اعـــــــــــــــــــــلان هــــــــــــــــــــــام

عيادة الدكتور نايف العنزي
عدد الضغطات : 662
عيادة د. عدنان صباحي
عدد الضغطات : 5,755
عيادة الدكتور سالم الصواط
عدد الضغطات : 5,572
رشاقة للخدمات العلاجية
عدد الضغطات : 5,763

العودة   منتديات رشاقة > منتدى العمليات الجراحية > قسم تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

مرجع قصص المتكممين ...
عدد الضغطات : 5,256عرض بالصور للأدوية والفيتامينات والبروتين بعد عمليات السمنة_2015
عدد الضغطات : 5,690هدية رشاقة- جدول نزول الوزن المتوقع بعد العملية بشكل شهري
عدد الضغطات : 5,288توتر
عدد الضغطات : 3,445
عدد الضغطات : 0

سواليف الضحويه لِما قبل العمليه (قصتي )(:د. فهد بامحرز)

قصص وتجارب المتكممين

Like Tree1Likes
إضافة رد

 
LinkBack أدوات الموضوع انواع عرض الموضوع
قديم 11-21-2011, 11:43 PM   #1
عضو جديد












 

 

آخـر مواضيعي

Wink سواليف الضحويه لِما قبل العمليه (قصتي )(:د. فهد بامحرز)



يااالله مسهم بالخير كلهم 

الصراحه مالي بالمقدمات اطلاقا بس ودي اسولف لكم واضيف تجربتي للتجارب الكثيره بالمنتدى ممكن او اكيد راح تنفع المقبلين على التكميم ..*

طبعا اول شغله حابه اقولها انو ماعندي تاريخ مع السمنه الحمد لله عشان احكيلكم عنه ..*
وزني لقبل سنه وهو يتأرجح بين ال70 وال80

ومقاساتي بين ال 12 وال 14 بحكم طولي كان الوزن معطيني اقل بكثير من الحقيقي ..

عمري 26 ربيعا الله يخليني لي وعندي ورعان جميلان جعل يخلين لهم ويخليهم لي*

اخر سنه اللي مع بداية 2011 كانت بداية عهد جديد بالنسبه لي مع السمنه حملت وكنت مسيطره لحد الشهر السادس فجأه الزياده صارت مخيييفه جدا بالشهر من 4 ل5 كيلو

ولدت وصرت 93 كيلو 

اشتركت بسمارت دايت ونقصت معهم 4 ب3 شهور وبعدها سافرت بالصيف شهرين كنت انا واختي نتفنن من ياكل اكثر والبلد اللي سافرنا له ماكان نظام مشي كثير اغلب وقتنا نترزز بقهاوي ونلط من ذا الحلا والسندويشات والباستات ومن كل مالذ وطاب
واذا قمنا بنرجع الاوتيل خذنا من هاجن داز سطل ايسكريم نقطع به الوقت وحنا نمشي ههههههه
المهم رجعنا السعوديه ليلة رمضان ومنها لمكه*
طبعا النظام نصحى 4 ونفطر بالغرفة همن نصلي المغرب بالغرفه مع السماعات اللي تنقل الصوت من الحرم والدريشه على التوسعه فانا افتيت لنفسي انه يجوز كذا وشوله اتعب نفسي وانزل وامشي واعافر ذا العالم وربي مسهله من عنده ..*
كان كلهم يفطرون بالحرم الا انا*
واذا صليت نزلت للمطعم واكلت اكل لو بقسمه علا وضعي الان بعد التكميم يمكن يكفين 6 شهوور*
همن يرجعون وانزل مره ثانيه معهم للمطعم صح شبعانه بس لازم انقنق تخبرون*
ماتحلا السواليف بدون اجترار*
المهم انو من الاذان للاذان وانا اجتر*
طبعا لاحظت واهلي لاحظوا اني صايره مشفوحه*
وامي قالتلي مرام طالعتلك كرشه 
طبعا هي قالت والا ماقالت انا جتن غلقه*
وكرهت نفسي*
*كملته علي بناطيلي ماتسكر*
رجعنا ب15 رمضااان وطيرااان للدكتور ايمن حلمي*

