
الصورة الرمزية روح مضيئه












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله على نزولك اولا وعلى ارادتك والتزامك ثانيا .. الحمدلله انك بدات تستمتع بطعم الرشاقه والخفه بالحركه .. عقبال مانبارك لك بوصولك للمثالي

 

__________________

اوسمتي

روح مضيئه غير متواجد حالياً   رد مع اقتباس
a
قديم 12-20-2011, 04:12 PM   #9
One day I will get there
 
الصورة الرمزية nevine












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاء الله ربنا يديم عليك الصحه

 

__________________
nevine غير متواجد حالياً   رد مع اقتباس
a
قديم 12-20-2011, 04:23 PM   #10
عضو فعال
 
الصورة الرمزية أتمني دخول الجنه












 

 

آخـر مواضيعي

افتراضي رد: السبع الشهور الاولى وكيف كانت ( سليفاوي)

ماشاءالله لاقوة الا بالله
الله يتمم عليك ويمتعك بالصحة والعافية
والرشاقة الداااااائمة

 

__________________
أتمني دخول الجنه غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أكل بعد الثلاث الشهور الاولى عبدالعزيز العنزي قسم تكميم المعده ( السليف ) 7 08-22-2014 12:00 PM
بداية يوليو كانت خطوتي الاولى في تحقيق الرشاقة (أزلت الحزام وعملت سليف) لبيك ياربي قسم العمليات المحولة 14 06-16-2014 04:12 PM
اليوم كانت مراجعتي الاولى بعد العملية عند الدكتور الرائع عدنان صباحي بسمة أمل قسم تكميم المعده ( السليف ) 11 10-02-2013 11:55 AM
كيف كانت في الماضي !!! وكيف اصبحت اليوم !!! أسيــل استراحة الأعضاء 8 11-09-2011 02:47 AM


الساعة الآن 12:27 AM


Powered by vBulletin® Version 3.8.10
Copyright ©2000 - 2020, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52