قلتله دكتور ابي اشيل بطني قال كم وزنك قلت مدري كان بالثمانين بس اكيد نزل قال اوزني وزنت وكانت الصاااااعقه*
98*
انصعقت من جد
كنت 88 بشهر جون قبل اسافر هي اخر مره وزنت*
المهم قالي الخلا يابنتي لاصرتي 70 تعالي*
وعيا حتا يكشف علي*
قالي شوفي جنبي عيادة جراحة سمنه مريها طبعا دكتور ماقد سمعت به نسيت اسمه*
قام الدكتور وطلع من العياده لعياده ثانيه وانا لسى بالغرفه*
ودخلت حرمه هي نقطة التحول بحياتي*
علمته سالفتي وهي كانت جسمه زي الفرنسيات خياال ماشاء الله*
قالت شوفي انا كنت دبا مررره والحين مسوية تحوير عند د.عاطف بصاص بالحمادي*
طبعا انا ماادري وشو تحوير وماتحوير*
وقعدت تشرح لي بالتفصييييل الممل*
وعطتن رقم الدكتور فهد بامحرز قالت بكرا روحي له لاتضيعين وقت*
وكلمت المنسق حقه وعطان موعد من بعد يومين من المكالمه
طبعا رجعت بنفس الليله اللي رحت به لأيمن حلمي وفتحت الموضوع مع وزارة الماليه 
ويكرشن ذيك الكرشه اللي يعني اقطعي الامل ياحبيبي ياعمري مافي فااايده*
حاولت بكل الطرق عيا قال صكي فمك وامشي وتنحفين*
العمليات للي بالرابح الاكبر مب انتي*
يحسن نحيفه ياحبيله  هههههههه
طلع زوجي يعرف عن العمليات وشايف ناس مسوينه وعندو فكره عن المضاعفات عشان كذا خاف مررره من الفكره*
طبعا مايأست
ولاطرالي اهون*
رحت لوزارة الماليه قسم الحريم هههههههه
رحت لامي*
وتنطع ذاك الحلف اللي يشق جبهتي*
اني مااصلحه*
وزياده بالترهيب قالت تراي محلمتن بتس حلم انك تموتين ولاعلمت احد بس عاد هذاي علمتك*
طبعا للاسف فيني طبع شين مرررره
لاحطيت براسي شي الموضوع يعتبر منتهي*

رحت ادور مستشفى حكومي بما انو محد معطين فلوس وبحثت لقيت السالفه مشواااار*
ابوصل 200 كيلو يمكن ماجان الدور

نسيت اقولكم اني رحت للدكتور فهد وشرحلي كل شي عن العمليات بانواعها وارتحت له مررررررره .. وقالي استخيري وقرري الكلام ذا بآخر رمضان*

طبعا تكتمت ع الموضوع مررره صرت بس اقرا اقرا اقرا*

ولقيت كل العالم تمدح د.عبدالرحمن سالم*
واجي واروح لوه*
واقعد معاه يمكن ساعه ويشرح لي ويشرح لي وامل ماقصرت بعد ازعجتهم معي بالاسئله الكلام ذا كان يوم السبت 15/10 انجليزي
قلتلهم اوك خلاص ابي اقرب موعد*
قالت لي الاربعا هذا قلت اعتمدي*
المهم جان خووووف غيييير طبيعي مهما اوصفه ماتتخيلونه ارجف كني بياخذوني اعدام*
وبس اصلي اصلي كني بموت*
جا من بكرا الاحد اللي هو يوم التحاليل وكنت بالسياره بس اردد دعاء الاستخاره باسم الدكتور من قصه قريته بالمنتدي انو احسن تقول اسم الدكتور المهم رحت وبديت بتحاليلي وتخطيط القلب ومسلسل الرعب ماتتخيلونه*
فجأه سبحان الله وقفت واتخذت قرار اني مابي اسوي العمليه هنا بالتخصصي الطبي ولا مع الدكتور عبدالرحمن .
اتصلت وانا بغرفة التخطيط على منسق الدكتور فهد وذكرته بي *وقلتله ابي عمليتي الاربعاء لاني بسافر وووو واذا ماصلحته الاربعا خلاص مااقدر *قال تم ههههههه تعالي الحين لحبيب الريان قابلي عبير وخلصي تحاليلك وبصراحه الخوف راح تماما وهذي فايدة الاستخاره الحمد لله ..*
طبعا بلشت بموضوع الفلوس الفرق 10الاف بين الدكتور عبدالرحمن والدكتور فهد*
طبعا الجزء الاكبر من المبلغ اخذته من زوجي بحجة اني ابي *اغراض شخصية لي .. والجزء الثاني كان موجود معي الحمد لله*
هذا يوم كانت 37
الحين صارت 47*
منوين بجيب العشره ياربي*
صرت استنذل على خواتي*
انا اطلبك الفين وانتي تذكرين يوم اشتريلك اغراض ولا عطيتين نشبت بحلوقهم لين حولولي قروشي هههههههه*
يوم الاثنين عشان ابعد الشبهات ههههه رجلي كان عنده رحلة عمل يوم واحد للمدينه قلت معك وانشب له بروح وبيني وبين نفسي كنت مررره محتاجه استخير بالمسجد النبوي وادعي لنفسي ..*
رحت وكان يوم جداا رائع ارتحت نفسيا مررره وجلست لين من بكرا الثلاثاء ورجعنا الثلاثا الساعه 8 الليل وصلنا من هنا واعزم خواتي بمطعمي المفضل برجر بوتيك ههههه اكيد ليلةالعمليه قلق وخوف وتوتر بس نمت كنت متوقعه ماانام 
صحيت الصباح وديت بنتي مدرستها ورجعت خذت لي شاور وجهزت نفسي وودي اخلص بسرعه قبل زوجي يدري والا يطلع من دوامه فجأه او او او
عمليتي كانت 12 الظهر
والدخول 9 الصبح*
رحت 9لمكتب الدخول *وودوني غرفتي وجاني دكتور التخدير وانا فالتن شوشتي واصلح تسريحه خخخخ احسبهن بيخلونن ادخل وشعري فيه بنس قال وين المريضه قلت انا ويقعد يناظرن ابو دقيقه مب مستوعب وش ذا السايكو وسالني كم سؤال وطلع*
بدلت لبسي ورتبت شعري وحطيت مسكره ومرطب بعد يمديكم ع الروقان 
وقعدت اصور واخلي النيرسات يصورونن*
بلبس العمليه وكان مره اكشن وحماس بحكم انو الوقت قصير ماامداي وصلت واستقريت بغرفتي 10 *الا وجو خذوني للعمليات بسرعه ماكان فيه وقت للتفكير وكذا .. اذكر اني قعدت اقرا سورة البقره بس ماامدان الا على صفحتين ولاهم جايين يسحبونن قلتلهم بمشي قالوا لا قلت مافي امل تجرجرونن تقل جنازه وانا مابي الا العافيه قالو وانتي مالك امل تروحين مشي ياجماعه تكفون عيوا 
ويسحبونن للعمليات وانا بالسرير واكتب رساله لامي وابوي وزوجي*
نفس النص بس بدال امي ابوي*
كتبت لهم*
امي الحبيبه سادخل الان الى غرفة العمليات ارجوا ان تكوني راضيه عني وتسامحيني *ولاتنسيني من دعائك فأنا بأمس الحاجة اليه الان*

عاد بعدين تعلمن اختي تقول كنا ماسكين خط الشرقيه هماه اربعاء كان يوم شهقت امي هاك الشقه نحسبه جاه خبر احد مات وبتلت تصيح ونكدتي علينا ام الشرقيه*

نرجع لمحور حديثنا والاهم لاحظوا اني للحين مادفعت ولا هلله محد طلب من شي*

دخلت غرفة العمليات ويحطونن على السرير الخشبي اللي فوقه كشافات وابدا ارغي تقل بزر اصلا مابي عمليه هونت ابطلع ودكتور التخدير يماني يستظرف يقولي تحبين كونان ولاتوم وجيري ايقاله يلهين*
قلت لاتسوون بي شي لين يجي الدكتور ماشفته واسمع دكتور لبناني اطخم مره يقول لدكتور اردني شايب نيمها مابيصح تضلا واعيه بغرفة العمليات الدكتور مطول لحتا يجي عم يحكيلي الطريق عجئه وه لبا هاك الزين ياجماعه خخخخخ طبعا تعرفون وقت العمليه الانسان يكون مطوع مايقدر ياخذ راحته بالتمقل *

وانا هماي اصيح يحسبونن مااسمع مخلينن عندي الدكتور اليماني الدبشه يقولي اش رايك نحط لك كونان هههههههه *ويشر علا شاشات اللي تعرض التقارير الطبيه وكذا*

انتهى الجزء الاول*
تعبت 


مايستفاد من الموضوع*
كم مره ذكرت كلمة طبعا في القصة


 

مراااام غير متواجد حالياً   رد مع اقتباس
a
قديم 11-21-2011, 11:57 PM   #2
عضو مشارك
 
الصورة الرمزية دودى دو












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

مبروك يا قمر و منتظريين الجزء الثانى و عقبال المثالى لكى و للجميع

 

__________________
مهرة الليل
دودى دو غير متواجد حالياً   رد مع اقتباس
a
قديم 11-22-2011, 12:00 AM   #3
إلهي كَونُكَ معي يَكْفيني
 
الصورة الرمزية QUEEN












 

 

آخـر مواضيعي
 

افتراضي رد: سواليف الضحويه لِما قبل العمليه (قصتي )

قسم أنتس منتب صآحيه دخلتي العمليات محد دري عنتس الا برسآلة Cant See Images
الله يعين أمتس على الصيآم .. حسيتس تشبهينن بأشيآء كثيرة
خآصه اذا بغيتي شي , وشي مفروغ منه أنه بيتم بيتم من غير شر Cant See ImagesCant See Images
بس وش تحسين بوه وأنتي تسوين تسريحة وتحطين مسكره ومرطب Cant See Images


ننتظر بآقي الهبآل Cant See Images

 

__________________


QUEEN غير متواجد حالياً   رد مع اقتباس
a
قديم 11-22-2011, 12:27 AM   #4
VIP
 
الصورة الرمزية الدوبيه












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

اقتباس:
المهم قالي الخلا يابنتي لاصرتي 70 تعالي*
اقتباس:
رحت لوزارة الماليه قسم الحريم هههههههه
رحت لامي*
وتنطع ذاك الحلف اللي يشق جبهتي*
اني مااصلحه*
وزياده بالترهيب قالت تراي محلمتن بتس حلم انك تموتين ولاعلمت احد بس عاد هذاي علمتك*
اقتباس:
منوين بجيب العشره ياربي*
صرت استنذل على خواتي*
انا اطلبك الفين وانتي تذكرين يوم اشتريلك اغراض ولا عطيتين نشبت بحلوقهم لين حولولي قروشي هههههههه*

اقتباس:
وانا فالتن شوشتي واصلح تسريحه خخخخ احسبهن بيخلونن ادخل وشعري فيه بنس قال وين المريضه قلت انا ويقعد يناظرن ابو دقيقه مب مستوعب وش ذا السايكو وسالني كم سؤال وطلع*
بدلت لبسي ورتبت شعري وحطيت مسكره ومرطب بعد يمديكم ع الروقان 
وقعدت اصور واخلي النيرسات يصورونن*
اقتباس:
وه لبا هاك الزين ياجماعه خخخخخ طبعا تعرفون وقت العمليه الانسان يكون مطوع مايقدر ياخذ راحته بالتمقل *



هههههههههههههههههه
هههههههههههههههههههه
هههههههههههه
ههههههههههههههه


الله يوسع صدرك بالعاافيه
اخيرا عرفت شلون الناس تسوي العمليه بدون محد من اهله يعرف
بس والله رهيببببه

لاتتأخرين بالجزء الثاني عشان اثبت الموضوع لأنه يجيب ساعت الصدرCant See Images



 

__________________
أجمل لحظه






فَسَبِّحْ بِاسْمِ رَبِّكَ العَظِيمِ .

اوسمتي

الدوبيه غير متواجد حالياً   رد مع اقتباس
a
قديم 11-22-2011, 12:31 AM   #5
عضو فضي
 
الصورة الرمزية سمينه بس فطينه












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

هههههههههههه مرااام اقول ياحبيلتس والله انتس فللللله ياخف دمتس ياخيه كلتس ملح بسررررررررعه الجزء الثاني متشوقه

 

سمينه بس فطينه غير متواجد حالياً   رد مع اقتباس
a
قديم 11-22-2011, 12:36 AM   #6
عضو فضي
 
الصورة الرمزية شوكلاته دايت












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

ههههههههههههههههههههههههههههه
ياخف دمك ماشاءالله وياقوي قلبك بعد ههههههههههههه
بس تعجبيني ماعندك وقت
اهم شي االتسريحه قبل العمليه ههههههههههههههههه
اما يكون مطووع خخخخخخ صادقه
وسعتي صدري قبل النوم الله يوسع صدرك

بانتظار التكمله ..
وعجلي علينا ننتظرتك ..

 

__________________

احبك ياتكميم والله احبك





اللهم سخٌر لي جنود الأرض وملائكة السماء وكل قلب وليتهُ امري
واكتب لي الخير حيث
ُ كان ثم ارضني به ..
شوكلاته دايت غير متواجد حالياً   رد مع اقتباس
a
قديم 11-22-2011, 12:55 AM   #7
عضو جديد
 
الصورة الرمزية noni












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

يعطيك العافيه مرام صراحه سرد اكثر ممن رائع ..

مستمتعين جدا"

ربي يتم عليك الصحه والعافيه وفالك الرشاقه والمثالي يارب ..

ننتظر الجزء الثاني بفارغ الصبر لاتطولين علينا .....

 

__________________
سبحان الله وبحمده عدد خلقه ورضا نفسه وزنة عرشه
noni غير متواجد حالياً   رد مع اقتباس
a
قديم 11-22-2011, 02:33 AM   #8
عضو مشارك












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

هههههههههههههههه يازينك ياشيخه


كممملي البااقي

 

** وريف ** غير متواجد حالياً   رد مع اقتباس
a
قديم 11-22-2011, 02:41 AM   #9
نائبة المشرف العام سابقا
 
الصورة الرمزية كلبز












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

وتنطع ذاك الحلف اللي يشق جبهتي*

ههههههههههههههههههههههههههههههههه
ياقوتك ياشيخه..
بجد ..بجد..
شفت كتير خلال 3 سنين ونصف..
بس أول مره أقرأ قصه زي قصتك..

كملي يابنت الحلال..

 

__________________
[SIGPIC]

اوسمتي

كلبز غير متواجد حالياً   رد مع اقتباس
a
قديم 11-22-2011, 04:48 AM   #10
عضو فعال
 
الصورة الرمزية star












 

 

آخـر مواضيعي

افتراضي رد: سواليف الضحويه لِما قبل العمليه (قصتي )

المهم قالي الخلا يابنتي لاصرتي 70 تعالي*
وعيا حتا يكشف علي*

الله يذكرة بالخير ايمن نفس الي قالي لهط 300ريال وكرشني.Cant See Images

وفتحت الموضوع مع وزارة الماليه 
ويكرشن ذيك الكرشه اللي يعني اقطعي الامل ياحبيبي ياعمري مافي فااايده*
حاولت بكل الطرق عيا قال صكي فمك وامشي وتنحفين*
العمليات للي بالرابح الاكبر مب انتي*

هههههههه بصراحه ماله حق. علثة رجلي لو اعطيك فلوس وسويتي العمليه وجاك شي اهلك بيقولون كله منك

وشوله تعطيها انت السبب. ودفني على اهلي الله وخليهم لي

رحت لامي*
وتنطع ذاك الحلف اللي يشق جبهتي*
اني مااصلحه*
وزياده بالترهيب قالت تراي محلمتن بتس حلم انك تموتين ولاعلمت احد بس عاد هذاي علمتك*

اشوى فيه مثل أمي قبل اسبوعين قلت لها بروح دبي انا وعيالي لحالنا قالت بسم الله امس محلمه ان دبي فيها حرب والله ماتروحين
وش أقوى من هالنصبه

بدلت لبسي ورتبت شعري وحطيت مسكره ومرطب بعد يمديكم ع الروقان 
وقعدت اصور واخلي النيرسات يصورونن
ههههههههههه وش جوك ياهووووة

طبعا تعرفون وقت العمليه الانسان يكون مطوع مايقدر ياخذ راحته بالتمقل *
طبعا طبعا حاسين فيك


كملي قصتك الحلوة وسردك الروعه
Cant See Images

 

star غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فهد بامحرز وتنقيص الوزن قبل العمليه تشرينية قسم تكميم المعده ( السليف ) 13 04-03-2013 07:05 AM
قصتي مع العمليه ,, دبدوب قديم قصص وتجارب المتكممين 8 07-05-2012 02:30 AM


الساعة الآن 01:27 PM


Powered by vBulletin® Version 3.8.10
Copyright ©2000 - 2019, Jelsoft Enterprises Ltd.
SEO by vBSEO 3.6.0 RC 1
Ads Management Version 3.0.1 by Saeed Al-Atwi

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52